इम्‍यूनिटी बूस्‍टर आहे ‘हा’ हर्बल घरगुती काढा, साथीच्या रोगांपासून दूर राहण्यासाठी रोज करा सेवन!

Spread the love

थंडीच्या काळात आरोग्य सुदृढ राहवं म्हणून प्रत्येकजण आपापल्या परिने काळजी घेत असतो. कारण हिवाळ्यात साथीचे रोग डोकं वर काढतात त्यामुळे या काळात काही विशेष काळजी घेणं गरजेचं असतं. यामध्ये आलं आपली खूप मदत करतं. आल्याचा वापर फक्त थंडी कमी करण्यासाठीच नाही तर आरोग्यासंबंधित अनेक उपचारांसाठीही करतात. थंडीत शरीराला आतून गरम ठेवण्यासाठी आपण गरमा गरम कडक काढ्याचं सेवन करु शकतं. हो मंडळी, करोना व्हारसने (corona virus) जगभरात धुमाकूळ घातल्यापासून प्रत्येक घरात काढा बनतो आहे.

पण हाच काढा जेव्हा आलं टाकून बनवला जातो तेव्हा आलं काढ्याचा फक्त स्वादच नाही वाढवत तर रोगप्रतिकारक शक्ती वाढवण्यासाठीही (herbal kadha for immunity boosting) रामबाण ठरते. आयुर्वेदातही काढा पिण्याचे अनेक फायदे सांगितले आहेत. फक्त आलंच नाही तर दालचिनी, हळद, काळीमिरी, लवंग, चहापावडर व तुळशीची पाने देखील काढ्याला अधिक असरदार व औषधी बनवतात. आज आपण जाणून घेऊया की थंडीत आल्याचा काढा पिणं का गरजेचं आहे.

वेदना व संक्रमणापासून सुटका

जेव्हा आपण व्यायाम व योग करतो तेव्हा आपले स्नायू ताणले जाऊन त्यावर दबाव निर्माण होतो. हे आपल्या शरीरासाठी वेदना आणि थकव्याचं कारण बनतं. नियमित आल्याचा काढा प्यायल्याने थकवा व वेदना कमी होण्यास मदत मिळते. याव्यतिरिक्त आल्यात असलेले अॅंटीमायक्रोबियल गुणधर्म आपल्या शरीराला संक्रमणापासून वाचवतात व कोणतेही आजार आपल्याला सहज विळखा घालू शकत नाही. शरीराच्या वरील अवयवांप्रमाणेच आतील अवयवही तंदरुस्त राहणं गरजेचं असतं.

(वाचा :- नियमित करा सर्वांगासन! मेंदू व हृदयाला शुद्ध रक्तपुरवठा करण्यासोबतच हार्मोनल इम्बॅलन्स करते दूर!)

गर्भवती महिलांसाठी

आलं गर्भवती महिलांसाठी जादूप्रमाणे काम करतं. सकाळच्या वेळा मळमळ व उलटीचा त्रास होईल तेव्हा आल्याचा काढा अगदी रामबाण उपाय म्हणून पुढे येतो. एका रिसर्च अनुसार आल्यामध्ये असलेले गुणधर्म मेंदू व नर्व्हस सिस्टमवर कार्य करुन मळमळ व अस्वस्थता कमी करतात. त्यामुळे सकाळच्या वेळी कॉफी किंवा चहा घेण्यापेक्षा आल्याचा कडक काढा करुन पिणं गर्भवती स्त्रियांसाठी लाभदायक ठरु शकतं.

(वाचा :- ‘हे’ पदार्थ स्वाद व गंध घेण्याची हरवलेली क्षमता परत आणून इंद्रिये करतात सक्रिय!)

