अनुष्का शर्मा व मीरा राजपूतने परिधान केले एकसारखेच कपडे? स्टाइलमध्ये कोणी मारली बाजी

Spread the love

बॉलिवूडमधील कित्येक अभिनेत्री अभिनयाव्यतिरिक्त आपल्या स्टाइल स्टेटमेंटसाठीही प्रसिद्ध असतात, हे आपणा सर्वांनाच माहिती आहे. स्टाइल स्टेटमेंट चर्चेत राहण्यासाठी या अभिनेत्री मोठ्या प्रमाणात पैसा खर्च करतात. बॉलिवूड स्टार्स आपल्या कपड्यांव्यतिरिक्त डिझाइनर बॅग, स्टायलिश अ‍ॅक्ससेरीज, फुटवेअर यासह अन्य गोष्टींवरही लाखो- कोट्यवधी रुपये खर्च करतात. केवळ फॅशनेबल लुक मिळावा, यासाठी बॉलिवूडकरांकडून इतके कष्ट घेतले जातात. पण कधी-कधी काही अभिनेत्रींकडून दुसऱ्या अभिनेत्रींची स्टाइल कळत-नकळत कॉपी केली केली जाते.

बॉलिवूडमधील टॉपच्या अभिनेत्रीकडून असा काही प्रकार घडल्यास नेटकऱ्यांना त्यांना ट्रोल करण्याची आयती संधीच मिळते. दरम्यान काही दिवसांपूर्वी अनुष्का शर्मा (Anushka Sharma) आणि बॉलिवूड अभिनेता शाहिद कपूरची (Shahid Kapoor) पत्नी मीरा राजपूतमध्येही फॅशन फेसऑफ पाहायला मिळालं होतं. या दोघींचे आउटफिट जवळपास एकसारखेच होते. पण हटके स्टाइलमध्ये कोणी मारली बाजी? जाणून घेऊया… (फोटो क्रेडिट – इन्स्टाग्राम)
(करीना कपूरच्या स्टायलिश अवतारावर भारी पडला मीरा राजपूतचा मोहक लुक)

​अनुष्काच्या चेहऱ्यावर दिसतोय प्रेग्नेंसी ग्लो

अनुष्का शर्माची (Anushka Sharma) प्रेग्नेंसी फॅशन सध्या भरपूर चर्चेत आहे. या दिवसांतही अनुष्का आपल्या स्टाइलमध्ये वेगवेगळे प्रयोग करताना दिसत आहे. ओवरसाइझ्ज टी-शर्ट, कम्फर्टेबल ड्रेस, स्ट्राइप डिझाइन मॅक्सी, रोमँटिक ड्रेस, ऑफ-शोल्डर बॉडीकॉन आणि डिझाइन सूट -साड्या अशा पेहरावामध्ये बहुतांश वेळा दिसणारी ही अभिनेत्री सध्या रफल्स ड्रेसपासून ते काळ्या रंगाच्या मोनोकिनी, A लाइन मॅक्सी, मिनी ड्रेस यासारखे स्टायलिश आउटफिट देखील सहजरित्या परिधान करत आहे.

(को-स्टारच्या पार्टीमध्ये दीपिका पादुकोणची हजेरी, स्टायलिश पारंपरिक ड्रेस केला होता परिधान)

​मिनी ड्रेसमध्ये दिसत होती सुपर स्टायलिश

अभिनेत्री अनुष्का शर्मा सध्या शूटिंगमध्ये व्यस्त आहे. काही दिवसांपूर्वी अनुष्काचा शूटिंग सेटवरील फोटो सोशल मीडियावर व्हायरल झाला होता. या फोटोमध्ये तिनं चमकदार पिवळ्या रंगाचा कस्टम हँडमेड प्रिंट असणारा मिनी ड्रेस परिधान केल्याचे आपण पाहू शकता. फॅशन डिझाइनर अनीता डोंगरे यांनी खास अनुष्कासाठी हा ड्रेस डिझाइन केला आहे. अनुष्काच्या या मिनी ड्रेसवर रेशीमच्या धाग्यांनी हँडमेड बुटी एम्ब्रॉयडरी करण्यात आली आहे. नेकलाइनला स्टायलिश लुक मिळावा, यासाठी लेस जोडण्यात आलीय. तसंच या ड्रेसमध्ये बलून स्लीव्ह्जसह पॉकेट्स आणि मागील बाजूने व्ही नेकलाइन पॅटर्न देण्यात आला होता. या पोषाखामध्ये अनुष्काचा लुक सुपर स्टायलिश दिसतोय.

(शाहिदसोबत फोटो काढण्यासाठी मीराने इतके महाग कपडे केले परिधान, फोटो व्हायरल)

मीरा राजपूतकडेही आहे सेम ड्रेस?

दरम्यान अशाच पॅटर्नचा ड्रेस अनुष्का शर्मापूर्वी शाहिद कपूरची पत्नी मीरा राजपूतनं देखील परिधान केला होता. या दोघींच्या ड्रेसमध्ये केवळ स्लीव्ह्ज डिझाइन वेगळे होतं. अनुष्का शर्माच्या ड्रेसमध्ये बलून स्लीव्ह्ज होते. दरम्यान मीरा राजपूतने अनीता डोंगरे यांच्या ग्रासरूट कलेक्शनमधून ‘मीसा’ ड्रेसची निवड केली होती. मीराच्या ड्रेसवर SEWA संस्थेतील महिला कारागिरांनी हाताने एम्ब्रॉयडरी केली होती. ही संस्था ग्रामीण महिलांच्या सशक्तीकरणासाठी कार्य करते.

(अनुष्का शर्मा ‘या’ क्लोदिंग ब्रँडची आहे मालकीण, स्वस्त किंमतीत मिळतात मस्त स्टायलिश कपडे)

​अनुष्का की मीरा? कोणी मारली बाजी

एकीकडे अनुष्का शर्मा आपल्या स्टाइलमध्ये आकर्षक आणि स्टायलिश दिसत होती. तर दुसरीकडे मिनी ड्रेसमध्ये मीरा राजपूतचा लुक देखील सुंदर व मोहक होता. दोघींचाही लुक हटके होता. पण स्टाइलच्या बाबतीत अनुष्का शर्माचा लुक मीरा राजपूतवर भारी पडल्याचे दिसलं. पण तुम्हाला कोणाचा लुक आवडला?

(प्रसिद्ध अभिनेत्री असतानाही दीपिकाने करीनाची स्टाइल केली कॉपी? फोटो झाले होते व्हायरल)

(वेट लॉसनंतर शहनाज गिलचं ‘स्टाइल’ टशन सुरूच, एकापेक्षा एक ग्लॅमरस फोटो करतेय शेअर)

फॅशनिस्ता अनुष्का शर्मा




Source link

You may also like...

Leave a Reply

Your email address will not be published. Required fields are marked *