कोपराच्या रूक्ष व कोरड्या त्वचेपासून कशी मिळवावी सुटका, जाणून घ्या हे ७ नैसर्गिक उपाय

Spread the love

​अ‍ॅपल सायडर व्हिनेगर

दोन चमचे अ‍ॅपल सायडर व्हिनेगरमध्ये थोडेसे पाणी मिक्स करा. कापसाच्या मदतीने हे मिश्रण आपल्या कोपरांवर लावा. हे मिश्रण कोपरांवर १० मिनिटांसाठी लावून ठेवा. यानंतर थंड पाण्याने आपले कोपर स्वच्छ धुऊन घ्या. हा उपाय आठवड्यातून तीन ते चार वेळा करू शकता.

(Natural Remedies चेहऱ्यावरील डागांमुळे आहात त्रस्त? जाणून घ्या या ७ नैसर्गिक सामग्रींची माहिती)

​दही

थंड दह्याच्या वापरामुळे कोपरांच्या कोरड्या त्वचेची समस्या कमी होण्यास मदत मिळू शकते. यासाठी वाटीमध्ये एक मोठा चमचा दही आणि एक मोठा चमचा अ‍ॅपल सायडर व्हिनेगर एकत्र घ्या व मिक्स करा. हे मिश्रण आपल्या कोपरांवर लावा. हलक्या हाताने कोपरांचा मसाज करावा. २० मिनिटानंतर आपले हात स्वच्छ धुऊन घ्या. दह्यातील पोषण तत्त्वांमुळे कोपराची त्वची मऊ होते. हा उपाय केल्यानंतर कोपरांवर मॉइश्चराइझर देखील लावा.

(Beauty Tips घरच्या घरी कसं तयार करायचं मेकअप फाउंडेशन, जाणून घ्या पद्धत)

​कोरफड जेल

आपल्या कोपरांवर कोरफड जेल लावून हलक्या हाताने मसाज करा. १५ मिनिटांसाठी जेल कोपरांवर राहू द्यावे. यानंतर थंड पाण्याने त्वचा स्वच्छ करून घ्यावी. दिवसातून दोनदा हा उपाय तुम्ही करू शकता. आपल्या त्वचेसाठी कोरफड गुणकारी आहे.

(Natural Skin Care गुलाब पाण्याने घरच्या घरी फेशिअल कसे करावे, जाणून घ्या योग्य पद्धत)

​लिंबू किंवा बटाटा

अर्धा लिंबू किंवा बटाट्याचा तुकडा आपल्या कोपरांच्या त्वचेवर हलक्या हाताने रगडा. यामुळे काळवंडलेल्या त्वचेची समस्या दूर होण्यास मदत मिळेल. हा उपाय करताना आपण मधाचाही उपयोग करू शकता. मधामुळे आपल्यात त्वचेला नैसर्गिक स्वरुपातील मॉइश्चराइझर मिळते.

(Skin Care Tips पिंपलमुळे आहात त्रस्त? अशा पद्धतीने चेहरा ठेवा स्वच्छ व मॉइश्चराइझ)

​तेल मसाज

तेल मसाजमुळे आपल्या त्वचेला खोलवर पोषण तत्त्वांचा पुरवठा होतो. तसंच मॉइश्चराइझर देखील मिळते. आपल्या कोपरांच्या त्वचेमध्ये तेल ग्रंथी नसल्याने ते कोरडे आणि रूक्ष होतात. ही समस्या दूर करण्यासाठी तेल मसाज हा उत्तम उपाय आहे. ऑलिव्ह ऑइल, बदाम तेल किंवा नारळाच्या तेलाने आपण कोपरांचा मसाज करू शकता.

(चेहऱ्यावर का लावू नये बॉडी लोशन, काय होऊ शकते नुकसान? जाणून घ्या)

​शुगर स्क्रब

साखरेमुळे मृत त्वचेची समस्या दूर होण्यास मदत मिळते. शुगर स्क्रबमुळे त्वचा मऊ होते. एक चमचा मध आणि थोडीशी साखर एकत्र घ्या आणि स्क्रब तयार करा. स्क्रब तयार झाल्यानंतर आपल्या कोपरांचा गोलाकार दिशेनं मसाज करा. यानंतर थंड पाण्याने हात स्वच्छ धुऊन घ्या. आपण हा उपाय आठवड्यातून एकदा करू शकता.

(केसगळती रोखण्यासाठी करा हा रामबाण उपाय, महिन्याभरात केसांमध्ये दिसेल आश्चर्यकारक फरक)

​केळ्याची साल

त्वचेचा कोरडेपणा कमी करण्यासाठी केळ्याच्या सालीची भरपूर मदत मिळते. केळ्यामध्ये व्हिटॅमिन सी असते. तर केळ्याच्या सालीमध्ये अँटी फंगल आणि अँटी बायोटिक गुणधर्म आहेत. जे आपल्या त्वचेच्या आरोग्यासाठी पोषक आहेत.

(घरच्या घरी या ६ सामग्रींपासून कसं तयार करावं बॉडी पॉलिशिंग स्क्रब, जाणून घ्या माहिती)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यायला विसरू नका. अन्य कोणत्याही व्यक्तीचे स्किन केअर रुटीन फॉलो करू नये. कारण प्रत्येकाच्या त्वचेचा प्रकार एकसारखा नसतो.


Source link

You may also like...

Leave a Reply

Your email address will not be published. Required fields are marked *