अर्जुन रामपालची प्रेयसी गॅब्रिएलाने डिलिव्हरीनंतर ११ दिवसांत केलं तब्बल २१ किलो वजन कमी!

Spread the love

हे वाढलेले वजन खरंच वाईट आहे का?

गरोदरपणात आणि डिलिव्हरी नंतर वजन वाढले ही नैसर्गिक प्रक्रिया आहे. यात कोणत्याही स्त्रीचा दोष नाही. ती पुन्हा फिटनेस वर लक्ष देऊन आपले वजन कमी करू शकते. पण आपल्या समाजची अशी मानसिकता आहे कि त्यांना स्त्रीने आपले वजन लगेच कमी करावे अशी अपेक्षा असते. ही अपेक्षा करणे अत्यंत चुकीचे आणि आणि त्या काळात त्यांच्यावर हसणे सुद्धा चुकीचे आहे. अशावेळी स्त्रियांनी अशा गोष्टींकडे लक्ष न देता आपल्या आरोग्याकडे लक्ष द्यावे आणि शक्य तितकं फिट राहण्याचा प्रयत्न करावा.

(वाचा :- प्रेग्नेंसीमधील पोटदुखी दूर करण्यासाठी ट्राय करा ‘हे’ सुरक्षित घरगुती उपाय!)

योग करावा

गॅब्रिएलाने व्यायामाप्रमाणे योगवर सुद्धा जास्त भर दिला. आता तर संपूर्ण जगाने चांगल्या आरोग्यासाठी योगचा स्वीकार केला आणि आणि योगचे महत्त्व जाणले आहे. त्यामुळे डिलिव्हरी नंतर सुदृढ राहायचे असेल व वजन कमी करायचे असेल तर आवर्जून तुम्ही योग करायला हवा. डिलिव्हरी नंतर स्त्रीसाठी योगचे काही विशिष्ट प्रकार फायदेशीर ठरतात. गॅब्रिएलाने सुद्धा नियमितपणे न चुकता योगचे विशिष्ट प्रकार करून आपले वजन कमी केले. एखाद्या जाणकाराकडून तुम्ही याबद्दल अधिक माहिती मिळवली तर ते तुम्हाला कोणते प्रकार डिलिव्हरी नंतर स्त्रीला फायदेशीर ठरतात ते सांगू शकतात.

(वाचा :- नवव्या महिन्यात करा ‘या’ पदार्थांचे सेवन, योग्य वेळी उघडेल गर्भाशयाचे तोंड!)

वेट लॉस डाएट

डिलिव्हरी नंतर आपले वाढले वजन कमी करण्यासाठी गॅब्रिएला खूप सलाड खायची आणि तिने आपल्या डाएट मध्ये अनेक आरोग्यदायी पदार्थांचा समावेश केला होता. जसे की नाचणी आणि बदाम यांचे ती मोठ्या प्रमाणावर सेवन करायची. गॅब्रिएला स्नॅक्स मध्ये हलक्या गोष्टीच खायची ज्यामुळे पोट लवकर भरायचे आणि जास्त भूक लागायची नाही. त्यामुळे कॅलरीसुद्धा वाढायची नाही. शिवाय वजन कमी करण्यासाठी गॅब्रिएला डाळ आणि मेथीदाणे सुद्धा खायची. त्यामुळे ज्या स्त्रीला डिलिव्हरी नंतर वजन कमी करायचे आहे तिने सुद्धा हे डाएट फॉलो केल्यास तिला परिणाम नक्की दिसून येईल.

(वाचा :- जाणून घ्या प्रेग्नेंसीत योनीमध्ये होणा-या वेदनांमागील कारणे व घरगुती उपाय!)

फॅट कमी करण्याच्या टिप्स

वजन कमी करण्यासाठी गॅब्रिएला केवळ जिमलाच जायची नाही तर जिमच्या बाहेर सुद्धा हलके व्यायाम करायची. जसे की खूप अंतर चालणे, धावणे, यामुळे तिला खूप फायदा झाला. याशिवाय ती नेहमी स्वत:ला सकारात्मक ठेवायची. तिने या काळात अजिबात कशाचच दडपण घेतलं नाही. अनेक स्त्रिया वजन वाढल्याने नेहमी तणावात असतात. पण त्याऐवजी स्वत:ला जर सकारात्मक ठेवलं तर त्याचा अधिक फायदा होतो. गॅब्रिएलाच्या मते आई झाल्यानंतर स्त्रीच आयुष्य बदलतं आणि तिने प्रत्येक बदल स्वीकारायला हवा. त्यांनतरच वजन कमी करण्याचे प्रयत्न सुरु करावेत.

(वाचा :- डिलिव्हरीनंतर प्या हर्बल होममेड ड्रिंक्स, कमजोरी दूर होण्यासोबतच ब्रेस्ट मिल्क वाढेल!)

डॉक्टरांचा सल्ला घ्यावा का?

सहसा डिलिव्हरी नंतर योग्य प्रकारे व्यायाम केल्यास आणि आहार केल्यास स्त्रीचे वजन कमी होते. परंतु अत्यंत दुर्मिळ प्रकरणात असे दिसून आले आहे की वजन कमी होत नाही उलट वाढत जाते. अशावेळी स्त्रीने डॉक्टरांचा सल्ला घ्यायला हवा. डॉक्टर या मागेचे योग्य कारण सांगून त्यावर उपचार सुरु करतील. अशा प्रकरणांमध्ये स्त्रीने अजिबात हयगय न करता डॉक्टरांनी सांगितलेल्या सुचनांचे पालन करावे आणि निरोगी रहावे.

(वाचा :- प्रेग्नेंट महिलांसाठी अमृत आहेत आयर्नने परिपूर्ण असलेले ‘हे’ पदार्थ!)


Source link

You may also like...

Leave a Reply

Your email address will not be published. Required fields are marked *