कोरफड आणि हळदीचे मास्क चेहऱ्यासाठी आहे बेस्ट, त्वचेला मिळतील मोठे फायदे

Spread the love

सुंदर, डागविरहीत आणि सतेज चेहऱ्यासाठी तरुणी निरनिराळ्या प्रकारचे उपचार करतात. केमिकल असलेल्या महागड्या ब्युटी प्रोडक्टपासून ते घरगुती उपाय असे सर्व उपचार करून पाहिले जातात. यातील काही उपचारांमुळे त्वचेला फायदा होतो तर काहींमुळे नुकसानच अधिक होते. कारण प्रत्येक व्यक्तीच्या त्वचेचा प्रकार वेगळा असतो.

यामुळे इतरांचे ब्युटी प्रोडक्ट किंवा ब्युटी ट्रीटमेंट (Skin Care) तुमच्या त्वचेसाठी फायदेशीर ठरतीलच असे नाही. पण हळद आणि कोरफडीचा फेस पॅक सर्व प्रकारच्या त्वचेसाठी रामबाण उपाय आहे. या फेस पॅकमुळे त्वचेवरील सुरकुत्या, मुरुम आणि डागांची समस्या कमी होते. शिवाय चेहऱ्यावर नॅचरल ग्लो देखील येतो. कोरफड ( Aloe Vera Benefits) तसंच हळदीला आयुर्वेदामध्येही भरपूर महत्त्व आहे. यांचा औषध स्वरुपातही वापर केला जातो.

​फेस पॅक तयार करण्याची पद्धत

कोरफडीचा ताजा गर काढा आणि मिक्सरमध्ये वाटून घ्या. यामध्ये चिमूटभर हळद आणि एक चमचा लिंबू रस मिक्स करा. सर्व सामग्री एकत्र घ्या आणि चांगल्या प्रकारे फेस पॅक तयार करा. हे मास्क चेहऱ्यावर एक तासासाठी लावून ठेवा. तासाभरानंतर हातावर पाण्याचे काही थेंब घ्या आणि चेहऱ्याचा हलक्या हातानं मसाज करा. यानंतर थंड पाण्याने चेहरा स्वच्छ धुऊन घ्या. आठवड्यातून ४ वेळा हा उपाय करा. चेहऱ्यावरील डाग कमी होतील.

(ऐश्वर्या रायच्या सुंदर चेहऱ्याचं सीक्रेट, त्वचेसाठी वापरते सर्वात स्वस्त गोष्ट)

हळदीचे फायदे

हळदीमध्ये अँटी इन्फलेमेटरी आणि अँटी सेप्टिक गुणधर्म आहेत. कोणत्याही प्रकारच्या अ‍ॅलर्जीपासून हे घटक आपल्या त्वचेचं संरक्षण करतात. हळदीतील औषधी गुणधर्मामुळे सूर्याच्या हानिकारक किरणांपासून आपल्या त्वचेचं संरक्षण होतं. हळदीमुळे डार्क सर्कल, मुरुम आणि डागांची समस्या कमी होते. या फेस पॅकमुळे त्वचेतील ओलावा कायम टिकून राहतो. कोरडी त्वचा असणाऱ्यांनी हा उपाय नक्की करावा. यामुळे चेहऱ्याला नैसर्गिक स्वरुपातील मॉइश्चराइझर मिळते.

(Skin Care: त्वचेसाठी वरदान आहे हिंग, चेहरा उजळण्यास होऊ शकते मदत)

​कोरफडीचे फायदे

कोरफडमध्ये अँटी बॅक्टेरियल गुणधर्म आहेत, या घटकामुळे आपली त्वचा खोलवर स्वच्छ होण्यास मदत मिळते. यामुळे चेहऱ्यावरील मुरुम कमी होतात. मुरुम कमी झाल्यानंतर चेहरा स्वच्छ, सुंदर आणि प्रसन्न दिसतो. कोरफडमध्ये अमिनो अ‍ॅसिड देखील आहे, हे तत्त्व चेहरा मऊ ठेवण्याचे काम करतं. कोरफडीमुळे त्वचेवरील रोमछिद्रे देखील स्वच्छ आणि घट्ट होतात. पिगमेंटेशनच्या त्रासातून सुटका हवी असल्यास कोरफड जेलचा नियमित वापर करा. यामुळे तुमच्या त्वचेचा रंग देखील उजळण्यास मदत मिळेल.

(चेहरा,हातांचा काळेपणा दूर करण्यासाठी घरगुती उपाय, ५ मिनिटांत तयार करा ५ स्क्रब)

​कोरड्या त्वचेसाठी कच्ची हळद आणि मलई

काही जणांची त्वचा निसर्गतः कोरडी असते. हिवाळ्यामध्ये अशा लोकांना अधिक त्रास सहन करावा लागतो. कोरड्या त्वचेसाठी कच्ची हळद आणि मलईचा वापर करा. या फेस पॅकमुळे चेहऱ्यावरील मृत पेशींची समस्या कमी होते आणि त्वचा सतेज दिसू लागते. कच्ची हळदी किसून घ्या किंवा मिक्सरमध्ये वाटून त्याची पेस्ट तयार करा. यामध्ये मलई मिक्स करा. हे मिश्रण १४ मिनिटांसाठी चेहऱ्यावर लावून ठेवा.

(महागडे फेशिअल करण्याऐवजी वापरा भोपळ्याचं फेस मास्क, चेहऱ्यावर येईल तेज)

​तेलकट त्वचेसाठी रामबाण उपाय

कच्ची हळद आणि त्यामध्ये दोन चमचे गुलाब पाणी मिक्स करा. ही पेस्ट २० मिनिटांसाठी आपल्या चेहऱ्यावर लावा. यानंतर हलक्या हातानं चेहऱ्याचा मसाज करा. हा उपाय केल्यास तुम्हाला कोणत्याही ब्युटी प्रोडक्टची आवश्यकता भासणार नाही. आठवड्यातून तीन वेळा हा उपाय करा. तेलकट त्वचेच्या त्रासातून तुमची नक्कीच सुटका होईल. चेहऱ्यावरील डाग देखील कमी होतील.

(Skin Care रात्री झोपण्यापूर्वी अ‍ॅलोव्हेरा क्रीम लावा, चेहऱ्यावर दिसतील आश्चर्यकारक बदल)

​फेस पॅक लावण्यापूर्वी या गोष्टी लक्षात ठेवा

-फेस पॅक थेट चेहऱ्यावर लावण्यापूर्वी आपल्या हाताच्या त्वचेवर पॅच टेस्ट करून घ्या. जळजळ किंवा रॅशेज आल्यास फेस मास्क लावणे टाळा. तसंच कोणतेही उपाय करण्यापूर्वी आपल्या डॉक्टरांचा सल्ला घ्यावा.

-फेस पॅक लावण्यापूर्वी आपला चेहरा स्वच्छ धुऊन घ्या. फेस पॅक लावल्यानंतर घराबाहेर जाणे टाळा. चेहरा धुण्यासाठी शक्यतो थंड पाण्याचा वापर करावा. चेहरा स्वच्छ धुतल्यानंतर त्वचेला मॉइश्चराइझर लावावे.

(सफरचंदामुळे तुमच्या सौंदर्यामध्ये होईल वाढ,असे तयार करा घरगुती फेस पॅक)


Source link

You may also like...

Leave a Reply

Your email address will not be published. Required fields are marked *