कमरेवरील चरबी घटवण्यासह शरीर डिटॉक्स करण्यापर्यंत, खूप लाभदायक आहे अ‍ॅपल सायडर व्हिनेगर

Spread the love

​अ‍ॅपल सायडर व्हिनेगरचे लाभ आणि सेवन करण्याची योग्य पद्धत

पोटॅशिअम आणि अमिनो अ‍ॅसिडचा उत्तम स्त्रोत

अ‍ॅपल सायडर व्हिनेगरमध्ये पोटॅशिअम आणि अमिनो अ‍ॅसिडचे प्रमाण भरपूर असते. हे व्हिनेगर आपल्या आरोग्यासाठी अँटी ऑक्सिडेंट्स प्रमाणे कार्य करते. यातील पोषण तत्त्वांमुळे आपल्या शरीराची रोगप्रतिकारक क्षमता वाढण्यासाठी मदत मिळते. पण कधीही केवळ हे व्हिनेगर पिण्याची चूक करू नका. पाणी आणि व्हिनेगर एकत्र करून प्यावे. किंवा तुमच्या डॉक्टरांनी दिलेल्या सल्ल्यानुसार याचे सेवन करावे.

(Health Care मूड चांगला राहण्यासाठी करा या ७ गोष्टी)

​शरीर डिटॉक्स करण्यासाठी

शरीर डिटॉक्स करण्यासाठी अ‍ॅपल सायडर व्हिनेगर एक उत्तम पर्याय आहे. यातील औषधी गुणधर्म शरीरातील अनावश्यक आणि विषारी तत्त्वे बाहेर फेकण्याचे काम करतात. या प्रक्रियेमुळे आपल्या शरीरामध्ये अतिरिक्त चरबी जमा होत नाही. ज्यामुळे वजन नियंत्रणात राहण्यास मदत मिळेल. पण जास्त प्रमाणात या व्हिनेगरचे सेवन करणे टाळावे. आरोग्यास अपाय होऊ नये, यासाठी ही बाब लक्षात ठेवणे गरजेचं आहे. मर्यादित प्रमाणात अ‍ॅपल सायडर व्हिनेगरचे सेवन केल्यास शरीरास लाभ मिळू शकतील.

(Health Care Tips आर्ट थेरपीशी गट्टी फायदेशीर!)

​बॅक्टेरिया समूळ नष्ट करण्यासाठी

दैनंदिन आयुष्यामध्ये आपण कित्येक प्रकारच्या पदार्थांचे सेवन करतो. याद्वारे कळत – नकळत असंख्य हानिकारक बॅक्टेरिया आपल्या शरीरामध्ये प्रवेश करतात. हे बॅक्टेरिया सहजासहजी आपल्या डोळ्यांना दिसत देखील नाहीत. बॅक्टेरियांनी शरीरात प्रवेश केल्यानं कित्येक प्रकारच्या आजारांची लागण होण्याची शक्यता असते. पण अ‍ॅपल सायडर व्हिनेगरचे सेवन केल्यास यातील पोषण तत्त्व बॅक्टेरिया समूळ नष्ट करण्याचे काम करतात.

(Pudina Benefits पुदिना खाण्याचे ६ आरोग्यदायी फायदे)

​चरबी घटवण्यासाठी

अ‍ॅपल सायडर व्हिनेगरमधील घटक आपल्या शरीरातील अतिरिक्त चरबी घटवण्याचे कार्य करतात. नैसर्गिक पद्धतीने आपल्या कमरेवरील चरबी देखील कमी होण्यास मदत मिळते. वजन कमी करण्यासाठी या व्हिनेगरमधील घटक पोषक आहेत. शिवाय, याच्या सेवनामुळे वारंवार भूक लागण्याची समस्या उद्भवत नाही. पण याचे सेवन करण्यापूर्वी आहारतज्ज्ञांचा सल्ला घेणे आवश्यक आहे.

(नाश्त्यामध्ये काय खाताय? हे ५ तेलकट फास्ट फूड आरोग्यास हानिकारक)

​पोट राहते भरलेलं

या व्हिनेगरमुळे आपली पचन प्रक्रिया सुरळीत सुरू राहण्यास मदत मिळते. सोबत आपण खाल्लेल्या अन्नपदार्थांचे हळूहळू पण नियंत्रित गतीने पचन होते. यामुळे आपले पोट भरलेले राहते आणि सतत काही तरी खाण्याची इच्छा होत नाही.

अ‍ॅपल सायडर व्हिनेगरचा कसा करायचा वापर?

आधी सांगितल्या प्रमाणे केवळ अ‍ॅपल सायडर व्हिनेगर पिण्याची कधीही चूक करू नये. अन्य द्रवयुक्त पदार्थांमध्ये व्हिनेगर डायल्युट करून घ्या आणि मगच त्याचे सेवन करा.

(Poha And Nutritions नाश्त्यामध्ये कांदे पोहे खाल्ल्यास मिळतील हे ६ फायदे)

सॅलेड आणि व्हिनेगर

– सॅलेडमध्येही तुम्ही या व्हिनेगरचा वापर करू शकता. यासाठी सर्वप्रथम ऑलिव्ह ऑइल सह व्हिनेगर डायल्युट करून घ्या आणि या मिश्रणाचा गार्निशिंगसाठी वापर करावा.

– वजन घटवण्यासाठी एक ग्लास पाण्यामध्ये एक चमचा अ‍ॅपल सायडर व्हिनेगर मिक्स करून प्या. पण याचे प्रमाण मर्यादित असणे आवश्यक आहे.

NOTE अ‍ॅपल सायडर व्हिनेगरमुळे कित्येक आरोग्यवर्धक लाभ मिळतात. पण तरीही याचे सेवन करण्यापूर्वी तुम्ही आपल्या डॉक्टरांचा सल्ला घेणे आवश्यक आहे.

(वजन घटवण्यासाठी रामबाण उपाय आहे कांदा, असे सेवन केल्यास वजन लवकर होऊ शकते कमी)


Source link

You may also like...

Leave a Reply

Your email address will not be published. Required fields are marked *