करीना-अनुष्‍कासह अन्य सेलिब्रिटीही करतात मुरुमांचा सामना, करतात हे नैसर्गिक उपाय

Spread the love

​केळ्याचे फेस पॅक

हा एक फार जुना नैसर्गिक- रामबाण उपाय आहे. केळ्याच्या फेस पॅकमुळे त्वचेला पोषण तत्त्वांचा पुरवठा होतो. हे फेस पॅक सर्व प्रकारच्या त्वचेसाठी लाभदायक आहे. मुरुमांमुळे चेहऱ्यावर येणाऱ्या काळे डाग दूर करण्यासाठी अभिनेत्री रकुल प्रीत सिंह या केळ्याचे फेस पॅक लावते. हे फेस पॅक तयार करण्यासाठी एक केळ आणि थोडेस मध मिक्स करा. चेहऱ्यावर १५ मिनिटांसाठी लेप लावा आणि थोड्या वेळाने थंड पाण्याने चेहरा स्वच्छ धुऊन घ्यावा. केळ्यातील पोषक घटकांमुळे त्वचा मऊ होते.

(चेहऱ्यावर हवंय नैसर्गिक तेज? जाणून घ्या ग्वा-शा मसाजचं तंत्र आणि फायदे)

​उटणे

देसी गर्ल प्रियंका चोप्रा त्वचा उजळण्यासाठी उटणे लावते. यासाठी ती बेसन, चिमूटभर हळद, दही आणि गुलाब पाणी एकत्र करून फेस पॅक तयार करते. ही सर्व सामग्री नीट मिक्स करून चेहऱ्यावर लावा. १५ ते २० मिनिटांनंतर आपला चेहरा थंड पाण्याने धुऊन घ्या. हळदीमध्ये अँटी- बॅक्टेरिअल गुणधर्म आहेत, ज्यामुळे मुरुमांची समस्या दूर होण्यास मदत मिळते.

(Winter Foot Care Tips टाचांच्या भेगा दूर करायच्या आहेत? हिवाळ्यात अशी घ्या पायांची काळजी)

​आलिया भट आणि कतरिना कैफ करतात बर्फाने मसाज

आलिया भट आणि कतरिना कैफ या दोघीही सकाळी स्किन रुटीननुसार चेहऱ्याचा बर्फाने मसाज करतात. तुमच्या डोळ्यांच्या आसपास सूज आली असल्यास बर्फानं मसाज करावा. याव्यतिरिक्त त्वचेवर देखील बर्फाने हलक्या हाताने मसाज करावा. यामुळे रक्तप्रवाह वाढण्यास मदत मिळते. तसंच मुरुमांची समस्या दूर होण्यासही मदत मिळते. पण एका कॉटनच्या कापडामध्ये बर्फ गुंडाळून त्यानंतरच चेहऱ्याचा मसाज करावा. चेहऱ्यावर थेट बर्फ लावू नये.

(घरात राहूनही चेहरा टॅन झाल्यासारखा वाटतोय? जाणून घ्या दालचिनी फेस पॅकचा कसा करायचा वापर)

​थंडावा मिळण्यासाठी लावा कोरफड जेल

मलायका अरोरा कोरफडीचा गर काढून त्यापासून घरीच जेल तयार करते. त्वचेचा दाह कमी करण्यासाठी कोरफड लाभदायक आहे. यामुळे त्वचेला थंडावा मिळतो. चेहऱ्यावर कोरफड जेल लावा आणि हलक्या हाताने मसाज करा. थोड्या वेळाने थंड पाण्याने चेहरा स्वच्छ धुऊन घ्या. यानंतर चेहऱ्यावर मॉइश्चराइझर देखील लावा.

(Skin Care Tips टिकली लावल्यामुळे होते स्किन अ‍ॅलर्जी, कोणते उपाय करावेत? जाणून घ्या)

​मलायका वापरते DIY फेस पॅक

-diy-

मुरुमांची समस्या दूर करण्यासाठी मलायका अरोरा दालचिनी पावडरमध्ये एक चमचा कच्चे मध मिक्स करून फेस पॅक तयार करते आणि त्वचेवर लावते. आठ ते १० मिनिटांनंतर चेहरा थंड पाण्याने स्वच्छ धुऊन घ्यावा.

(Skin Care Tips हिवाळ्यात त्वचेवर जास्त प्रमाणात मॉइश्चराइझर लावता? मग हे नक्की वाचा)

​अनुष्‍का करते चेहऱ्याचा मसाज

अनुष्का शर्मा शूटिंगपूर्वी चेहऱ्याचा मसाज करते. यामुळे चेहऱ्याच्या स्नायूंना आराम मिळतो आणि रक्त प्रवाह देखील वाढतो. आपण चेहऱ्याचा मसाज करण्यासाठी फेस रोलरची मदत घेऊ शकता.

(त्वचेवरील डागांपासून हवीय सुटका? जाणून घ्या मध-दुधापासून फेस वॉश व फेस पॅक तयार करण्याची पद्धत)

​करीना लावते हळद-चंदन फेस पॅक

करीना कपूर देखील आपल्या त्वचेची काळजी घेण्यासाठी घरगुती उपचारांची मदत घेते. हळद आणि चंदनाच्या फेस पॅकचा ती आपल्या स्किन केअर रुटीनमध्ये समावेश करते. हळदीमध्ये अँटी इन्फ्लेमेट्री आणि अँटी बॅक्टेरियल गुणधर्म आहेत. तर चंदनाच्या वापरामुळे त्वचेला थंडावा मिळतो. तेलकट त्वचा आणि मुरुमांपासून सुटका हवी असल्यास हळद आणि चंदनामध्ये गुलाब पाणी मिक्स करून फेस पॅक तयार करावा.

NOTE चेहऱ्याशी संबंधित कोणतेही उपाय करण्यापूर्वी आपल्या डॉक्टरांचा सल्ला घेणे आवश्यक आहे. तसंच दुसऱ्या व्यक्तींचे स्किन केअर रुटीन फॉलो करण्याची चूक करू नये.


Source link

You may also like...

Leave a Reply

Your email address will not be published. Required fields are marked *