अपचनामुळे त्रस्त आहात? समस्या दूर करण्यासाठी वाचा ही फायद्याची माहिती

Spread the love

दीपाली सिंग
लॉकडाउनमुळे अवेळी खाणं, जंक फूडचं सेवन, स्क्रीनटाइममध्ये झालेली वाढ, पुरेशी झोप न घेणं यांचं प्रमाण वाढलंय. आहाराचं गणित बिघडल्यानं खाण्याच्या सवयींमध्ये देखील बिघाड झाला. परिणामी पोट फुगणं, जळजळ होणं, अपचन, आम्ल पित्त, बद्धकोष्ठता आणि पोटदुखी यासारख्या समस्या डोकं वर काढतात, असं डॉ. रॉय पाटणकर सांगतात.

जीवनशैलीत होतोय बदल
अपचन, पित्त, गॅस यासारख्या पोटाच्या समस्यांना आमंत्रण देण्यासाठी अनेक गोष्टी कारणीभूत ठरू शकतात. यापैकी सर्वात सामान्य कारण म्हणजे बदललेली जीवनशैली. यासोबतच आहारात पालेभाज्या आणि फळांचा अभाव, शरीराचा हालचाल कमी होत असल्यानं अन्नाचं व्यवस्थित पचन होत नाही. अपचनासाठी मानसिक स्थितीही कारणीभूत ठरू शकते, हे फार कमी जणांना माहीत असतं. सध्या आजूबाजूच्या नकारात्मक वातावरणाचा जीवनशैलीवर आणि आरोग्यावरही परिणाम होतोय.

​अपचनाचे प्रकार

एन्झायटीचा त्रास असणाऱ्यांना देखील अपचनाची समस्या जाणवू शकते. अपचनामध्ये अनेक प्रकार असतात. डॉ पाटणकर यांच्या मते, ‘पोट व्यवस्थित साफ न होणं, वजन कमी होणं, मळमळ किंवा उलट्या, तीव्र पोटदुखी यातील काहीही ४८ तासांहून अधिक जाणवत असल्यास ताबडतोब डॉक्टरांना संपर्क करा. परिस्थिती हाताबाहेर जाण्याआधी वैद्यकीय सल्ला घ्यावा. अपचनाची समस्या असणाऱ्या व्यक्तींनी स्वतःची काळजी स्वतःच घेण्यास प्राधान्य द्यावं. चांगल्या सवयी लावून घ्याव्यात. जेणेकरून, अपचनाची समस्या नियंत्रणात आणता येईल.

(फिट राहायचंय? तर मग आहार आणि व्यायामाचं असं करा नियोजन)

​हिरव्या पालेभाज्या खा

आरोग्य उत्तम राहण्यासाठी पोटाचं कार्य सुरळीत पार पडणं गरजेचं आहे. आहारात हिरव्या पालेभाज्या, मोड आलेली कडधान्यं, डाळी, सुका मेवा, पचनाला हलके असणारी धान्य यांचा समावेश करा. आम्लपित्ताचा त्रास असणाऱ्यांनी बडीशेप, काकडीची कोशिंबीर, धणे घातलेला चहा, कोकम सरबत प्यावं. यासोबतच कोमट पाणी प्यायल्यास पोटाच्या समस्या दूर होण्यास मदत मिळते. हिंग, बडीशेप, जिरे यामध्ये गॅस कमी करण्याचे नैसर्गिक गुणधर्म असल्यानं त्यांचं नियमित सेवन करावं असं डॉ. पाटणकर सांगतात.

(Weight loss चहाऐवजी प्या हे ड्रिंक, एका आठवड्यात कमरेवरील चरबी होईल कमी)

शिळे अन्न खाताय?

चहा आणि कॉफीचं अतिसेवन देखील हानिकारक आहे. अन्न पूर्णपणे शिजवून खा. शिळं अन्न खाणं टाळा. फळं आणि भाज्या खा. आहारातून कमीत कमी शर्करा पोटात जायला हवी. तेलकट आणि जंक फूड यांच्या सेवनानं आतड्यांची जळजळ होण्याची शक्यता वाढते.

