ईशा देओल म्हणते, लग्नानंतरही ‘या’ ३ गोष्टींचा करु नये मुलींनी त्याग!

Spread the love

ईशा देओल (Esha Deol) त्या अभिनेत्रींपैकी एक आहे ज्यांना सुरुवातीपासूनच स्टारडम बघायला मिळालं. पहिली ती धर्मेंद्र (dharmendra deol) व हेमा मालिनी (hema malini) यांसारख्या सुपरस्टारची मुलगी या नावाने ओळखली जायची, नंतर तीने बॉलीवूडमध्ये हळू हळू स्वत:ची ओळख बनवली. पुढे, आनंदी वैवाहीक आयुष्य जगत दुस-या जोडप्यांसाठी प्रेरणा बनली. पडद्यापासून दूर राहूनही ईशा इतर जोडप्यांना प्रेरणा देते याच्या मागे त्या ३ गोष्टी आहेत ज्या ईशाला इतर सर्वच मुलींसाठी महत्त्वाच्या वाटतात.

लग्नाआधीचं आयुष्य व लग्नानंतरचं आयुष्य यामध्ये जमीन-आसमानाचा फरक असतो. पहिलं सारं काही सहज-सोपं असतं पण नंतर प्रत्येक छोटी गोष्ट करताना खूप विचारपूर्वक करावी लागते. त्यामुळे हा ताण, घरच्या जबाबदा-या व कर्तव्य पूर्ण करता करता मुली लग्नानंतर आपल्या आयुष्याकडे फार कमी लक्ष देतात व आपलं आयुष्य दुय्यम स्थानावर ठेवतात. अशा स्त्रियांसाठी ईशाने खास सल्ला दिला आहे.

आपली ओळख हरवू नका

एका मुलाखतीमध्ये ईशाने सांगितले की, ‘मी माझं आयुष्य खूपच आनंदात जगत असून प्रत्येक क्षण एन्जॉय करते आहे’. ती दोन्ही मुलींसोबत वेळ घालवते जे तिच्यासाठी फारच समाधानाचं ठरतं आहे. स्क्रिनपासून दूर असताना देखील ती कोणत्या ना कोणत्या प्रोजेक्टमध्ये व्यस्त असते ज्यामागे एक खूपच खास कारण आहे. तिच्या मते लग्नानंतर मुलींनी आपली स्वत:ची ओळख अजिबात हरवली नाही पाहिजे. ती म्हणते, जर एखादी मुलगी लग्नाआधी ऑफिसला जात असेल व तिची काही स्वत:ची स्वप्न असतील तर लग्नानंतरही ती तिने संपू देऊ नये. उलट ती पूर्ण करण्यासाठी एक रस्ता निवडला पाहिजे. बहुतांश वेळ पाहिलं जातं की, लग्नानंतर एका मुलीची ओळख ही कोणाचीतरी पत्नी, सून किंवा मुलगी इतकीच बनून राहते. कुटुंबाच्या जबाबदा-या पूर्ण करता करता ती स्वत:ची स्वप्न विसरते ज्याचा तिला नंतर पश्चाताप होतो. स्वाभीमानी जीवन जगण्यासाठी स्वत:ची ओळख असणं गरजेचं असतं जे महिला विसरतात.

(वाचा :- नात्यातील ‘या’ ५ गोष्टी डोकेदुखीपेक्षा कमी नाहीत!)

या ३ गोष्टींवर जोर द्या

ईशा देओल सांगते, तीची वाढ अशा घरात झाली जिथे तिच्या आजुबाजूला महिलांची संख्याच जास्त होती. याच कारणामुळे महिला त्यांच्या आयुष्यात महत्त्वपूर्ण रोल निभावतात. याच महिलांकडून तिला आत्मनिर्भर राहणं व लैंगिक समानता राखणं हे शिकायला मिळालं. ईशाच्या म्हणण्यानुसार, एका मुलीमध्ये आत्मसन्मान, दया, अभिमान या भावना जरुर असाव्यात. या गोष्टींसोबत तीने कोणाची आई होवो किंवा मग पत्नी अजिबात तडजोड करु नये.

