आनंदी आयुष्य हवं असल्यास २०२० ने शिकवलेल्या ‘या’ गोष्टींचं २०२१ मध्येही करा कटाक्षाने पालन!

Spread the love

अचानक झडप घातलेल्या करोना व्हायरसने (corona virus 2020) अगदी २०२०च्या पुर्वाधातच जगाला असा काही झटका दिला ज्यासाठी कोणीच तयार नव्हतं. कोणी कल्पना देखील केली नव्हती की, प्रगतशील विज्ञान व टेक्नोलॉजीच्या काळात अशीही एक वेळ येईल जेव्हा एका क्षुल्लकश्या व्हायरसपायी लोकांना आपल्याच घरात कोंडून राहावं लागेल. भलेही नवीन वर्षाला सुरुवात झाली असेल पण करोनाच्या वेदनादायक खुणा पुसल्या जाण्यासाठी खूप कालावधी लागणार.

पण हे देखील सत्य आहे की, २०२० ने लोकांना नाती व कुटुंब याबाबत असा काही धडा शिकवला जो पैसा आणि करियरच्या पाठी धावताना सारेच विसरुन गेले होते. हे ते धडे आहेत जे आनंदी आयुष्य जगायचं असेल तर आपल्याला या नवीन वर्षात पदार्पन केल्यानंतरही विसरुन चालणार नाही. नक्की या धड्यात अशा कोणत्या गोष्टींचा समावेश आहे ज्या प्रत्येकासाठी सारख्या घडल्या व पुढे घडू नयेत म्हणून काय काळजी घ्यावी याबद्दल जाणून घेऊया.

खरी धनदौलत कुटुंबच आहे

या जगात सर्वांनाच ‘खूप सारा पैसा कमवायचा आहे आणि ऐशो आरामात जीवन जगायचं आहे’, पण २०२० मध्ये करोनाने हे शिकवलं की, तुम्ही कितीही श्रीमंत असा पण कुटुंब व आपल्या लोकांपासून दूर असाल तर आयुष्य व्यर्थ आहे. आयुष्याची खरी धनदौलत तर कुटुंब आहे. जे कुटुंब कायम आपली चिंता करतं, आपली साथ देतं आणि या बदल्यात कोणतीही अपेक्षा न ठेवता प्रेम आणि आनंद देतं. यामुळेच तर मुश्किल काळात लढण्याची आपल्याला हिंमत मिळते.

(वाचा :- वरुण धवनच्या मते मुली आपल्या जोडीदारात ‘ही’ एक गोष्ट आवर्जून शोधतात!)

पैसा

या गोष्टीत काहीच संशय नाही की आताच्या काळात महागाई खूप वाढली आहे, ज्याचा प्रभाव सहाजिकच राहणीमान व जगण्याच्या पद्धतीवर पडला आहे. कम्फर्टेबल लाइफसाठी लोक जीव तोडून मेहनत करतात आणि जास्तीत जास्त पैसा कमावण्याचा प्रयत्न करतात. काही लोक असा विचार करतात की, ज्याच्या व्यक्तीकडे जास्त पैसा तो या जगातील सर्वात जास्त आनंदी व्यक्ती असतो. २०२० ने हे सिद्ध केलं की, पैसा गरजेचा नक्कीच आहे पण पैसा आनंदाची व्याख्या होऊ शकत नाही. कारण करोनापुढे पैसाही झुकला, कामी आली ती फक्त आपल्यांची सोबत, सकारात्मकता, धीर व भक्कम साथ! एखादी ग्रॅंड पार्टी क्षणिक आनंद व गर्व देऊ शकते पण खरं समाधान तर आपल्यांसोबतच मिळते.

(वाचा :- मुलींच्या ‘या’ ५ सवयींमुळे मुलांचं डोकं होतं खराब, पळू लागतात नात्यापासून दूर!)

मानसिक आरोग्य

२०२० या वर्षात सर्वच लोकांनी सर्वात जास्त मेंटल स्ट्रेस अनुभवला. आपल्या आसपासही असे अनेक लोक पाहायला मिळाले जे डिप्रेशन, एग्जाइटी, स्ट्रेस आणि देव जाणो कितीतरी मानसिक आजारांना बळी पडले. भारतात आजही मेंटल हेल्थ या विषयावर खूप कमीच चर्चा केली जाते. पण २०२०ने शिकवलं की मेंटल हेल्थवर चर्चा करणंच नाही तर मानसिक आरोग्य निरोगी व सुदृढ ठेवण्यासाठी प्रयत्न करणंही तितकंच गरजेचं आहे. जेणे करुन स्वत:सोबतच दुस-याचीही मदत करता येऊ शकते. मानसिक आरोग्य चांगलं असेल तर शारीरिक आरोग्याकडेही लक्ष देता येते.

(वाचा :- एकत्र कुटुंब पद्धतीत लग्न होत असेल तर अशी बनवा सर्वांच्या मनात खास जागा!)

स्वत:वर प्रेम करणं

आपण नेहमीच कोणा ना कोणासोबत असतो. दिवसभरात आपण कुटुंबीय, ऑफिसचे सहकारी, मित्रमंडळी, शेजारीपाजारी अशा अनेक लोकांसोबत वेळ घालवतो. आपलं पूर्ण जग यांच्या सभोवती असं काही गुंतलं जातं की आपला आनंद आणि दु:ख सारं काही यांच्या अ‍ॅक्शन व रिअ‍ॅक्शनवर अवलंबून राहू लागतं. पण या सा-यात आपण आपल्या स्वत:कडे लक्ष देण्यास व स्वत:वर प्रेम करण्यास विसरुन जातो. पण जेव्हा २०२० मध्ये लोकांना एकटं राहावं लागलं तेव्हा त्यांना समजलं की दुस-यांशिवाय सुद्धा त्यांचं अस्तित्व खूप काही आहे आणि यामुळे त्यांना सेल्फ लव्हची किंमत समजू लागली.

(वाचा :- ‘या’ ५ गोष्टी सांगतात की तुमचा जोडीदार का करत नाही तुम्हाला स्वत:हून पहिला मेसेज!)

शारीरिक आरोग्य

मानसिक आरोग्यासोबतच शारीरिक आरोग्यही जपलं पाहिजे तर या कलियुगात आपला टिकाव लागू शकतो हे २०२० ने दाखवून दिलं. हल्ली लोक घरच्या सात्विक, पौष्टिक व चविष्ट जेवणाकडे पाठ फिरवून बाहेरच्या जंक फुडवर तुटून पडतात. यामुळे लठ्ठपणा दिवसें दिवस प्रमाणाबाहेर वाढत जातो, ज्यामुळे अनेक गंभीर आजार शरीराला विळखा घालू शकतात ज्यावरील उपचार आपल्या हाती राहत नाहीत. करोनामुळे डायबिटीज, ब्लड प्रेशर असणा-या लोकांना जास्त धोका होतो, हे आरोग्याची व्यवस्थित काळजी न घेतल्यानेच झालं. म्हणूनच २०२० ने शिकवलेले हे महत्त्वपूर्ण धडे २०२१च काय तर पुढील प्रत्येक वर्षात लक्षात ठेवा व त्याचं पालन करा.

(वाचा :- बिपाशा बासूला सोडून ‘या’ कारणामुळे जॉन अब्राहमने केलं एका साधारण मुलीशी लग्न!)


Source link

You may also like...

Leave a Reply

Your email address will not be published. Required fields are marked *