करायची आहे पोट, मांड्या व कंबरेवरील चरबी कमी? मग प्या ‘या’ भाजीचं सूप!

Spread the love

सुटलेलं शरीर कोणालाच नको असतं. कारण जितकं सुटलेलं शरीर तितकं आपलं सौंदर्य खराब होतं. आपले आवडते कपडे न घालता येण्याचं दु:ख सुद्धा वेगळंच असतं. यामुळे न्यूनगंड तयार होतो. लोकांमध्ये अशा शरीरासोबत वावरण्यास लाज वाटते. अशावेळी मग शरीरावरची अधिकची चरबी कमी करण्यासाठी वेगवेगळे उपाय वापरले जातात. पण हे उपाय प्रत्येकासाठीच गुणकारी आणि रामबाण ठरतात असे नाही. प्रत्येकाच्या शारीरिक स्थितीनुसार हे उपाय आपले गुण दाखवतात.

तुमच्या शरीरावरची चरबी वाढली असेल खास करून पोट, जांघ आणि कंबरेवरची चरबी तर तुम्ही एक असा उपाय वापरू शकता, ज्यामुळे पोटावरची, जांघेवरची आणि कंबरेवरची चरबी सहज कमी होऊ शकते. हा उपाय फार लोकांना माहित नाही, त्यामुळे कोणी तो वापरून सुद्धा पाहत नाही. पण असे हटके उपायच अनेकदा फायदेशीर ठरतात. शरीरावरची अधिकची चरबी कमी करणारा हा उपाय आहे दुधीभोपळ्याच्या सेवनाचा. हो मंडळी जर तुम्ही दुधीभोपळ्याचे सूप करून प्यायल्यात तर ही चरबी मोठ्या प्रमाणात कमी होऊ शकते. कशी? घ्या तुम्हीच जाणून!

वजन कमी करण्यासाठी दुधीभोपळा वापरा

दुधीभोपळ्याचा सगळ्यात मोठा फायदा म्हणजे दुधीभोपळ्यामध्ये अतिशय कमी कॅलरी असते. त्यामुळेच ज्यांना शरीरावरची अतिरिक्त चरबी कमी करून वजन घटवायचे असेल तर त्यांनी आवर्जून दुधीभोपळ्याचे सेवन करावे. युएसडीच्या म्हणण्यानुसार 100 ग्रॅम दुधीभोपळ्यामध्ये केवळ 15 कॅलरीज असतात. यात कार्ब्स सुद्धा कमी प्रमाणात असतात. एक प्रकारे तुम्ही जेवढे दुधीभोपळ्याचे सेवन कराल तेवढे तुमचे वजन नियंत्रित राहील. दुधीभोपळ्याचे सेवन करण्याचा सोप्पा मार्ग आहे दुधीभोपळ्याचे सूप बनवून पिणे.

(वाचा :- पाणी पिण्याचा व झोपण्याचा हा साधासोपा मुलमंत्र आचरणात आणल्यास लठ्ठपणा होईल झटपट कमी!)

दुधीभोपळ्याचे सूप

दुधीभोपळ्याचे सूप बनवणे म्हणजे कोणतेही रॉकेट सायन्स नाही. तुम्ही घरच्या घरी सुद्धा दुधीभोपळ्याचे सूप बनवू शकता. बाहेर मार्केटमध्ये तुम्हाला रेडी सूप मिळू शकते किंवा एखाद्या सूप वाल्याकडे तुम्ही गेलात तर तो सुद्धा तुम्हाला हमखास दुधीभोपळ्याचे सूप बनवून देऊ शकतो. पण तरीही घरच्या घरीच दुधीभोपळ्याचे सूप बनवून पिणे उत्तम ठरेल. आज या लेखात आम्ही तुम्हाला सांगू ती पूर्ण कृती ज्याद्वारे तुम्ही दुधीभोपळ्याचे सूप बनवून रोज त्याचा आस्वाद घेऊ शकता आणि आपले वजन कमी करू शकता.

