कोरडी त्वचा, त्वचा फुटणे व खाज या समस्यांनी त्रस्त असाल तर करा ‘हे’ ५ घरगुती उपचार!

Spread the love

थंडीपासून बचाव करण्यासाठी वापर-या जाणा-या गरम कपड्यांमुळे अंगाला खाज सुटणे सामान्य गोष्ट आहे. असं साधारणत: त्या लोकांसोबत होतं ज्यांची त्वचा रूक्ष व कोरडी (Home remedies for dry skin) असते. कारण या प्रकारची त्वचा खूप लवकर आपली नैसर्गिक आद्रता किंवा ओलावा गमावते. अशा परिस्थितीत लोकरीपासून बनवलेले उबदार कपडे घातल्याने त्वचेचा कोरडेपणा अधिकच वाढतो. ऋतूबदलामध्ये त्वचेची काळजी घेणे गरजेचे असते.

कारण सततच्या या ऋतूबदलांमुळे त्वचेचा पोत बदलतो. त्वचा खराब होते. अशावेळी त्वचेला काळजी व पोषणाची आ‍वश्यकता असते. आपण सतत हानिकारक रसायने, द्रव्यांचा मारा त्वचेवर करत असतो त्यामुळे त्वचेचं भयंकर नुकसान होतं. त्यामुळे बाजारातील कोणतेही प्रोडक्ट्स वापण्यापूर्वी तज्ज्ञांचा सल्ला जरुर घ्यावा! चला तर जाणून घेऊया हिवाळ्यात त्वचा कोरडी पडण्यापासून वाचवण्याचे व त्वचेतील आद्रता टिकवून ठेवण्याचे उपाय.

असा दूर करा त्वचेचा कोरडेपणा

सर्वात आधी त्वचेतील वाढता कोरडेपणा रोखण्यासाठी प्रयत्न करा. यासाठी हिवाळ्यात अंघोळीसाठी जास्त गरम पाण्याचा वापर करु नका. तर थंड व गरम पाणी एकत्र करुन पाण्याचं तापमान सामान्य ठेवा. जेव्हा त्वचा ओली असेल तेव्हा मॉईश्चराईजर लावा. आंघोळ केल्यानंतर नेहमी त्वचा हळूवार पुसून घ्या. त्वचेतील ओलावा कायम राहण्यासाठी आंघोळ केल्यावर तीन ते पाच मिनिटांच्या आत मॉईश्चराईजर लावा. चेहरा दिवसातून वारंवार धुणं टाळा. शक्य असल्यास फक्त रात्री चेहरा धुवा. ज्यामुळे चेहऱ्यावरील धूळ निघून जाऊन त्वचा कोरडीही पडणार नाही. ओठांसाठी चांगल्या व घरगुती लिपबामचा वापर करा. त्या लिपबाममध्ये पेट्रोलिअम जेली आणि मिनरल ऑईल असलं पाहिजे. थंडीच्या काळात बाहेरील थंडाव्यापासून बचाव करण्यासाठी चेहरा नेहमी स्कार्फने झाकून घ्या.

(वाचा :- Hip Fracture : लठ्ठ माणसांना झेलावा लागतो हिप फ्रॅक्चरचा त्रास! हिप फ्रॅक्चर म्हणजे काय?)

मोहरीच्या तेलाने करा मालिश

अंघोळीच्या आधी मोहरीच्या तेलाने मालिश केल्यास त्वचेवर कोरडेपणा किंवा रुक्षपणाची समस्या निर्माण होत नाही. तुम्ही इतर कोणत्याही तेलाचा वापर मालिश करण्यासाठी नक्कीच वापरु शकता. पण त्वचेवरील आद्रता टिकवून ठेवण्यासाठी मोहरीचे तेल उत्तम पर्याय मानला जातो. कारण त्यात त्वचेतील कोरडेपणा दूर करण्याचे नैसर्गिक गुणधर्म असतात. स्वयंपाकामध्येही मोहरीच्या तेलाचा वापर केला जातो. हे तेल केवळ आरोग्यासाठीच नव्हे तर त्वचा आणि केसांच्या देखभालीसाठीही लाभदायक असते. जर चेहरा निस्तेज व कोरडा दिसत असेल, तर हे तेल अतिशय प्रभावी ठरू शकते. त्याच प्रमाणे सुंदर, घनदाट, काळ्याभोर आणि मजबूत केसांसाठी या तेलाचा वापर करू शकता. तसंच बाजारात मिळणारे महागड्या आणि केमिकलयुक्त क्रीम, लोशन आणि शॅम्पू वापरण्याऐवजी आपल्या ब्युटी केअर रुटीनमध्ये मोहरीच्या तेलाचा वापर नक्की करावा.

