एकत्र कुटुंब पद्धतीत लग्न होत असेल तर अशी बनवा सर्वांच्या मनात खास जागा!

Spread the love

या गोष्टीत काहीच शंका नाही की, प्रत्येक जोडपं एकटं राहून किंवा एकत्र कुटुंब पद्धतीपासून दूर राहून आपल्या स्वप्नांच्या घराला सजवू इच्छितो. असं म्हटलं तरी चालेल की, आजच्या काळात संयुक्त परिवाराची व्याख्याच जवळ जवळ संपली आहे. संयुक्त परिवाराची एकच व्याख्या लोकांच्या डोक्यात आहे ती म्हणजे घरातील खूप सारं काम आणि सासू-सास-यांचे नखरे. असो, आजच्या काळात अनेक गोष्टी बदलल्या आहेत. तरीही काही मुलींना संयुक्त परिवारात राहण्याची इच्छा नसते आणि त्यांना हे खूप कठीण वाटतं.

त्यांची आजही अशी समजूत आहे की, एका मोठ्या घरात आपली जागा बनवण्यासाठी खूप मेहनत घ्यावी लागते व अडथळ्यांचा सामना करावा लागतो आणि कमी लोकांमध्ये आपण सहज मिसळू शकतो. पण जरा विचार करा की तुमचं लग्न अचानक अशा एखाद्या घरात झालं जिथे संयुक्त परिवारावर विश्वास ठेवला जातो, तर अशा परिस्थितीत काय कराल? तर अशा परिस्थितीतही आणि खूप लोकांच्या घोळक्यातही आपली जागा पक्की करण्यासाठी व सर्वांच्या मनात आपल्याबद्दल खास स्थान निर्माण करण्यासाठी आज आम्ही तुम्हाला काही टिप्स सांगणार आहोत.

पतीसोबत घट्ट नातं

जर तुमचं लग्न एकत्र कुटुंब पद्धत असलेल्या कुटुंबात होत असेल तर सर्वात आधी आपल्या नव-याकडून घरातील सर्वांविषयी माहिती जाणून घेण्याचा प्रयत्न करा. त्याच्यावरुन तुम्ही अंदाज लावू शकता की, लग्नानंतर त्या घरात तुमची भूमिका नक्की काय असली पाहिजे? असं यासाठी कारण एकत्र कुटुंबात राहताना अनेकदा वादाचे प्रसंग उद्भवतात आणि अशावेळी पती-पत्नी एकमेकांची साथ देण्याऐवजी दुस-या व्यक्तीच्या बाजूने बोलू लागतात. अशामुळे फक्त चार लोकांशीच आपलं नातं बिघडणार नाही तर तुम्हा दोघांमध्येही नाराजीचे प्रसंग निर्माण होतात.

(वाचा :- मुलींच्या ‘या’ ५ सवयींमुळे मुलांचं डोकं होतं खराब, पळू लागतात नात्यापासून दूर!)

लहानांशी मैत्री

जर तुम्ही लग्नानंतर एखाद्या संयुक्त परिवारात जाणार असाल तर सर्वात आधी आपल्या वयाच्या आणि लहान वयाच्या मुलांशी चांगली मैत्री करण्याचा प्रयत्न करा. त्यांच्या द्वारे तुम्ही घरातील मोठ्या लोकांच्या आवडी-निवडी जाणून घेऊ शकता. इतकंच काय तर ही बच्चे कंपनी प्रत्येक सुख-दु:खात तुमच्या बाजूने उभी राहू शकते. मान्य आहे की, लग्नाआधी आपल्याला त्या कुटुंबाविषयी शुन्य माहिती असते पण तरीही आपण संयुक्त परिवारात त्या सुंदर नात्यांचा अनुभव घेऊ शकतो जो विभक्त कुटुंबात किंवा एकटं राहण्यात कधीच मिळणार नाही.

(वाचा :- ‘या’ ५ गोष्टी सांगतात की तुमचा जोडीदार का करत नाही तुम्हाला स्वत:हून पहिला मेसेज!)

जबाबदारीही विभागली जाते

संयुक्त म्हणजेच जॉइंट फॅमिलीचा खरा फायदा तेव्हा होते जेव्हा तुम्ही बाळाला जन्म देण्याचा निर्णय घेता. आजच्या काळात पती-पत्नी दोघेही वर्किंग असतात. अशावेळी जेव्हा घरात बाळाचं आगमन होतं तेव्हा एका कोणाला तरी घरी राहावं लागतं. पण हेच जर घरात आजी-आजोबा असतील तर तुम्ही एक चांगले आई-बाबा व ऑफिस अशी दुहेरी जबाबदारी सहज पार पाडू शकाल. त्यामुळे तुम्ही भविष्यातील जबाबदारीच्या बंधनातून मुक्त व्हायचं असेल तर कुटुंबातील वयस्कर लोकांसाठी आपला वेळ खर्ची घाला. त्यांच्यासोबत वेळ घालवण्यापासून स्वत:चं स्थान त्यांच्या मनात बनवण्यासाठी झटत राहणं ही तुमची जबाबदारी आहे.

(वाचा :- माधुरीसोबत नाव जोडलं गेल्यानंतर अनिल कपूरने केलं ‘हे’ ह्रदयस्पर्शी वक्तव्य!)

गैरसमज करून घेऊ नका

संयुक्त कुटुंबाची सर्वात मोठी कमी हीच आहे की, बुहतांश वेळा दुस-याकडून ऐकलेल्या गोष्टींवर विश्वास ठेऊन कुटुंबातील दुस-या व्यक्तीप्रती नकारात्मक विचार मनात बनवून घेतो. यामुळे फक्त कुटुंबातील लोकांमध्ये दुरावाच नाही येत तर याचा नकारात्मक परिणाम आपल्या कामकाजावरही पडतो. त्यामुळे लग्नाआधीच तुम्ही ही गाठ बांधून ठेवा की, कितीही काही झालं तरी गैरसमजाचे शिकार पडणार नाही. अशी परिस्थिती कधी उद्भवली देखील तरी वेळीच संवाद साधून गैरसमज मिटवण्याचा प्रयत्न करा जेणे करुन नातं पुर्ववत होऊ शकेल.

(वाचा :- बिपाशा बासूला सोडून ‘या’ कारणामुळे जॉन अब्राहमने केलं एका साधारण मुलीशी लग्न!)

प्रत्येकाचा आदर

एकत्र कुटुंबात वयस्कर लोकांपासून लहान मुलांपर्यंत प्रत्येक वयातील व्यक्तीचा समावेश असतो. मोठी व्यक्ती असो वा लहान मुलं, कोणाचंही मन जिंकण्यासाठी किंवा कोणाच्या मनात आपली खास जागा बनवण्यासाठी सर्वात महत्त्वाचं असतं ते म्हणजे त्याचा आदर करणं. एकमेकांच्या इच्छांचा व मतांचा जिथे आदर होतो तिथे कायम सुख व शांती एकत्र नांदते. तुम्ही समोरच्याचा आदर केला तर तो व्यक्ती आपोआप तुमच्या टीममध्ये दाखल होईल आणि तुम्ही ‘सहकुटुंब व सहपरिवार’ नांदू शकाल.

(वाचा :- एकटं राहूनही आनंदी व सुखी आयुष्य जगता येतं! जाणून घ्या कसं?)


Source link

You may also like...

Leave a Reply

Your email address will not be published. Required fields are marked *