करीना कपूरच्या स्टायलिश अवतारावर भारी पडला मीरा राजपूतचा मोहक लुक

Spread the love

सिनेरसिकांमध्ये प्रसिद्ध असलेल्या स्टार अभिनेत्याच्या पत्नीच्या स्टायलिश लुकची तुलना कधी-कधी बॉलिवूड अभिनेत्रींच्या फॅशनेबल शैलीशीही केली जाते. एकीकडे बी-टाउनमधील अभिनेत्री स्टाइल स्टेटमेंट चर्चेत राहण्यासाठी लाखो-कोट्यवधी रुपये खर्च करतात. यासाठी महागड्या कपड्यांपासून ते डिझाइनर बॅगपर्यंत, स्टायलिश अ‍ॅक्सेसरीज आणि फुटवेअरपर्यंत; कित्येक गोष्टींवर मोठ्या प्रमाणात खर्च केला जातो. तर दुसरीकडे स्टार कलाकारांसोबतच त्यांच्या पत्नी देखील स्टाइलच्या बाबतीत कधीच मागे नसतात.

फॅशनच्या बाबतीत अशीच काहीशी स्पर्धा अभिनेत्री करीना कपूर – खान (Kareena Kapoor Khan) आणि मीरा राजपूत (Mira Rajput) यांच्यामध्येही पाहायला मिळते. स्टायलिश गाउन असो अथवा साधा जीन्स-टी-शर्ट; करीना कपूर आपल्या ड्रेसिंग स्टाइलने नेहमीच लोकांचे लक्ष वेधून घेते. तर दुसरीकडे वजनदार लेहंग्यापासून फॉर्मल पँट सूट्स, ट्रेंडी को-ऑर्ड्स आणि साडी असे वेगवेगळ्या प्रकारचे हटके आउटफिट मीरा राजपूत अतिशय आत्मविश्वासाने कॅरी करते. साध्या आणि मोहक फॅशनने लोकांचं मन कसे जिंकायचे, हे मीराला चांगलंच ठाऊक आहे.
(करीना कपूरने पुन्हा सर्वांचं लक्ष घेतलं वेधून, ‘या’ आकर्षक ड्रेसमध्ये दिसतेय सुपर स्टायलिश)

​करीनाची मॅटर्निटी स्टाइल

करीना कपूर – खानच्या वॉर्डरोबमध्ये सध्या मॅटर्निटी फॅशनसह कम्फर्टेबल आउटफिट पाहायला मिळत आहेत. सध्या स्टायलिश कफ्तान, सैल ड्रेस परिधान करण्यास करीना पसंती दर्शवत आहे. पण प्रेग्नेंसीमध्येही करीना आपल्या स्टाइलसोबत तडजोड करताना दिसत नाहीय. करीना कपूर रेडिओ शो ‘What Women Want’ च्या सेटवर देखील स्टायलिश आणि हटके अवतारात दिसते.

(अनुष्का शर्मा आणि करीना कपूरच्या मॅटर्निटी फॅशनची रंगली चर्चा)

​बेबोची मोनोटोन फॅशन

रेडिओ शो ‘What Women Want’ च्या एका एपिसोडसाठी करीना कपूर – खानने ऑलिव्ह ग्रीन रंगाचा स्कर्ट आणि ब्लाउज परिधान केला होता. हा ड्रेस दुबईतील फॅशन लेबल Massimo Dutti या कंपनीनं डिझाइन केला होता. या मोनोटोन आउटफिटमध्ये प्लीटेड स्कर्ट आणि ब्लाउजचा समावेश होता. या ड्रेस किंमत ११ हजार रुपये एवढी आहे. करीनाच्या या V नेकलाइन डिझाइन असणाऱ्या स्टायलिश ब्लाउजच्या कॉलरचा भाग स्कार्फच्या मदतीने जोडण्यात आला होता. तसंच प्लीटेड स्कर्ट Asymmetrical हेमलाइन असल्याने बेबोला सुपर स्टायलिश लुक मिळाला. लाइट टोन गुलाबी रंगाचं लिपस्टिक, मस्कारा-क्लॅड लॅशेज, स्लीक आयलाइनर आणि हलक्या स्वरुपात ब्लशचा वापर; अशा मेकअपमध्ये करीना प्रचंड सुंदर दिसत होती.

​मीराने देखील परिधान केले होते करीनासारखे कपडे?

मीरा राजपूतच्या इन्स्टाग्राम अकाउंट तुम्ही पाहिल्यास तिच्या ड्रेसची निवड आणि वॉर्डरोब कलेक्शनमध्ये वेगवेगळ्या प्रकारचे बरेच आउटफिट तुम्हाला दिसतील. रिद्धि मेहराने डिझाइन केलेलं जंपसूट-साडी असो किंवा अनीता डोंगरे यांनी डिझाइन केलेला लेहंगा; प्रत्येक वेशभूषेमध्ये मीरा सुंदर दिसते. काही दिवसांपूर्वी मीराने एका पार्टीसाठी फॅशन डिझाइनर पायल खंडवालाने डिझाइन केलेला कॅनरी पिवळ्या रंगाचा कुर्ता परिधान केला होता.

(सारा अली खानवर भारी पडली करीना कपूरची स्टाइल, या ड्रेसमुळे मिळाला मोहक लुक)

​मीराचा साधा पण मोहक लुक

मीराचा हा कुर्ता Polyester Satin फॅब्रिकपासून डिझाइन करण्यात आला होता. या डिझाइनर आउटफिटवर पुढील बाजूस प्लीटेड डिझाइन देण्यात आले होतं. हाफ स्लीव्ह्जमुळे कुर्त्याला स्टायलिश लुक मिळाला होता. साध्या चेनसह हलक्या स्वरुपातील कर्ल्स, कमीत कमी मेकअप असा लुक मीराने कॅरी केला होता. मीरा राजपूतच्या या कुर्त्याची किंमत १३ हजार ५०० रुपये एवढी होती.

(दीपिका पादुकोणचा ‘हा’ ग्लॅमरस अवतार पाहुन नेटकऱ्यांनी व्यक्त केल्या होत्या अशा प्रतिक्रिया, म्हणाले…)

​करीनावर भारी पडला मीराचा लुक

एकीकडे करीना कपूर प्लीटेड स्कर्ट आणि ब्लाउजमध्ये स्टायलिश दिसत होती तर दुसरीकडे मीरा राजपूतला या मोनोटोन लुकमुळे मोहक लुक मिळाला होता. तसं पाहायला गेलं तर दोघींही आपापल्या स्टाइलमध्ये सुंदर दिसत आहेत. पण फॅशनच्या बाबतीत यावेळेस मीरा राजपूतने बाजी मारल्याचे दिसले.

(जेनेलियाचे ग्लॅमरस फोटो पाहून चाहते झाले घायाळ, पती रितेशनंही व्यक्त केली अशी प्रतिक्रिया)


Source link

You may also like...

Leave a Reply

Your email address will not be published. Required fields are marked *