करीना कपूरच्या सौंदर्याचं सीक्रेट, जाणून घ्या तिचं ब्युटी केअर रूटीन

Spread the love

बॉलिवूड अभिनेत्रींप्रमाणे आपलीही त्वचा सुंदर आणि नितळ असावी, अशी प्रत्येक तरुणीची इच्छा असते. यासाठी बहुतांश जणी आपापल्या आवडत्या अभिनेत्रींची लाइफ-स्टाइल जाणून घेण्याचा प्रयत्न करतात. दरम्यान फिटनेस, स्टाइल आणि मेकअपच्या बाबतीत करीना कपूरला फॉलो करणाऱ्यांची संख्या भलीमोठी आहे. या लेखाद्वारे आपण करीनाचे ब्युटी सीक्रेट, तिचे मेकअप प्रॉडक्ट आणि घरगुती उपचारांची माहिती जाणून घेणार आहोत.

करीनाची ऑफ ड्युटी स्टाइल

शूटिंग किंवा एखादा इव्हेंट नसल्यास करीना कपूर आपल्या सौंदर्याची कशी काळजी घेते? याचे उत्तर देताना तिने सांगितले की, शूटिंग किंवा कोणतेही काम नसल्यास ती पायजमा, ट्रॅक्स किंवा जीन्स घालणे पसंत करते.

  • करीना असो किंवा सर्वसामान्य तरुणी; कम्फर्टेबल लुकमध्ये कोणीही सुंदर दिसतं. कारण लुक, हेअर स्टाइल आणि मेकअप केल्यानंतर त्यामध्ये कम्फर्टेबल वाटणं अतिशय आवश्यक आहे.
  • कारण जेव्हा तुम्ही कम्फर्टेबल असता तेव्हा मेंदू देखील शांत असतो. मेंदू शांत असल्यानंतर हॅपी हॉर्मोन्सचा स्त्राव होण्याची प्रक्रिया जलदगतीने होते. यामुळे तुमची त्वचा शांत, सौम्य आणि अधिक सुंदर होते.

​करीना कपूरचे स्टायलिंग

  • स्टाइलसोबत कम्फर्टेबल लुकची काळजी घेणारी करीना पायजमा, ट्रॅक्स किंवा जीन्सवर एखादं स्किन फिट टॉप परिधान करण्याऐवजी कम्फर्टेबल टी-शर्ट परिधान करणं पसंत करते. कॉटन, क्रेप फ्रॅबिकपासून तयार केलेले कपडे घालणे आपल्या त्वचेसाठी चांगले असते.
  • साधारणतः असे टी-शर्ट्स स्किन फिटेड नसतात. यामुळे रक्ताभिसरण प्रक्रिया सुरळीत सुरू राहते. स्किन पोअर्सद्वारे शरीरातील टॉक्सिन्स बाहेर फेकले जातात. तुम्ही कोणत्या प्रकारचे कपडे परिधान करत आहात, या सर्व गोष्टींचाही तुमच्या सौंदर्यावर प्रभाव होत असतो.

(लेझर हेअर रिमूव्हल ट्रीटमेंट करायचीय? जाणून घ्या तुमच्या मनातील प्रश्नांची उत्तरे)

​आवडते मेकअप प्रॉडक्ट

आपल्या एव्हरग्रीन आणि आवडत्या मेकअप प्रॉडक्ट्सबद्दल करीनाने सांगितले की, तिला कोल पेन्सिल, काजळ आणि नॅचरल पिंक लिपस्टिक वापरणं आवडते. पण डेली रुटीनमध्ये तिला मेकअप करणं पसंत नाही. याऐवजी ती स्किन केअर प्रॉडक्टचा उपयोग करते, आपल्या त्वचेची नैसर्गिक पद्धतीने काळजी घेते.

(Natural Scrub तांदळाच्या पिठाने अशी दूर करा डेड स्किनची समस्या, त्वचा राहते निरोगी)

​पोषण तत्त्व

आपण आपल्या त्वचेच्या गरजांनुसार पोषण तत्त्वांचा पुरवठा कशा प्रकारे करावा? हे आपल्याला माहीत असले पाहिजे. यासाठी भरपूर पैसा आणि वेळ खर्च करण्याची आवश्यकता नाही. केवळ योग्य कपड्यांची निवड करा आणि पौष्टिक आहाराचे सेवन करा. उर्वरित कार्य आपल्या त्वचेच्या पेशी आणि चयापचय संस्थेद्वारे केले जाते.

(‘कबीर सिंह’फेम कियारा अडवाणीचे ब्युटी सीक्रेट, त्वचेसाठी करते आजीने सांगितलेला नैसर्गिक उपाय)

​करीनाचे सिग्नेचर स्टाइल

वर्ष २०२०च्या सुरुवातीस पार पडलेल्या या फॅशन शोदरम्यान करीनाने आपल्या आगामी सिग्नेचर स्टाइलबाबत चाहत्यांना माहिती दिली. यावेळेस तिनं ‘लॅक्मे आयकॉनिक गोल्ड पेन्सिल, काजळ पेन्सिल’ या प्रॉडक्टचा उल्लेख केला होता. तर करीनाच्या रेग्युलर मेकअप किटमध्ये लॅक्मे कोल पेन्सिल, एलिगंट पिंक लिपस्टिक आणि मॉइश्चराइझर या तीन गोष्टी कायम असतात.

(Natural Skin Care त्वचा उजळण्यासाठी आयुर्वेदिक उपचार, घरच्या घरी असे तयार करा फेस पॅक)

​नाइट स्किन केअर

रात्री झोपण्यापूर्वी करीना कपूर आपल्या त्वचेची खास पद्धतीने देखभाल करते का?

या प्रश्नाचे उत्तर देताना करीनाने म्हटलं की, ‘माझं नाइट रुटीन अतिशय बेसिक आहे. मी दिवसभरात भरपूर पाणी पिते. जेणेकरून माझ्या त्वचेमध्ये ओलावा टिकून राहील. त्वचा हायड्रेट ठेवण्यासाठी मी द्रवयुक्त पदार्थांचे अधिक सेवन करते. तसंच नियमित मॉइश्चराइझरचा उपयोग करते’. तुमच्या त्वचेमध्ये नैसर्गिक स्वरुपात मोठ्या प्रमाणात ओलावा असेल तर त्वचेशी संबंधित कोणत्याही समस्या उद्भवणार नाहीत.

(Natural Skin Care रात्री झोपण्यापूर्वी त्वचेची अशी घ्या काळजी, चेहऱ्यावर येईल नैसर्गिक तेज)

तुम्ही देखील नियमित जास्त प्रमाणात पाणी प्या, मॉइश्चराइझर लावा आणि योग्य कपड्यांची निवड करा.

NOTE त्वचेशी संबंधित कोणतेही उपाय करण्यापूर्वी ओळखीच्या डॉक्टरांचा सल्ला घ्यावा.


Source link

You may also like...

Leave a Reply

Your email address will not be published. Required fields are marked *