(वाचा :- रुबीना दिलैक घेणार होती नव-याकडून घटस्फोट, टोकाला गेलेल्या वादातून नातं कसं वाचवावं?)

जबाबदारी पती व पत्नी दोघांची असावी

ईशाने मुलांशी निगडीत गोष्टींबद्दलही मत व्यक्त केलं. ती आपल्या दोन्ही मुलींना कधीच एकटं सोडत नाही. ईशा व्यस्त असताना तिचा नवरा व तो व्यस्त असताना ईशा मुलींना सांभाळते. अशा त-हेने पॅरेंटिगमध्ये सुद्धा दोघांनी समसमान जबाबदा-या वाटून घेतल्या आहेत. जे त्यांना वैयक्तिक आयुष्य आनंदाने जगण्यासाठी खूपच फायदेशीर ठरतं. भारतीय संस्कृतीमध्ये लिंगानुसार जबाबदा-या अशा काही वाटल्या आहेत की, कुटुंबापासून स्वयंपाकघरापर्यंत सारी जबाबदारी महिलांच्या खांद्यावर येते. यामुळे त्यांना स्वत:चा वेळच मिळत नाही जे तणावाचं व आयडेंडीटी क्राइसिसचं कारण बनतं. त्यामुळे जबाबदा-या वाटून घेतल्या तर पती-पत्नी दोघे यशस्वी बनू शकतात.

(वाचा :- मैत्रीची ‘न्यू नॉर्मल रुपं’ म्हणजे नेमकं काय? यातील एखादा अनुभव तुम्हीही घेतला आहे का?)

दबावात नाही तर मनापासून घ्या निर्णय

ईशाने सांगितले की, तीची स्वत:ची इच्छा होती की लग्न योग्य वयात व्हावं व सुखी संसाराची सुरुवात करावी. तिने आधीच हे नक्की करुन घेतलं की, तिला लग्नानंतर कधी सिनेमात परत यायचं असेल तर यामध्ये नव-याचा पूर्ण सपोर्ट मिळावा. बहुतांश वेळा महिला लग्न किंवा नोकरी सोडण्याचा निर्णय घेतात, पण असे निर्णय महिलांनी तेव्हाच घ्यावे जेव्हा त्यांची मनापासून इच्छा होईल. असं नसल्यास त्यांना पुढे जाऊन पश्चाताप बनू शकतो.

(वाचा :- मैत्रीची ‘न्यू नॉर्मल रुपं’ म्हणजे नेमकं काय? यातील एखादा अनुभव तुम्हीही घेतला आहे का?)

मनमोकळेपणे बोलणे

मुली थोड्या लाजवीट व घाबरट असतात. त्यामुळे आपल्या मनातील इच्छा व मतं शक्यतो त्या कोणासमोर लवकर व्यक्त करत नाहीत. त्याउलट त्या समोरच्याचं मन जपण्याचा प्रयत्न करतात जे कधी कधी त्यांच्या अस्वस्थतेचं कारण बनू शकतं. म्हणून आपल्या मनातील गोष्टी मुलींनी मनमोकळेपणे बोलाव्यात. यामुळे बरेच प्रॉब्लेम सुटतात व नात्यात पारदर्शकता राहते. मनमोकळेपणाने बोलल्यास नात्यात गैरसमज होत नाहीत व नातं सुदृढ व हेल्दी राहतं.

(वाचा :- लग्नाला होकार देण्याआधी प्रत्येक मुलीने जोडीदाराला आवर्जून विचारावेत ‘हे’ ५ प्रश्न!)


Source link

You may also like...

Leave a Reply

Your email address will not be published. Required fields are marked *