करीना कपूरची डाएटिशियन ऋजुता दिवेकरने दिल्या लहान मुलांच्या डिनरविषयी महत्त्वपूर्ण टिप्स!

Spread the love

बॉलीवूडमधील सर्वात स्लिम असलेल्या अभिनेत्रींपैकी एक म्हणजे करीना कपूर (kareena kapoor) होय. तिच्या झिरो फिगरची तर आजही चर्चा असते. वयाची ३५ वर्षे ओलांडून, एका गोड मुलाची आई होऊनही आज तिची फिटनेस २० वर्षांच्या मुलींनाही लाजवेल अशी आहे. अर्थात या मागे तिची मेहनत, तिने आहाराबाबतीत केलेला त्याग, तिचा काटेकोरपणा सर्वच आहे. पण अजून एक हात तिच्या या सुदृढ आरोग्यामागे आहे जो की बऱ्याच जणांना माहित नाही. हा हात म्हणजेच ती व्यक्ती आहे मराठमोळी स्त्री ऋतुजा दिवेकर (rujuta diwekar).

हो मंडळी, ही मराठमोळी स्त्री करीना कपूरची वैयक्तिक डाएटीशियन आहे आणि करीनाचा मुलगा तैमुरच्या (taimur) डायटची जबाबदारी सुद्धा त्यांच्यावरच आहे. तर याच ऋतुजा दिवेकर यांनी खास डायटिंग टीप्स लहान मुलांसाठी दिल्या आहेत. डिनर अर्थात रात्रीचं जेवण हा आहारातला मुख्य भाग असतो आणि या डिनरला मुलांना नेमकं काय खायला द्यावं, किती प्रमाणात द्यावं या सगळ्या गोष्टी त्यांनी सांगितल्या आहेत.

लहान मुलांसाठी हेल्दी डिनर

ऋजुता यांच्या मते आई वडील सगळ्यात मोठी चुकी ही करतात की ते लहान मुलांना विचारतात की त्यांना डिनरमध्ये काय खायला आवडेल? पण त्या ऐवजी आई वडिलांनी मुलांना सांगायला पाहिजे की त्यांना डिनरमध्ये काय खायला मिळणार आहे. जर तुम्ही स्वत:हून मुलांना विचाराल तर साहजिकच मुल त्या पदार्थांचाच हट्ट धरतील जे त्यांना आवडतात. म्हणून मुलांना पौष्टिक पदार्थ खाऊ घालण्यावर भर द्यावा आणि त्यांची आवड न विचारलेली बरी! मात्र तुम्ही जे पदार्थ बनवाल त्याची चव मुलांना आवडेल अशी ठेवावी जेणेकरून मुल ते पदार्थ खाण्यास टाळाटाळ करणार नाही.

(वाचा :- दूध प्यायल्यानंतर बाळाला उलटी होण्यामागची कारणे आणि घरगुती उपचार!)

डिनरच्या आधी तीन प्रश्न

डिनर बनवण्याआधी आईने तीन प्रश्न स्वत:ला विचारावेत आणि त्यानुसारच त्या दिवशीचा डिनर काय असले ते ठरवावे. डिनरमध्ये त्या पदार्थांचा समावेश आहे का जे पदार्थ घरातील आजी वा आजोबा सुद्धा खाऊ शकतात? हा प्रश्न यासाठी महत्वाचा आहे कारण जे आजी आजोबा खातात ते खायला मुल सहसा नकार देत नाहीत. दुसरा प्रश्न म्हणजे ज्या डिशेस बनणार आहेत त्या लोकल आहेत का? आपल्या मुलांना तुम्ही शक्य तितके तुमच्या भागातील पदार्थ खाऊ घातले पाहिजेत यामुळे घरच्या जेवणाची त्यांची आवड कायम टिकून राहील. पदार्थ असा आहे का जो सहज तयार होईल आणि गरम गरम वाढता येतील? हा प्रश्न यासाठी महत्वाचा आहे की मुलांना जास्त वेळ आपली भूक थांबवून ठेवावी लागणार नाही आणि गरम गरम पदार्थ खायला मिळाल्याने ते खुश असतील.

(वाचा :- बाळाच्या शरीरावर पुरळ आल्यास करा ‘हे’ साधेसोपे घरगुती उपाय!)

लहान मुलांना डिनरमध्ये काय द्यावे?

सामान्यत: मुलांना चपाती, भाजी, डाळ, भात, खिचडी यांसारखे पौष्टिक आणि रोजच्या आहारातील पदार्थ डिनरमध्ये खाऊ घालावेत. यामुळे तुमच्या मुलाच्या वाढत्या शरीराची आणि मेंदूंची पोषण गरज पूर्णपणे भागेल. जितका चांगला आहार असेल तेवढीच चांगली झोप सुद्धा मुलाला लागेल. शिवाय भले मुलाला डिनर कितीही कंटाळवाणा वाटत असेल तरी तुम्ही त्याच्या पोषणाबाबत तडजोड करू नये. अजून एक अत्यंत महत्त्वाची गोष्ट म्हणजे मुलांच्या आहारात तुपाचा समावेश आवर्जून करावा.

(वाचा :- लहान मुलांची सुस्ती व हिमोग्लोबिनची समस्या दूर करते स्वादिष्ट व पौष्टिक पालक सूप, जाणून घ्या रेसिपी!)

लहान मुलांना डिनरमध्ये काय देऊ नये?

लहान मुलांना वेगवेगळ्या प्रकारचा आहार देऊ नये. त्यांना रेडी टू इट सारखे पदार्थ तसेच पास्ता नुडल्स दरोरोज खायला देऊ नये. बाहेरचं खाणं शक्य तितकं कमी द्यावं. कारण अशा गोष्टी केवळ त्यांच्या जिभेला चव देऊ शकतात पण शरीराला हवं तितकं पोषण देऊ शकत नाहीत. यामुळे लहान मुलांना उर्जा मिळत नाही आणि त्यांच्या शरीरात पाण्याची कमतरता निर्माण होते. शिवाय झोप सुद्धा नीट येत नाही. त्यामुळे मुलांना दरोज एक प्रकारचा पौष्टिक आहारच द्यावा आणि त्यांच्या पोषणात भर टाकावी.

(वाचा :- आराध्याला सुदृढ व निरोगी बनवण्यासाठी ऐश्वर्या राय देते ‘हा’ ठोस आहार!)

आईने काय करावे?

महिन्यातून केवळ दोनच वेळा मुलांना बाहेरचे पदार्थ खायला द्यावेत. त्यापेक्षा जास्त मुलाला बाहेरचे खाणे देऊ नये. यामध्ये मुलाला केवळ बर्थ डे पार्टी आणि काही विशिष्ट समारंभातच खाण्याची परमिशन द्यावी. आठवड्यातून एकदा तुम्ही मुलाच्या आवडीचे पदार्थ घरीच तयार करून त्याला द्यावेत. शक्य तितके बाहेरच्या खाण्यावर नियंत्रण ठेवावे. यामुळे त्याच्या शरीराला योग्य पोषण तर मिळेलच पण अनेक आजारांपासून सुद्धा त्याचे रक्षण होईल.

(वाचा :- लहान मुलांसाठी असं बनवा सफरचंद व केळीचं दलिया किंवा लापसी!)


Source link

You may also like...

Leave a Reply

Your email address will not be published. Required fields are marked *