एकटं राहूनही आनंदी व सुखी आयुष्य जगता येतं! जाणून घ्या कसं?

Spread the love

मयालका अरोरा

मलायका अरोराने जेव्हा अरबाज खानपासून विभक्त होण्याचा निर्णय घेतला तेव्हा सोशल मीडियावर अशा काही वाईट प्रतिक्रिया आल्या की त्या वाचून कोणालाही लाज वाटेल. त्यानंतर जेव्हा ती अर्जुन कपूरसोबत नवीन नात्यात आली व आनंदाने नवं जीवन सुरु केलं तेव्हाही लोकांनी तिला नावं ठेवण्यात व तिच्या चारित्र्याविषयी वाईट गोष्टी पसरवण्यात कोणतीच कसर सोडली नाही. सुरुवातीला मलायकाला या गोष्टीचा प्रचंड मानसिक त्रास झाला पण नंतर तिने जिद्दीने व आनंदाने जगायचं ठरवलं व नकारात्मक गोष्टींकडे दुर्लक्ष करायला सुरुवात केली. तिच्या या हिंमतीमुळेच ती आज आनंदी व सुखी आयुष्य जगताना पाहायला मिळते आहे.

(वाचा :- ‘या’ ५ सवयी जाणून घेतल्यानंतर डोळे बंद करुन द्या लग्नाला होकार!)

कल्कि केकला

कल्कि केकला या तरुण मुलीने अनुराग कश्यपसोबत लग्न करण्याचा निर्णय घेतला म्हणून लोक आश्चर्यचकित झाले होते. पण काही कारणांमुळे या जोडप्यात वाद झाले व दोघेही कायमचे एकमेकांना दुरावलेत. पण तरी आजही दोघांच्या मनात एकमेकांविषयी आदर कायम आहे. घटस्फोट झाल्यानंतर कल्किने स्वत:वर भरपूर लक्ष देण्यास सुरुवात केली. सिनेमांची निवड इथपासून ते प्रेम इथवर तिची आवड-निवड वेगळी झाली. या सा-यात तीने आपला आनंद शोधण्यास सुरुवात केली किंबहुना आनंद मिळेल तीच गोष्ट स्विकारली. ही अभिनेत्री आज एक बाळाची आई आहे आणि लग्न न करताही एक हेल्दी व आनंदी रिलेशनशीप जगते आहे.

(वाचा :- रितेश-जेनेलियाचा लव्ह फॉर्म्युला वापरल्यास पत्नीशी होणार नाहीत कधीच वाद!)

जेनिफर विंगेट

जेनिफर विंगेटने पहिल्यापासून घटस्फोटीत असलेल्या करण सिंग ग्रोवरला आपला जोडीदार म्हणून निवडलं पण हे लग्न फक्त दोन वर्षेच टिकलं. यामुळे जेनिफर मानसिकरित्या इतकी ढासळली की समाजात वावरणंही तिला कठीण जाऊ लागलं. पण तिने हिंमत हारली नाही तर मोठ्या जिद्दीने छोट्या पडद्यावर पुन्हा पुनरागमन केलं आणि बिनधास्त व्यक्तिमत्व उभं करत खूप लवकर लोकांचं मनही जिंकलं. दुस-यांचा विचार करत बसण्यापेक्षा जेनिफर आता स्वत:ला खुश ठेवण्यावर जास्त भर देताना दिसते.

(वाचा :- ‘या’ ५ गोष्टींवरुन ओळखा तुम्ही आई-बाबा बनण्यास आहात मानसिकरित्या तयार!)

करिश्मा कपूर

करिश्मा कपूरच्या लग्नाची चर्चा तर संपूर्ण देशात झाली होती. पण त्याही पेक्षा जास्त चर्चा तिच्या घटस्फोटाची झाली होती. या कठीण प्रसंगात कुटुंबीय व मित्रमंडळींनी तिला चांगली साथ दिली व दु:खातून सावरण्यासाठी मदत केली. या काळाचा निर्भिडपणे सामाना केल्यानंतर करिश्मा एक स्ट्रॉंग स्त्री व आई म्हणून जगासमोर आली. तिने आपल्या लग्नाबद्दल कायमच मौन बाळगलं. ज्यामुळे तिचा घटस्फोट हा विषय हळू हळू लोकांच्या मनातूनही कायमचा दूर निघून गेला.

(वाचा :- ‘या’ ५ गोष्टी सांगतात नात्यातील प्रेम चाललंय आटत, वेळीच घाला वाईट सवयींना आवर!)

रश्मि देसाई

रश्मि देसाई व नंदिश संधू दोघांचं एका मालिकेच्या शुटिंग दरम्यान प्रेम जडलं व गोष्ट लग्नापर्यंत पोहचली. पण त्यांचं नातं काही वर्षांतच तुटलं. यानंतर रश्मिला अनेक संकटांचा सामना करावा लागला पण तिने स्वत:वरील विश्वास व आत्मविश्वास गमावला नाही. ती सलग स्वत:ला यशस्वी बनवण्यासाठी मेहनत करत राहिली. ही जेव्हा बिग बॉसमध्ये गेली तेव्हा तिची एक वेगळी व मजबूत बाजू लोकांनी पाहिली. तिथून बाहेर पडल्यानंतर तिने आपल्या बोल्ड व बिनधास्त अंदाजाने लोकांचे मन अजूनच जिंकून घेतले. तर मंडळी, या स्त्रियांची कहाणी सांगण्याचा उद्देश हाच आहे की घटस्फोट किंवा ब्रेकअपचं कारण काहीही असो पण त्यांनी ज्या जिद्दीने, हिंमतीने व आत्मविश्वासाने आयुष्याच्या त्या बाजूचा सामना केला जी त्यांची कधीच नव्हती. हे शिकण्यासारखं आहे. घटस्फोटच नाही तर आयुष्यात कोणतंही संकट येवो त्यापासून दूर पळण्यापेक्षा त्याचा धैर्याने सामना केला पाहिजे.

(वाचा :- Tips For Single people – लग्नापासून दूर पळण्यापेक्षा ‘या’ ५ गोष्टींवर करा लक्ष केंद्रित!)


Source link

You may also like...

Leave a Reply

Your email address will not be published. Required fields are marked *