करीना कपूरच्या डाएटिशियनने ऑनलाईन क्लास करणा-या मुलांसाठी दिल्या स्पेशल डायट टिप्स!

Spread the love

करोनाच्या संकटामुळे सरकारने जवळ जवळ गेल्या ७ ते ८ महिन्यांपासून लॉकडाऊन जाहिर केलं आहे. या काळात शाळा आणि खाजगी क्लासेस बंद असल्यामुळे मुलांचे नुकसान होऊ नये म्हणून सर्वच शाळांनी ऑनलाईल क्लास घेण्यास सुरुवात केली.याचा परिणाम थेट मुलांच्या जीवनशैलीवर होताना दिसून येत आहे. आता ते पहिल्यासारखे सकाळी लवकर उठत नाहीत. सोबतच याचा परिणाम त्यांच्या लंच आणि डिनरवर देखील दिसून येत आहे. या परिस्थितीत मुलांच्या शरीरात पोषक तत्वांची कमतरता होऊ शकते.

पालकांची ही समस्या किंवा चिंता दूर करण्यासाठी सेलिब्रेटी व करीना कपूरची मराठमोळी डाएटिशियन ऋजुता दिवेकरने काही साध्यासोप्या टिप्स दिल्या आहेत. तिने अशा पाच पदार्थांची माहिती दिली आहे ज्या पदार्थांचा मुलांच्या आहारात आवर्जुन समावेश केला गेलाच पाहिजे. डायटमध्ये या पदार्थांचा समावेश केल्यास मुलांना पोषक तत्वांची प्राप्तीही होईल आणि मुलं आवडीने जेवतील.

ताजी फळं

फेमस सेलिब्रेटी डाएटिशियन ऋजुता दिवेकरचं असं म्हणणं आहे की लहान मुलांना दिवसातून कमीत कमी १ तरी ताजं फळ दिलंच पाहिजे. तुम्ही मुलांना आंबा, केळ, सफरचंद, मोसंबी, संत्री अशी ऋतूनुसार उपलब्ध असणारी फळं खाऊ घालू शकता. पोहे, उपमा, इडली आणि डोसा या नाश्त्यासोबतही तुम्ही त्यांना एक फळ देऊ शकता. कच्च्या फळासोबतच तुम्ही त्यांना फ्रुट ज्यूस किंवा शेक बनवून देऊ शकता. कारण फळं पचनक्रिया सुरळीत ठेवतात आणि जंक फुडच्या क्रेविंगपासून दूर ठेवतात. फळांमध्ये भरपूर प्रमाणात व्हिटॅमिन आणि पॉलीफेनोल्सचा समावेश असतो.

(वाचा :- जेवण्यास टाळाटाळ करणा-या मुलांसाठी करा ‘हे’ टेस्टी व पौष्टिक पदार्थांचे नवनवीन पर्याय!)

लंचमध्ये डाळ-भात

लंचमध्ये मुलांना गरमा गरम डाळ-भात आणि त्यावर साजूक तूपाची धार अशा बेतासोबत घरात बनवलेलं ताक प्यायला द्या. तुम्ही लंच मध्ये चणा, छोले, राजमा, मुगाच्या डाळीची खिचडी किंवा डाळ असं काहीही बनवू शकता. कारण या पदार्थांमध्ये प्री आणि प्रो बायोटिक्स दोन्हीही असतात. याव्यतिरिक्त हा लंच खनिज पदार्थ आणि अमिनो अॅसिडने युक्त असतो. सध्या मुलं घरातून बाहेर पडत नाहीयेत, शारीरिक क्रिया जास्त होत नाहीयेत त्यामुळे हा आहार त्यांना पचण्यास फारच सोपा आणि लाभदायक आहे.

(वाचा :- ऋतिक व सुझेन घटस्फोटानंतरही मुलांची जबाबदारी पाडतायत चोखपणे पार, आदर्श पती-पत्नी नाही पण माता-पिता झाले!)

सुका मेवा आणि दही

हेल्दी राहण्यासाठी मुलांनीच नाही तर मोठ्या माणसांनी देखील दिवसातून एकदा एक वाटी दह्यात सुक्या मेव्याचे तुकडे टाकून खाणं खूपच लाभदायक असतं. ज्यामध्ये व्हिटॅमिन बी १२ आणि लोह मोठ्या प्रमाणात असतं. ज्यामुळे थकवा जाणवत नाही आणि हार्मोन्सची पातळी संतुलित राहते. तसंच यामुळे भूक वाढते. दही व सुका मेवा संपूर्ण शरीराला उर्जा प्रदान करण्यासोबतच पोषक तत्वांची पूर्तता देखील करतात. पण हिवाळ्यात दह्याचे सेवन कमीत कमी केले पाहिजे.

(वाचा :- मुलांनी आत्मसात केलेल्या ‘या’ चांगल्या सवयी शिक्षक व पालकांना का देतात सुखद अनुभव?)

७ वाजण्याआधीच डिनर

  • ज्या मुलांचे ऑनलाईन क्लास आहेत त्यांनी रात्रीचे जेवण संध्याकाळी लवकरात लवकर केलं पाहिजे. तसंच मुलांना डिनर मध्ये पनीर पराठा, पुरी-भाजी, चपाती, ओव्याचा पराठा, ज्वारीच्या भाकरीसोबत बटाट्याची भाजी आणि वेज पुलावसोबत कोशिंबीर देऊ शकता.
  • ऋजुताच्या म्हणण्यानुसार मुलांना आठवड्यातून एकदा घरगुती पिझ्झा, पास्ता आणि पावभाजी देखील खाऊ घालू शकता. रात्रीचे जेवण मुलांना ७ वाजण्या आधीच दिले पाहिजे.

(वाचा :- हिवाळ्यात बाळाला अंघोळ घालण्याआधी जाणून घ्या ‘या’ गोष्टी अन्यथा उद्भवू शकतात समस्या!)

बेड टाईम स्नॅक्स

रात्री झोपण्याआधी मुलांना हळदीचे दूध देणे अत्यंत लाभदायक असते. याव्यतिरिक्त तुम्ही त्यांच्या पसंतीनुसार गुलकंदाचे दूध, सुका मेवा टाकलेले दूध, केशरचे दूध, बनाना किंवा मॅंगो शेक देखील देऊ शकता. यामुळे मुलांना शांत झोप लागण्यास मदत मिळते. तसंच जेवण बनवताना मुलांनाही आपल्यासोबत घ्या जेणे करुन ते शारीरिकरित्या अॅक्टिव्ह राहतील. तसंच त्यांनाही विविध भाज्यांची आणि पदार्थांची माहिती मिळेल.

(वाचा :- करीना कपूरची डाएटिशियन ऋजुता दिवेकरने दिल्या लहान मुलांच्या डिनरविषयी महत्त्वपूर्ण टिप्स!)


Source link

You may also like...

Leave a Reply

Your email address will not be published. Required fields are marked *