कोबीमध्ये व्हिटॅमिन-खनिजांची मात्रा आहे भरपूर, नितळ व सुंदर त्वचेसाठी तयार करा हे फेस पॅक

Spread the love

​कोबी आणि अंड्याचे फेस पॅक

कोबीच्या फेस पॅकमुळे आपल्या त्वचेचा रंग उजळण्यास मदत मिळते. या फेस पॅकमधील सामग्रीमुळे त्वचेला पोषण तत्त्वांचा पुरवठा होतो आणि त्वचेवर नैसर्गिक चमकही येते.

सामग्री :

चार मोठे चमचे कोबीची पेस्ट

एका अंड्याचा पांढरा भाग

एक मोठा चमचा मध

दोन चमचे तांदळाचे पीठ

(Sunny Leone सनी लिओनीच्या सौंदर्याचं रहस्य, आपल्या सुंदर त्वचेची अशी करते देखभाल)

​कसे तयार करायचे फेस पॅक

मिक्सरच्या भांड्यामध्ये सर्व सामग्री वाटा आणि जाडसर पेस्ट तयार करा. चेहरा स्वच्छ धुऊन घेतल्यानंतर पॅक लावा. यानंतर दोन मिनिटे चेहऱ्याचा हलक्या हाताने मसाज करावा. २० मिनिटांनतर थंड पाण्याने चेहरा स्वच्छ धुऊन घ्यावा. यानंतर त्वचेवर मॉइश्चराझइर लावा. आठवड्यातून दोनदा हे फेस पॅक लावावे.

(त्वचा सुंदर व निरोगी ठेवण्याची आयुर्वेदिक पद्धत, असा करा गुलाबाच्या पाकळ्यांचा वापर)

​कोबी आणि दुधाचे फेस पॅक

कोरड्या त्वचेसाठी हे फेस पॅक फार प्रभावी आहे. नियमित स्वरुपात हे फेस पॅक लावल्यास चेहरा चमकदार होईल.

सामग्री –

दीड कप दूध

अर्धा कप चिरलेला कोबी

(हिवाळ्यामध्ये त्वचा निरोगी व मऊ राहण्यासाठी ‘या’ ब्युटी फेस पॅकचा करा उपयोग)

फेस पॅक तयार करण्याची पद्धत

मध्यम आचेवर दूध गरम करत ठेवा. आता यामध्ये चिरलेला कोबी मिक्स करा आणि कोबी मऊ होईपर्यंत मिश्रण शिजवून घ्या. यानंतर मिश्रण थंड होण्यास ठेवून द्या. ब्रशच्या मदतीने फेस पॅक लावा आणि २० मिनिटानंतर चेहरा स्वच्छ धुऊन घ्या. आठवड्यातून एकदा हे फेस पॅक लावू शकता.

(त्वचेच्या आरोग्यासाठी पोषक आहे मसूर डाळ, घरच्या घरी असे तयार करा नॅचरल फेस पॅक)

​कोबी आणि मध फेस पॅक

हे फेस पॅक सर्व प्रकारच्या त्वचेसाठी लाभदायक आहे. यातील पोषण तत्त्वांमुळे चेहरा स्वच्छ होण्यास मदत मिळते.

सामग्री-

एक चमचा मध

चिमूटभर हळद

दोन मोठे चमचे कोबीचा रस

(लेझर हेअर रिमूव्हल ट्रीटमेंट करायचीय? जाणून घ्या तुमच्या मनातील प्रश्नांची उत्तरे)

​असे तयार करा फेस पॅक

एका वाटीमध्ये वरील सर्व सामग्री एकत्र घ्या आणि लेप तयार करा. पॅक २० मिनिटांसाठी चेहऱ्यावर लावा. यानंतर पाण्याने चेहरा स्वच्छ धुऊन घ्या. मॉइश्चराइझर देखील लावा. आठवड्यातून दोनदा हे पॅक लावा. यामुळे सन टॅनची समस्या दूर होण्यास मदत मिळेल. तसंच त्वचा मऊ व चमकदार देखील होईल.

(Natural Hair Care चमकदार व मऊ केसांसाठी वापरा बीटरूट, असे तयार करा हेअर पॅक)

NOTE : त्वचेशी संबंधित कोणतेही उपाय करण्यापूर्वी ओळखीच्या डॉक्टरांचा सल्ला घ्यावा.


Source link

You may also like...

Leave a Reply

Your email address will not be published. Required fields are marked *