केसगळती रोखण्यासाठी करा हा रामबाण उपाय, महिन्याभरात केसांमध्ये दिसेल आश्चर्यकारक फरक

Spread the love

एवढ्याशा बदामाचे आरोग्यवर्धक फायदे प्रचंड आहेत. यासाठी आपले आई-बाबा आणि आजी- आजोबा आपल्याला बदामातील पोषक गुणधर्मांबाबतची माहिती वारंवार सांगत असतात आणि नियमित बदाम खाण्याचाही सल्ला देतात. जी लोक दूध किंवा दुग्धजन्य पदार्थांचे सेवन करत नाहीत किंवा काही कारणास्तव करू शकत नाही, अशा लोकांसाठी बदाम म्हणजे वरदान. बदामाचे कित्येक आरोग्यवर्धक तसंच सौंदर्यवर्धक लाभ आहेत.

बदामाचे दूध केवळ आरोग्यासाठीच नव्हे तर आपल्या केसांसाठीही पोषक आहे. यामध्ये ओमेगा ३ फॅटी अ‍ॅसिड आणि ओमेगा ६ फॅटी अ‍ॅसिडचा समावेश आहे, ज्यामुळे आपले केस लांबसडक, घनदाट व मजबूत होण्यास मदत मिळते. बदामाच्या दुधापासून तयार करण्यात येणाऱ्या घरगुती हेअर पॅकची माहिती आपण जाणून घेऊया. या हेअर पॅकचा योग्य पद्धतीने उपयोग केल्यास केसांचे आरोग्य निरोगी राहते. .
(Hair Care Tips केसांसाठी टॉनिक आहे ग्लिसरीन, मऊ आणि चमकदार केसांसाठी असा करा वापर)

बदामाच्या दुधाचे कंडिशनिंग हेअर पॅक

सामग्री :

  • बदामाचे दूध – अर्धा कप
  • बदामाचे तेल – एक मोठा चमचा
  • एरंडेल तेल – एक मोठा चमचा
  • कोमट पाणी – अर्धा कप

(Natural Hair Care केसगळतीची समस्या दूर कशी करावी? वापरा हे ५ रामबाण हेअरमास्क)

हेअर पॅक तयार करण्याची पद्धत

एका बाउलमध्ये बदामाचे दूध, बदामाचे तेल आणि एरंडेल तेल एकत्र घ्या. सर्व सामग्री नीट एकजीव केल्यानंतर त्यामध्ये कोमट पाणी मिक्स करा. पेस्ट थोडीशी पातळच तयार करावी.

​हेअर पॅक कसे लावावे?

हेअर पॅक लावण्यापूर्वी कंगवा करून घ्यावा. यानंतर १० ते १५ मिनिटांसाठी केसांवर पेस्ट लावा आणि हलक्या हाताने केसांचा मसाज करावा. आता केसांवर शॉवर कॅप लावून ठेवा. एक किंवा दोन तासांनंतर आपले केस थंड पाण्याने स्वच्छ धुऊन घ्यावेत.

(Skin Care Tips आयुर्वेदिक वनस्पतींपासून केस व त्वचेच्या समस्या कशा दूर कराव्यात, जाणून घ्या पद्धत)

​बदाम मिल्क कंडिशनिंग हेअर पॅकचे फायदे

या नैसर्गिक उपचारामुळे पांढऱ्या केसांची समस्या नियंत्रणात येण्यास मदत मिळते. पांढऱ्या केसांपासून सुटका मिळवण्यासाठी केमिकलयुक्त ट्रीटमेंट करण्याऐवजी नैसर्गिक उपचारांची मदत घ्यावी. वारंवार हेअर डायचा वापर केल्याने केसांचे प्रचंड नुकसान होऊ शकते. हे नुकसान टाळण्यासाठी केसांसाठी बदामाच्या दुधाचा वापर करू शकता. यामध्ये व्हिटॅमिन ई, व्हिटॅमिन सी आणि लोह अशा कित्येक पोषक घटकांचा समावेश आहे. ज्यामुळे पांढऱ्या केसांची समस्या दूर होऊ शकते.

(Hair Care Tips केसांच्या वाढीसाठी नेमकी काय घ्यावी काळजी? हेअर प्रोडक्ट्सचा कोणत्या क्रमाने करावा वापर)

​जाड आणि घनदाट केसांसाठी

निर्जीव आणि कोरड्या केसांमुळेही काही जणांच्या आत्मविश्वासावर परिणाम होऊ शकतो. या समस्येवर वेळीच उपाय करावेत. बदामाच्या दुधामध्ये पौष्टिक तत्त्वांचा भरपूर प्रमाणात समावेश आहे. उदाहरणार्थ व्हिटॅमिन ए, व्हिटॅमिन ई, झिंक, पोटॅशिअम इत्यादी. ज्यामुळे केसांचे आरोग्य सुधारण्यास मदत मिळते. बदामातील पोषण तत्त्वांमुळ केस सुंदर, चमकदार आणि मजबूत होतात.

(Natural Hair Care टक्कल पडण्याची आहे भीती? केसगळती रोखण्यासाठी या नैसर्गिक तेलांचा)

​टाळूच्या त्वचेशी संबंधित संसर्ग

योग्य काळजी न घेतल्यास केसांशी संबंधित समस्या निर्माण होणे स्वाभाविक आहे. टाळूच्या त्वचेशी संबंधित समस्या दूर करण्यासाठी तुम्ही बदामाच्या हेअर पॅकचा उपयोग करू शकता. यातील औषधी गुणधर्म टाळूची त्वचा निरोगी ठेवण्याचे कार्य करतात. या हेअर पॅकचा नियमित योग्य वापर केल्यास टाळूला येणारी खाज आणि अन्य समस्या दूर होतील. टाळूची त्वचा निरोगी ठेवण्यासाठी हेअर पॅकमध्ये एरंडेल तेलाऐवजी एक मोठा चमचा दही आणि नारळ तेल मिक्स करावे.

(Skin Care हनुवटीवरील अनावश्यक केस काढण्यासाठी रामबाण घरगुती उपाय)

केसांच्या वाढीसाठी पोषक

लांबसडक आणि घनदाट केस असावेत, अशी प्रत्येकाची इच्छा असते. पण प्रदूषण आणि केमिकलयुक्त प्रोडक्टमुळे आपल्या केसांवर प्रचंड प्रमाणात दुष्परिणाम होतात. बदामाच्या दुधामध्ये मॅग्नेशिअमचे प्रमाण भरपूर असते, ज्यामुळे मुळांसह केस मजबूत होण्यास मदत मिळते. सोबत यातील लोहाच्या गुणधर्मामुळे रक्तप्रवाहही वाढतो, या प्रक्रियेमुळे केस निरोगी राहतात.

(Natural Hair Care केसगळती कशी रोखावी? अभिनेत्री रवीना टंडनने सांगितला नैसर्गिक उपाय)

​केसांना खोलवर पोषण तत्त्वांचा होतो पुरवठा

बदामामुळे केस मऊ आणि चमकदार होतात. या हेअर पॅकमुळे केसांना खोलवर पोषण तत्त्वांचा पुरवठा होतो. यामुळे कोरड्या, निर्जीव आणि दुभंगलेल्या केसांचीही समस्या दूर होते.

(Natural Hair Care केसगळतीमुळे त्रस्त आहात का? जाणून घ्या हा नैसर्गिक उपाय)

NOTE : केसांशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यायला विसरू नका.


Source link

You may also like...

Leave a Reply

Your email address will not be published. Required fields are marked *