(वाचा :- पराठा लव्हर्ससाठी बेस्ट आहे हा ऋतू, नाश्त्यात खा ‘हा’ पराठा आणि दिवसभर राहा एनर्जेटिक!)

उत्तम घरगुती मॉईश्चराईजर

नारळाचं दूध त्वचेत खोलवर मुरतं व त्वचेला पोषण देतं. नारळाच्या दुधामुळे बराच काळ त्वचेतील आर्द्रता टिकून राहते. दैनंदिन सकाळी त्वचेला नारळाचं दूध लावल्यास संध्याकाळपर्यंत त्वचेची आर्द्रता कायम राहते. नारळाच्या दुधाप्रमाणेच केळ देखील त्वचेसाठीही उपयुक्त आहे. केळ हे चांगल मॉईश्चराईजर आहे. केळात व्हिटॅमीन सी, ए, पॉटेशिअम, कॅल्शिअम, फॉस्फरस आणि कार्बोहायड्रेट्सचे असे भरपूर गुणधर्म असतात. जे आपल्याला कोरड्या त्वचेपासून मुक्ती तर देतातच शिवाय त्वचेचा अनेक प्रकारचे फायदेही पोहचवतात. वरील दोन्ही उपायांप्रमाणाचे कोरफड हे एक सुद्धा एक नैसर्गिक मॉईश्चराईजर आहे, जे त्वचेतील आर्द्रता कायम ठेवण्यास मदत करतं. कोरफड हे डेड स्कीन सेल्सना जीवित करुन त्वचा मुलायम करण्यास सहायक ठरतं. कोरफडातील अँटी ऑक्सिडंट गुणधर्म त्वचा कोरडी होण्यापासून बचाव करतात व त्वचेची नैसर्गिक चमकही कायम ठेवतात. मध हे खूपच चांगल क्लींजर आणि मॉईश्चराईजर आहे. याची विशेष बाब म्हणजे मधाच्या वापराने त्वचा कोमल आणि चमकदार होते. मधात गुलाब जल मिक्स करून हे मिश्रण चेहऱ्यावर लावा. काही वेळाने चेहरा कोमट पाण्याने धूवा.

(वाचा :- चहाव्यतिरिक्त असा करा आल्याचा वापर, आरोग्यास मिळतील अगणित लाभ!)

खाजेवर उपाय

रात्री झोपण्याआधी संपूर्ण शरीराला अ‍ॅलोव्हेरा जेल म्हणजे कोरफडीचा गर लावा. हे जेल तुम्ही अंडरआर्म्स मध्येही लावू शकता. कारण तिथली त्वचा खूपच संवेदनशील असल्यामुळे बहुतांश लोकांना लोकरीच्या कपड्यांमुळे अंडरआर्म्स मध्ये इचिंगची समस्या होते. अ‍ॅलोव्हेरा जेलमध्ये अ‍ॅटीफंगल गुणधर्म असतात व हे व्हिटॅमिन ‘ई’ ने परिपूर्ण असतं. हे दोन्ही घटक त्वचेसाठी लाभदायक असतात. हे लावल्याने ना त्वचा कोरडी पडते ना शरीरावर खाज सुटते.

(वाचा :- बहुतांश लोकांना माहितच नाही पेरूच्या पानांचा वापर करण्याची ‘ही’ योग्य पद्धत!)

इतर उपाय

हिवाळ्यात तहान कमी लागत असल्यामुळे आपण पाण्याचे सेवन कमी करतो. त्यामुळे शरीर व त्वचा हायड्रेटेड राहत नाही. त्यामुळे जास्तीत जास्त पाणी पिण्याचा प्रयत्न करा. शिवाय त्वचा कोरडी पडत असल्यास झोपण्यापूर्वी रात्री व सकाळी उठल्यावर त्वचेवर खोबरेल तेल लावावे. खोबरेल तेलातील स्निग्ध पदार्थांमुळे त्वचा मऊ व तजेलदार राहते. लिंबू सरबत, ताक या पेयांचे प्रमाण वाढवा. फळे, भाज्या, तृणधान्ये अशा पदार्थांचा आहारातील समावेश वाढवा.

(वाचा :- डोकेदुखीचा त्रास होतोय? मग त्यामागे असू शकतात ‘ही’ कारणं!)


Source link

You may also like...

Leave a Reply

Your email address will not be published. Required fields are marked *