(वाचा :- पावसाळ्यात जिभेचे चोचलेही पुरवा आणि फिट सुद्धा राहा ‘या’ खास पदार्थांसह!)

काय काय साहित्य वापरावे

कोणताही पदार्थ बनवायचा असले तर त्याची सामग्री आपल्याकडे तयार असावी. दुधीभोपळ्याचे सूप बनवण्यासाठी सुद्धा काही विशेष साहित्याची गरज असते पण ते साहित्य तुम्हाला सहज बाजारात उपलब्ध होऊ शकते. घरी आधीपासूनच असेल तर उत्तम, मग तर तुम्ही आजच दुधीभोपळ्याचे सूप बनवून पाहू शकता. दुधीभोपळ्याचे सूप बनवण्यासाठी 1.5 कप कापलेला दुधीभोपळा, 2 टोमेटो, 1-2 कांदे, 1 शिमला मिरची, 1 चमचा ऑलीव्ह ऑईल, 1 चमचा जीरा, स्वादानुसार मीठ, 1, चमचा काळी मिरी या साहित्याची गरज असते.

(वाचा :-केसगळती, दातदुखी व हाडांच्या दुखण्याने त्रस्त आहात? मग ‘हे’ पदार्थ करतील वेदनेतून सुटका!)

सूप कसे तयार करावे

सर्वप्रथम प्रेशर कुकरमध्ये दुधीभोपळा, कांदे, टोमेटो आणि शिमला मिरची घ्या. 1 ते 2 शिट्या होईपर्यंत प्रतीक्षा करा. त्यानंतर कुकर उघडा आणि सर्व उकडलेल्या या भाज्या घेऊन त्यांना मिक्सर मध्ये वाटा. मिक्सर मध्ये वाटताना त्यांची अतिशय पातळ पेस्ट बनवा. एका पॅनमध्ये ऑलीव्ह ऑईल घेऊन फोडणी देण्यासाठी त्यात जिरे टाका. नंतर पॅनमध्ये मिक्सर मध्ये वाटून घेतलेली पेस्ट टाका आणि एक ते दोन मिनीटांसाठी सर्व मिश्रण भाजून घ्या. स्वादानुसार त्यात चिमुटभर मीठ आणि काळी मिरी टाका. झाले तयार तुमचे दुधीभोपळ्याचे सूप! आता हे सूप ब्रेड टोस्ट वा ग्रीन सलाड सोबत खा.

(वाचा :- दुधाचे आठवडाभर वेगवेगळ्या फ्लेवरमध्ये करा सेवन, दिसतील आश्चर्यकारक फायदे!)

दुधीभोपळ्याचा ज्यूस सुद्धा आहे फायदेशीर

तुम्हाला सूप बनवणे कठीण वाटत असेल व शक्य नसेल तर तुम्ही दुधीभोपळ्याच्या ज्यूसचा पर्याय निवडू शकता. या ज्यूसच्या सेवनाने सुद्धा वजन बऱ्यापैकी नियंत्रणामध्ये येते. जगभरात अनेक फिटनेस फ्रीक्स वजन नियंत्रणात आणण्यासाठी आणि सुदृढ राहण्यासाठी दुधीभोपळ्याचा ज्यूस पिण्याचा सल्ला देतात. दुधीभोपळ्याचा ज्यूस शरीरामध्ये ड्यूरेटिक इफेक्ट प्रमोट करतो. ज्यामुळे अधिकची चरबी कमी होण्यास मदत मिळते. तसेच यात असणारे फायबर आणि वॉटर क्वॉलिटी पोट भरून ठेवते. त्यामुळे भूक लागत नाही आणि साहजिकच खाण्यावर नियंत्रण राहिल्याने वजन नियंत्रणात राहते.

(वाचा :- उतारवयापर्यंत निरोगी व सुदृढ आरोग्य हवंय? मग बहुगुणी कडुलिंबाचा असा वापर करुन बघाच!)


Source link

You may also like...

Leave a Reply

Your email address will not be published. Required fields are marked *