केमिकलयुक्त प्रोडक्टचा वापर टाळा, सकाळी उठल्यानंतर चेहऱ्याची अशी घ्या काळजी

Spread the love

​थंड पाण्याने चेहरा धुणे

सकाळी उठल्यानंतर थंड पाण्याने चेहरा स्वच्छ धुणे आवश्यक आहे. कारण रात्रभर आपली त्वचा नवीन पेशींची निर्मिती तसंच पेशी दुरुस्तीचे कार्य करत असते. त्वचेवरील अतिरिक्त तेल, मृत त्वचा आणि रोमछिद्रांमध्ये जमा झालेली दुर्गंध स्वच्छ होण्यासाठी थंड पाण्याचा वापर करावा. थंड पाण्यामुळे आपल्या चेहऱ्यावर ओलावा टिकून राहण्यास मदत मिळते.

(केस कोरडे झाले आहेत का? आपल्या केसांनुसार तयार करू शकता घरगुती दही हेअर पॅक)

​सल्फेट फ्री सौम्य क्लींझर

बहुतांश महिलावर्ग रात्री झोपण्यापूर्वी नाइटक्रीमचा वापर करतात. यामुळे सकाळपर्यंत त्वचेवर कित्येक प्रकारची दुर्गंध जमा होते. त्वचेवर लावलेली क्रीम काढण्यासाठी सौम्य क्लींझरचा वापर करावा. सकाळी उठल्यानंतर सौम्य क्लींझरने आपली त्वचा स्वच्छ करून घ्यावी. शक्यतो डॉक्टरांनी सुचवलेल्या क्रीमचाच वापर करावा. तुमची त्वचा तेलकट असल्यास एक्सफोलिएटिंग फेसवॉशचा वापरावे. कोरडी त्वचा असणाऱ्यांनी सौम्य क्लींझरचा उपयोग करावा

(Aloe Vera घरच्या घरी कसे तयार करायचे शुद्ध अ‍ॅलोव्हेरा जेल? जाणून घ्या पद्धत)

​टोनर

काही महिला आपल्या स्किन केअर रुटीनमध्ये टोनरचा समावेश करत नाहीत. नितळ त्वचेसाठी टोनरचा वापर करणं आवश्यक आहे. चांगल्या गुणवत्तेचं टोनर वापरल्यास चेहऱ्यावरील पोअर्स मोकळे होण्यास मदत मिळते आणि त्वचेचं पीएच लेव्हल देखील संतुलित राहते. टोनरच्या वापरामुळे मृत त्वचेची समस्या कमी होऊन आपली चेहरा हायड्रेट राहण्यास मदत मिळते. क्लीझिंग केल्यानंतर कापसाच्या मदतीने चेहऱ्यावर टोनर लावावे. मुरुमांची समस्या असल्यास बीटा हायड्रॉक्सी अ‍ॅसिड, सॅलिसिलिक अ‍ॅसिड किंवा अल्फा हायड्रॉक्सी अ‍ॅसिडयुक्त टोनर वापरावे.

(Natural Hair Care केसांना चांगला रंग येण्यासाठी मेंदीमध्ये काय मिक्स करावे?)

​सीरम

मॉर्निंग स्किन केअर रुटीनमधील तिसरी स्टेप म्हणजे त्वचेवर फेस सीरम लावणे. सीरममध्ये अँटी ऑक्सिडंटचे प्रमाण भरपूर असते. शिवाय व्हिटॅमिन सी, व्हिटॅमिन ए आणि व्हिटॅमिन ई देखील असतात. मॉइश्चराइझरपूर्वी चेहऱ्यावर सीरम लावल्यास सुरकुत्या, पिगमेंटेशनची समस्या कमी होण्यास मदत मिळते. फेस सीरमचे काही थेंब आपल्या हातावर घ्या आणि चेहरा व मानेवर लावा. त्वचा कोरडी असल्यास तज्ज्ञांचा सल्ला घेऊन ह्यलुरोनिक अ‍ॅसिडयुक्त सीरम वापरावे.

(Natural Skin Care घरच्या घरी कसे तयार करायचे ऑरेंज पील ऑफ मास्‍क?)

​मॉइश्चराइझर

सीरम लावल्यानंतर महत्त्वपूर्ण प्रक्रिया म्हणजे चेहऱ्यावर मॉइश्चराइझर लावणे. त्वचा मॉइश्चराइझ ठेवण्यासाठी सौम्य स्वरुपातील मॉइश्चराइझरचा वापर करावा. या प्रोडक्टच्या वापरामुळे तुमची त्वचा नितळ होण्यास मदत मिळते. तसंच यामुळे चेहऱ्याशी संबंधित कित्येक समस्याही दूर होतात. पण आपल्या त्वचेच्या प्रकारानुसार मॉइश्चराइझरची निवड करावी.

(Hair Care Tips मुळ्यापासून कसे तयार करायचे घरगुती हेअर पॅक?)

​सनस्क्रीन

उन्हाळा असो वा हिवाळा, घराबाहेर पडण्यापूर्वी त्वचेवर सनस्क्रीन लावणे अतिशय आवश्यक आहे. सनस्क्रीन लावल्याने टॅनिंगची समस्या मोठ्या प्रमाणात उद्भवत नाही. मॉइश्चराइझर लावल्यास कमीत कमी १० मिनिटांनंतर सनस्क्रीनचा वापर करावा. सनस्क्रीनमुळे सूर्याच्या हानिकारक किरणांपासून आपल्या त्वचेचं संरक्षण होण्यास मदत मिळते.

(Aloe Vera Benefits कोरफड जेल रात्रभर चेहऱ्यावर लावून ठेवल्यास काय होते? वाचा माहिती)

​आयक्रीम

सकाळी उठल्यानंतर आपल्या डोळ्यांवर सूज असते. डोळ्यांवर सूज येऊ नये यासाठी झोपण्यापूर्वी आयक्रीम किंवा एखाद्या जेलचा वापर करावा. आयक्रीममुळे डोळ्यांच्या आसपासच्या त्वचेला मॉइश्चराइझर मिळेल.

(Hair Care Tips स्ट्रेटनिंग टीट्रमेंट केल्यानंतर केसांची अशी काळजी घेणे आहे गरजेचं)

​लिपबाम

चेहऱ्याच्या त्वचेपेक्षाही आपले ओठ अतिशय नाजूक असतात. हिवाळ्यामध्ये ओठांची विशेष काळजी घेणे आवश्यक आहे. ओठ नेहमी मॉइश्चराइझ ठेवणे गरजेचं आहे. यासाठी तुम्ही आपल्या डॉक्टरांचा सल्ला घेऊनच चांगल्या प्रोडक्टचा वापर करावा.

(Skin Care Tips चेहरा धुताना तुम्ही देखील या चुका करता का? जाणून घ्या या ५ गोष्टी)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यावा. कारण प्रत्येकाच्या त्वचेचा प्रकार एकसारखा नसतो. त्वचेचे नुकसान होऊ नये, यासाठी तज्ज्ञांचे मार्गदर्शन नक्की घ्यावे.


Source link

You may also like...

Leave a Reply

Your email address will not be published. Required fields are marked *