अक्षय कुमारने दिल्या लठ्ठपणा दूर करण्यासाठी खास टिप्स, तुम्हीही दिसाल अक्षयसारखे यंग व फिट!

Spread the love

खराब जीवनशैली (lifestyel) आणि अनहेल्दी खानपानाच्या (unhealthy food) सवयी यामुळे बहुतांश लोक लठ्ठपणाच्या समस्येने ग्रासलेले आहेत. वजन कमी (weight loss tips) करण्यासाठी नियमित एक्सरसाईज (exercise)आणि डाएट मध्ये (diet) काही छोटे-मोठे बदल करणं अत्यंत आवश्यक असतं. या दोन नियमांचे पालन केल्यास लठ्ठपणा किंवा पोटावरील चरबी कमी करण्यास मदत मिळते. पण लोकांना कायमच असा मार्ग हवा असतो ज्या मार्गाने ते लवकरात लवकर व कमी काळात एकदम फिट आणि सडपातळ दिसू लागतील. बॉलीवूडचा खिलाडी अर्थात आपला लोकप्रिय अभिनेता अक्षय कुमार (akshay kumar) आपल्या फिटनेससाठी अतिशय प्रसिद्ध आहे.

वय वाढलेलं असताना देखील अक्षय कुमार खूपच तरुण आणि फिट दिसतो. प्रत्येकजण त्याच्यासारखाच फिट आणि अॅक्टिव राहू इच्छितो. त्याच्या फिटनेसची व डाएट चार्टची तर सर्वत्र चर्चा होताना दिसून येते. म्हणूनच आज आपण जाणून घेणार आहोत की, या खिलाडीच्या डाएटमध्ये नक्की असं खास आहे तरी काय ज्यामुळे तो इतका तंदरुस्त आहे. खुद्द अक्षय कुमारनेच आपल्या चाहत्यांना वजन कमी करण्यासाठी व पोटावरील चरबी जाळून टाकण्यासाठी काही साध्यासोप्या टिप्स दिल्या आहेत. त्या टिप्स वापरुन तुम्ही देखील आता अक्षय कुमारसारखे दिसू शकता, एकदम तरुण आणि खिलाडी!

नियमित एक्सरसाईज करा

फिट राहण्यासाठी सर्वात उत्तम पर्याय हा योग किंवा एक्सरसाईज आहे असं अक्षय कुमारचं म्हणणं आहे. तो नियमित एक तास चालायला जातो आणि दररोज सकाळी १ तास स्वीमिंग करतो. याव्यतिरिक्त तो स्ट्रेचिंग एक्सरसाईज, योगा, एरोबिक एक्सरसाईज करण्याचाही सल्ला देतो. स्नायू बळकट व मजबूत बनवण्यासाठी अक्षय कुमार बास्केट बॉल देखील खेळतो. तसंत तो आपल्या सर्व चाहत्यांना खूप शारीरिक हालचाल म्हजेच फिजिकल अॅक्टिविटीज करण्याचा सल्ला देतो.

(वाचा :- वजन व पोट करायचं आहे कमी? मग फॉलो करा ‘हे’ ५ नियम!)

रात्री ६.३० आधी करा डिनर

बॉलीवूडचा खिलाडी अक्षय कुमार वजन कमी करण्यासाठी व पोटावरील चरबी जाळून टाकण्यासाठी आवर्जून हा सल्ला देतो की, रात्रीचं जेवण हे नियमित संध्याकाळी ६.३० वाजण्याच्या आधी केलंच पाहिजे. ६.३० नंतर मात्र काहीच खाल्लं नाही पाहिजे. यामागे असं कारण आहे की रात्री आपलं पचन तंत्र खूपच मंद गतीने कार्य करतं. त्यामुळे रात्री उशीरा डिनर केल्याने त्याचा नकारात्मक परिणाम शरीर व पचन तंत्रावर पडतो, ज्यामुळे शरीरातील फॅट्स जलद गतीने वाढू लागतात.

(वाचा :- तुम्हीही सकाळी रिकाम्या पोटी खाता ‘हे’ पदार्थ? मग पडू शकता भयंकर आजारी!)

जंक फुड खाणं टाळा

जेव्हा वजन कमी करण्याचा प्रश्न येतो तेव्हा अक्षय कुमार सर्वात आधी जंक फुड सोडण्याचा सल्ला देतो. हल्लीच्या पिढीतील तरुण मुलं ही जंक फुड खाण्याची शौकिन असतात त्यामुळे वजन कमी करणं खूपच कठीण होऊन बसतं. अधिक प्रमाणात जंक फुडचं सेवन न केल्याने व गोड पदार्थ तसेच ज्यूस न प्यायल्याने शरीरातील कॅलरीजची मात्रा वाढत नाही. यामुळे शरीरावर चरबी वाढत नाही व वजनही कंट्रोलमध्ये राहते.

(वाचा :- मानसिक आरोग्य जपण्यासाठी व तणावमुक्त राहण्यासाठी ट्राय करा ‘हे’ साधेसोपे उपाय!)

संतुलित व सात्विक आहार घ्या

वजन कमी करण्यासाठी जेवण पूर्णत: सोडून देण्यापेक्षा संतुलित, सात्विक व पौष्टिक आहारावर भर देणं गरजेचं असतं. अक्षय कुमार सुद्धा पराठे व एक ग्लास दूध पिऊन दिवसाची सुरुवात करतो. याव्यतिरिक्त तो लंच मध्ये डाळ, ब्राऊन राईस, मांसाहार, दही, भाज्या खाणं पसंत करतो. अक्षय एक खास सल्ला असा देतो की, वजन झपाट्याने कमी करण्यासाठी कधीही रात्रीचा आहार हा कमी प्रमाणात व हलका घ्यावा. कारण हा आहार पचण्यास हलका जातो व वजनावर कंट्रोल मिळवणं सोपं जातं.

(वाचा :- अपचन, गॅस, पोटदुखी, अ‍ॅसिडिटी सर्व समस्यांतून मिळेल मुक्ती, दररोज सकाळी करा कोकोनट वर्जिन ऑईलचं सेवन!)

साजूक तूपाचं सेवन करा

तुम्हाला हे जाणून आश्चर्य जरुर वाटू शकतं, पण वजन कमी करुन चरबी जाळून टाकण्यासाठी अक्षय कुमार साजूक तूपाचं सेवन करण्याचा सल्ला देतो. खरं तर सतत काही न काही खाल्ल्याने वजन वाढतं. पण साजूक तूपाचं सेवन केल्याने पोट भरलेलं राहतं आणि सारखी भूक देखील लागत नाही. यामुळे वजन तर नियंत्रित राहतंच शिवाय शरीरात फॅट जमा होत नाही. अक्षय कुमारच्या या टिप्स फॉलो केल्या तर लठ्ठपणातून तुम्हाला कायमची मुक्ती मिळू शकते. फक्त तुम्हाला अक्षयसारखं डाएट आणि लाईफस्टाइलमध्ये काही छोटे छोटे बदल करावे लागतील.

(वाचा :- ‘या’ तीन पद्धतींनी करा मक्याच्या कणसाचं सेवन, सर्दी-खोकला दूर होण्यासोबतच आरोग्यास होतील लाभच लाभ!)


Source link

You may also like...

Leave a Reply

Your email address will not be published. Required fields are marked *