अवयव दान कसं करतात आणि कोणत्या अवस्थेतील अवयव दुस-याच्या कामी येऊ शकतात?

Spread the love

प्रक्रिया काय आहे?

अवयवदानाची प्रक्रिया तशी सोप्पी आहे. तुम्ही ऑनलाईन फॉर्म भरून किंवा संबंधित हॉस्पिटलशी संपर्क साधून अवयव दानासाठी नोंदणी करू शकता. या नोंदणीवेळी दोन साक्षीदार सोबत असणे गरजेचे आहे. त्यापैकी एक आपल्या कुटुंबातील व्यक्ती असावा. हे पूर्णत: स्वयंसेवी दान असते हे लक्षात घ्यावे. नोंदणी झाल्यावर एक डोनर कार्ड दिले जाते. संबंधित व्यक्ती मृत पावल्यास त्याच्या कुटुंबाने हॉस्पिटलशी संपर्क केल्यावर हॉस्पिटल मार्फत व्यक्ती ब्रेन डेड असेल तरच त्याचे अवयव काढून घेतले जातात. आता आपण विविध अवयवांच्या दानाविषयी माहिती घेऊ.

(वाचा :- जाणून घ्या नाश्त्यापासून डिनरपर्यंतच्या योग्य वेळा, अवेळी जेवत असाल तर लठ्ठ होणारच!)

डोळ्यांचे दान

आपल्या देशांत सर्वाधिक कोणत्या अवयवाची दान होते तर ते आहे डोळ्यांचे दान अर्थात ज्याला नेत्रदान असेही म्हणतात. यामागे कारण हे आहे की आपल्या देशात नेत्रविषयक समस्यांनी ग्रस्त असणाऱ्या रुग्णांची संख्या अधिक आहे. त्यामुळे एखाद्याची दृष्टी गेल्यास त्याला नवीन दृष्टी देण्यासाठी दान करण्यात आलेल्या नेत्रांचा वापर केला जातो. नेत्रदाना बद्दल एक गोष्ट चांगली आहे ती म्हणजे व्यक्ती वयाची 100 वर्षे उलटल्यानंतर जरी मृत पावला तरी त्याचे डोळे दुसऱ्या व्यक्तीला दृष्टी देऊ शकतात.

(वाचा :- संजय दत्त ग्रस्त असलेल्या फुफ्फुसाच्या कर्करोगाची 3 री स्टेज आयुष्यासाठी किती धोकादायक?)

​हृदय आणि फुफ्फुसाचे दान

ज्या व्यक्तीला आपले हृदय आणि फुफ्फुस दान करायचे असते त्या व्यक्तीने वयाची 50 वर्षे पूर्ण होण्याआधी संबंधित फॉर्म भरून नोंदणी करणे आवश्यक असते. कारण डॉक्टर त्यांच व्यक्तीचे हृदय वा फुफ्फुस ट्रान्सप्लांट करतात ज्यांचा मृत्यू 50 वर्षे वयाच्या आधी झाला आहे, त्यापेक्षा जास्त वयाच्या व्यक्तीचे हृदय आणि फुफ्फुस सहसा ट्रान्सप्लांट केले जात नाही कारण तोवर हृदय आणि फुफ्फुसांची क्षमता कमी झालेली असते.

(वाचा :- मध आणि लिंबूचे एकत्रित सेवन केल्यास…)

यकृताचे दान

एखादा व्यक्ती आपली किडनी वा यकृत दान करू इच्छित असेल आणि त्याचे यकृत त्याच्या मृत्यूनंतरही सुस्थितीत असेल तर त्याचा वापर गरजू रूग्णांसाठी केला जाऊ शकतो. पण इथेही वयाची मर्यादा आहे. मृत व्यक्तीचे वय 70 वर्षांच्या आत असेल तरच त्याच्या यकृताचा ट्रान्सप्लांटसाठी वापर केला जातो. जर मृत व्यक्तीचे वय त्यापेक्षा जास्त असले तर त्या व्यक्तीच्या यकृताचे दान स्वीकारले जात नाही. जर काही प्रकरणात असे यकृत वापरायचे झाले तर त्या यकृताचे आयुष्य अजून किती आहे ते तपासूनच ट्रान्सप्लांटचा निर्णय घेतला जातो.

(वाचा :- दिवसभर एका जागेवर बसून काम करणारेही आता वजन करु शकतात कमी, फक्त करा या गोष्टी!)

हाडांचे दान

या अवयव दानाबद्दल तुम्ही फार कमी ऐकून असाल पण हो हे खरे आहे कि हाडांचे दान सुद्धा केले जाते. आपल्या देशात हाडांशी निगडीत शस्त्रक्रिया मोठ्या प्रमाणावर होतात आणि तेव्हा गरजू रुग्णाला गरज भासल्यास हाडांचा वापर केला जातो. हाडांचे दान सुद्धा 70 वर्षांच्या आतील वयाच्या मृत पावलेल्या व्यक्तीकडूनच स्वीकारले जाते. कारण यापेक्षा जास्त वयाच्या व्यक्तींची हाडे कमजोर झालेली असतात व त्यांचा इतर रूग्णांसाठी वापर करता येत नाही.

(वाचा :- काय आहेत साष्टांग नमस्काराचे फायदे? पंतप्रधानांनी श्रीरामांना घातला साष्टांग नमस्कार!)


Source link

You may also like...

Leave a Reply

Your email address will not be published. Required fields are marked *