केसगळती, कोंड्यापासून हवीय सुटका? पावसाळ्यात अशी घ्या केसांची काळजी

Spread the love

मुंबई टाइम्स टीम
ऋतूबदलानुसार आरोग्याची काळजी घेतो त्याचप्रमाणे केसांची काळजी (Hair Care Tips) घेणंसुद्धा गरजेचं असतं. सध्या पावसाळा सुरू आहे. पावसाळ्यामध्ये हवेतील आर्द्रतेचं प्रमाण जास्त असल्यामुळे केस राठ होणं, चमक कमी होणं, कोंडा होणं यासारख्या विविध समस्या निर्माण होऊ शकतात. त्यामुळे पावसाळ्यात केसांना जपणं आवश्यक आहे. पावसाळ्यात केसांची काळजी कशी घ्यावी याबाबत जाणून घेऊ या.

कंडीशनरचा वापर आवश्यक

पावसाळ्यात योग्य ती काळजी घेतल्यास तुम्ही केसांच्या विविध समस्यांपासून स्वतःचा बचाव करू शकता. जर तुमचे केस पावसाच्या पाण्याने भिजले असतील तर घरी आल्यानंतर शॅम्पू लावून व्यवस्थित धुवा. यासाठी सौम्य हर्बल शॅम्पू वापरल्यास उत्तम! शॅम्पूनंतर केसांना कंडीशनरने हलकासा मसाज करावा. ते कंडीशनर दोन मिनिट ठेवा आणि मग केस स्वच्छ धुऊन घ्या.
(Hair Oiling Tips केसांना गरजेपेक्षाही जास्त तेल लावताय? होऊ शकतात हे नुकसान)

​घरच्या घरी बनवा हेअर मास्क

केसांच्या उत्तम आरोग्यासाठी तुम्ही घरच्या घरी काही हेअर मास्क्स बनवून त्यांचा वापर करू शकता.

केळ आणि दही

दोन टेबलस्पून दही, एक टेबलस्पून नारळाचं तेल आणि पिकलेलं केळं घ्या. केळ कुस्करून त्यात दही आणि तेल घाला. हे सर्व जिन्नस एकत्र करून छान पेस्ट बनवा. ही पेस्ट केसांना व्यवस्थित लावा. पेस्ट केसांच्या मुळांपर्यंत लागली पाहिजे. यानंतर अर्ध्या तासाने केस धुवा. केळ्यामुळे तुमचे केस कोरडे होत नाहीत. दह्यामुळे केसांची चमक वाढते आणि नाळाच्या तेलामुळे केसांना उपयुक्त पोषणमूल्यं मिळतात.

(Hair Colour केसांसाठी या तेलांपासून घरामध्येच तयार करा हर्बल कलर)

​जास्वंद आणि कोरफड

एक किंवा दोन जास्वंदाची फुलं, एक टेबलस्पून कोरफडीचा गर आणि दोन टेबलस्पून दही घ्या. जास्वंदीचं फूल कुस्करून त्यात दही आणि कोरफडीचा गर घालून छान पेस्ट बनवा. ही पेस्ट केसांना लावून वीस मिनिटं ठेवा आणि मग केस धुवा. जास्वंदाच्या फुलांमुळे केस मजबूत होतात आणि त्यांची छान वाढ होते तर कोरफडीच्या गरामुळे केसांची चमक वाढते. दही केसांची चमक वाढवण्यास मदत करतं.

(कोंडा दूर करण्यासाठी रामबाण उपाय, महिन्याभरात केसांमध्ये दिसतील आश्चर्यकारक बदल)

​तेल आवश्यक

किंचित तेल हातावर घ्या आणि हलक्या हातांनी मसाज करा. तुमचे केस रूक्ष असतील तर याचा फायदा होईल. तसंच नारळाचं तेल गरम करून घ्या आणि केसांना व्यवस्थित लावा. यानंतर एक टॉवेल पाण्यात बुडवून तो पिळून त्यातील जास्तीचं पाणी काढून घ्या. हा टॉवेल केसांभोवती गुंडाळा आणि पाच मिनिटं ठेवा. त्यानंतर ही कृती तीन ते चार वेळा करा. आठवड्यातून एकदा किंवा दोनदा नारळाचं तेल लावा. याचा नक्कीच फायदा होईल.

(केसगळती रोखण्यासाठी रामबाण उपाय, वापरा हे घरगुती आयुर्वेदिक तेल)

​हे लक्षात ठेवा

केस धुताना गरम पाण्याचा वापर करू नका. केस धुतल्यानंतर काहीजण केस घासून ते सुकवण्याचा प्रयत्न करतात. असं करणं कटाक्षानं टाळावं. केस धुतल्यानंतर टॉवेल गुंडाळून बांधून ठेवा. टॉवेल केसांमधील ओलावा शोषून घेईल. केस वाळवण्यासाठी ड्रायरचा वापर करणं टाळा. केस ओले असताना कंगवा करू नका अथवा बांधू नका.

(घरामध्ये तयार करा आवळ्याचे तेल, आठवड्याभरात केसांची होईल वाढ)

​पौष्टिक आहार

आहारात अंडी, अक्रोड यासारखे प्रथिनयुक्त पदार्थ आणि हिरव्या पालेभाज्यांचा समावेश असू द्या. यामुळे तुमचे केस निरोगी राहतील आणि त्यांना चमक येईल. तळलेल्या पदार्थांचा अतिरेक, जंकफूड या गोष्टी टाळा. केसांच्या उत्तम आरोग्यासाठी संतुलित आहार घ्या.

(Hair Loss सर्व उपाय करूनही केसगळती सुरूच आहे? तर वेळीच व्हा अलर्ट)

संकलन- केतकी मोडक, विद्यावर्धिनीज कॉलेज


Source link

You may also like...

Leave a Reply

Your email address will not be published. Required fields are marked *