उन्हामुळे त्वचा होते लाल? क्रीममुळे रॅशेज येतात? संवेदनशील त्वचेशी संबंधित जाणून घ्या ५ गोष्टी

Spread the love

​चेहरा लाल होणे

तुमची त्वचा संवेदनशील असेल तर कोणतेही ब्युटी प्रोडक्ट लावल्यानंतर त्वचेवर लगेचच लाल चट्टे येतात किंवा त्वचा लालसर होते. चेहऱ्याच्या भागामध्ये अधिक प्रमाणात रक्तप्रवाह होत असल्यानं ही समस्या निर्माण होते, असे म्हणतात. तसंच हवामान, कॅफीनयुक्त पेय, मसालेदार खाद्यपदार्थ तसंच मद्यपानाच्या सवयीमुळेही हा त्रास होऊ शकतो. ही समस्या दूर करण्यासाठी तुम्ही योग्य वेळेतच डॉक्टरांचा सल्ला घेणे आवश्यक आहे.

(Navratri 2020 उपवासादरम्यान चेहऱ्यावर हवाय नॅचरल ग्लो? डाएटमध्ये या ६ गोष्टींचा करा समावेश)

​चेहऱ्यावर वारंवार येणारे मुरुम

संवेदनशील त्वचा असणाऱ्या व्यक्तीच्या चेहऱ्यावरील रोमछिद्रांमध्ये दुर्गंध जमा होणे आणि मुरुम येणे ही समस्या सामान्य आहे. या समस्या टाळण्यासाठी त्वचा नाजूक असणाऱ्या लोकांनी आपल्या त्वचेची विशेष काळजी घेणे गरजेचं आहे. चेहऱ्यासाठी केवळ केमिकल – फ्री क्लींझरचा उपयोग करावा. यासह आपण टी-ट्री ऑइल यासारख्या चांगल्या स्‍किन टोनरचाही उपयोग करू शकता. महत्त्वाचे म्हणजे सॅलिसिलिक अ‍ॅसिड किंवा बेंझॉयल पेरोक्सॉइड यासारख्या क्रीमचा वापर करणं टाळावं.

(Ice Cubes For Face जाणून घ्या हळद-दुधाच्या आइस क्युबने चेहऱ्यावर मसाज करण्याची पद्धत)

​उन्हामुळे होतो त्वचेला त्रास

संवेदनशील त्वचा असणाऱ्यांना उन्हाचा प्रचंड त्रास होतो. उन्हामुळे त्वचा लाल होणे, रॅशेज येणे तसंच बारीक पुरळ देखील येतात. या समस्या टाळण्यासाठी घरातून बाहेर पडण्यापूर्वी चेहऱ्यावर आणि अन्य अवयवांवरही सनस्क्रीन लावा. सनस्क्रीनमुळे तुमच्या त्वचेचं सूर्याच्या हानिकारक किरणांपासून संरक्षण होण्यास मदत मिळेल. दिवसातून किती वेळा सनस्क्रीन लावायचे आहे, याबाबत डॉक्टरांचा सल्ला घ्यावा.

(व्हॅक्सिंग केल्यानंतर त्वचेवर बारीक पुरळ आणि खाज येते का? जाणून घ्या हे ५ घरगुती उपाय)

​त्वचा होते कोरडी

त्वचा कोरडी होण्यामागील कारण म्हणजे तुमच्या स्कीन केअर प्रोडक्टमधील केमिकलयुक्त सामग्री. केमिकलयुक्त प्रोडक्टमुळे त्वचेशी संबंधित समस्या निर्माण होतात. रसायनयुक्त फेस वॉश किंवा क्रीम इत्यादीमुळे त्वचेतील नैसर्गिक ओलावा कमी होतो. यापासून सुटका हवी असल्यास केमिकल नसणाऱ्या मॉइश्चराइझिंग उत्पादनांची निवड करा. ज्यामुळे त्वचा मऊ आणि नितळ राहण्यास मदत मिळेल.

(हिवाळ्यात त्वचेची काळजी कशी घ्यावी, रवीना टंडनने ब्युटी टिप्ससह सांगितली योग्य पद्धत)

​​रॅशेजची समस्या

त्वचेवर लालसर चट्टे येणे, ही सामान्य समस्या आहे. संवेदनशील त्वचा असणाऱ्यांसाठी रॅशेजची समस्या प्रचंड त्रासदायक असते. त्वचेशी संबंधित समस्यांमुळे या लोकांची चिडचिड देखील मोठ्या प्रमाणात होते. यावर योग्य उपाय जाणून घेण्यासाठी आपल्या ओळखीच्या डॉक्टरांचा सल्ला घ्यावा. तसंच एखादे ब्युटी प्रोडक्ट जास्त वेळ त्वचेवर लावून ठेवू नये.

(Skin Care Tips आयुर्वेदिक वनस्पतींपासून केस व त्वचेच्या समस्या कशा दूर कराव्यात, जाणून घ्या पद्धत)

NOTE संवेदनशील त्वचा असणाऱ्या दुसऱ्या व्यक्तींचे स्किन केअर रुटीन फॉलो करू नये. तसंच कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे देखील महत्त्वाचे आहे.


Source link

You may also like...

Leave a Reply

Your email address will not be published. Required fields are marked *