अ‍ॅंटी इन्फ्लामेट्री व अ‍ॅंटीअ‍ॅलर्जिक

आल्यात स्नायूंमधील सूज कमी करण्याची क्षमता असते. उदाहरणार्थ, ऑस्टियोपोरोसिस वगैरे. याव्यतिरिक्त आल्यामध्ये अ‍ॅंटीअ‍ॅलर्जिक गुणधर्म व जिंजरोल नामक लाभदायक पदार्थ असतो, जो गुडघ्यांमधील वेदना व सूज कमी करुन स्नायू रिलॅक्स करतो. दिवसातून एकदा तुम्ही आल्याचा स्पेशल काढा प्यायल्यास तुम्हाला झटपट आराम मिळू शकतो.

(वाचा :- प्रोटीन व मिनरल्सचं पॉवर हाऊस आहे शेंगदाणा चिक्की! त्वचा व मेंदूला मिळतील अगणित लाभ)

पोटासाठी आहे रामबाण

प्राचीन काळापासूनच आलं हे एखाद्या पाचक पदार्थाच्या रुपात ओळखले जाते. हे पोटातील गॅस दूर करुन पोट फुगण्यापासून बचाव करतं. इतकंच नाही तर घरात आपल्या बाळाला सदैव अपचनाचा त्रास, पोटदुखी किंवा बॅक्टेरियामुळे जुलाब होत असतील तर आल्याचा काढा हा त्यांच्यासाठी सुद्धा फार फायदेशीर ठरु शकतो. तसंच हा काढा व फुड पॉयझनसाठीही लाभदायक ठरतो. त्यामुळे पचनक्रिया सुधारण्यासाठी आल्याचा काढा कारक ठरतो.

(वाचा :- लठ्ठपणामुळे फिगर झालीये खराब? मग सकाळी उठल्यावर प्या ‘हे’ ५ प्रकारचे Fat Cutter Drinks)

अस्थमाच्या रुग्णांसाठी

ताजा आल्याचा काढा आपली रेस्पिरेटरी सिस्टम ठीक करण्यासाठी खूप चांगला असतो. याचा उपयोग नेहमी अस्थमा व रेस्पिरेटरी सिस्टम याच्याशी निगडीत आजार बरे करण्यासाठी केला जातो. हा काढा प्यायल्याने हवेचे मार्ग खुले होतात आणि असे काही एंजाइम सक्रिय होतात जे श्वसनमार्गाला आराम पोहचवण्यास मदत करतात.

(वाचा :- जाणून घ्या महिलांमध्ये आढळणारे कर्करोगाचे प्रकार व बचावासाठी उपाय!)

घरच्या घरी कसा बनवावा हा काढा?

  1. सामग्री – २ ते ३ हिरव्या वेलच्या, एका मोठा चमचा बडीशेप, २ तुकडे मुलेठी, १ छोटा तुकडा आलं, ४ ते ५ काळीमिरी, १ मोठा चमचा तुळशीची पाने, स्वादानुसार गुळ, १ चिमुटभर मीठ, ३ कप पाणी
  • बनवण्याची कृती –
  1. गुळ सोडून बाकी सर्व सामग्री वाटून एकत्र मिक्स करा
  2. ही सर्व सामग्री पाण्यात तोपर्यंत उकळवा जोपर्यंत ती पूर्ण शिजत नाही आणि मग त्यात गुळ मिक्स करा
  3. गाळणीने काढा गाळून घ्या व गरमा गरम काढ्याचं सेवन करा
  4. आल्याच्या काढ्यासोबतच आल्याच्या चहाचंही तुम्ही सेवन करु शकता. आयुर्वेदात आल्याला औषधाचा खजिना म्हटलं गेलंय. त्यामुळे हिवाळ्यात आल्याचा कोणत्या ना कोणत्या रुपाने याचा वापर आपल्या आहारात जरुर करा.

NOTE – आरोग्यास कोणती मोठी समस्या असल्यास डॉक्टरांच्या सल्ल्याशिवाय आहारात बदल करु नका.

(वाचा :- थंडीत खा ‘हे’ ८ पदार्थ, शरीराला उष्णता देण्यासोबतच वाढवतील रोगप्रतिकारक शक्ती!)


Source link

You may also like...

Leave a Reply

Your email address will not be published. Required fields are marked *