(वजन घटवण्यासाठी आरोग्यवर्धक आहेत फळांच्या या ३ स्मूदी, पोटावरील चरबी होईल कमी)

​तळलेले पदार्थ टाळा

पावसाळ्यात तळलेल्या पदार्थांवर ताव मारला जातो. पण, हे तळलेले पदार्थ पोटाला हानी पोहोचवू शकतात. तळलेल्या पदार्थांतून अतिरिक्त तेल पोटात जाऊन वजनवाढीची समस्या निर्माण होऊ शकते. तळलेल्या पदार्थांऐवजी शिजवलेल्या अन्नपदार्थांना आहारात समाविष्ट करा, असं तज्ज्ञ नमूद करतात. काहींना कच्च आलं आणि लसूण खाण्याची सवय असते. यांच्या सेवनानं रोगप्रतिकारक शक्ती वाढते. पण, त्याच्या अतिसेवनानं पचनक्रियेला हानीही पोहोचू शकते. पचनक्रिया सुरळीत राहण्यासाठी पदार्थ योग्य प्रमाणात पोटात जाणं गरजेचं आहे.

(Weight Loss Story या व्यक्तीचे वजन होते १०२Kg, असं घटवलं १२Kg वजन)

​योग महत्वाचा

उत्तम शारीरिक आणि मानसिक आरोग्यासाठी योग साधनेला पर्याय नाही. योग किंवा व्यायाम नियमित केल्यानं पचनक्रिया सुरळीत होते. सध्याच्या जीवनशैलीत व्यायामाला जास्त महत्त्व दिलं गेलं पाहिजे. जेवणाच्या वेळा सांभाळणं थोडं कठीण असलं तरी अशक्य नाही. शरीराला शिस्त लावण्यासाठी सर्वात आधी जेवणाच्या योग्य वेळांचं पालन करा. शिवाय, रात्री अपरात्री उठून खाणं आरोग्याच्यादृष्टीनं हानिकारक असतं.

(मेंदूच्या आरोग्यासाठी या १० फायदेशीर गोष्टींचा करा सराव)

​चालण्याचा व्यायाम

रात्रीच्या वेळी पचनक्रिया मंदावते. अशावेळी आणखी पदार्थ खाल्ल्यानं त्यांचं पचन होत नाही. रात्री उशिरा जेवल्यानं सकाळी उठल्यावर त्रास जाणवू शकतो. जेवणानंतर घरात अथवा अंगणात फेऱ्या मारा. जेणेकरून, खाल्लेलं अन्न व्यवस्थित पचण्यास मदत होईल.

भरपूर पाणी प्या

पाणी बऱ्याच आजारांना दूर ठेवण्यास मदत करतं. पाण्यामुळे शरीरातील हानिकारक घटक आणि टाकाऊ पदार्थ शरीराबाहेर टाकली जातात. दररोज किमान बारा ग्लास पाणी पोटात जायला हवं. पाणी हा घटक पचनक्रियेच्या प्रक्रियेत महत्त्वाची भूमिका बजावतो.

(Exercise For Health हवा रोजच्या रोज व्यायाम, कारण…)

​घरगुती उपचार करताना

आम्लपित्त, अपचन यासारख्या समस्यांवर घरगुती उपचार केले जाऊ शकतात. अपचनाचा त्रास असणाऱ्यांना ताक अथवा थंड दूध पिण्याचा सल्ला दिला जातो. एक चमचा भाजलेल्या जिऱ्यांना गरम पाण्यात भिजवून त्याचं सेवन केल्यास पचनक्रिया सुधारते. शिवाय, नारळ पाण्याचाही फायदा होऊ शकतो. थंड पाण्यात गूळ घालून पूर्ण विरघळू द्या. हे पाणी अपचनावर उत्तम उपाय आहे. यामुळे शरीराचं तापमान नियंत्रित राहण्यास मदत होते. तुळस आयुर्वेदिक गुणधर्मामुळे ओळखली जाते. तुळशीची तीन ते चार पानं एक कप पाण्यात मंद आचेवर गरम करून घ्या आणि ते कोमट पाणी प्या.

(Diet Plan Tips आहारात घटकांचा साधा समतोल)

संकलन – तेजल निकाळजे, साठये कॉलेज


Source link

You may also like...

Leave a Reply

Your email address will not be published. Required fields are marked *