कोरियन महिलांच्या सौंदर्याचे सीक्रेट माहीत आहे? नियमित या नॅचरल फेशिअल एसेंसचा करतात वापर

Spread the love

कोरियन महिलांना त्वचेशी संबंधित समस्यांचा सामना करावा लागत नाही, असे मुळीच नव्हे. किंवा त्या केवळ महागड्या ब्युटी प्रोडक्टचाच उपयोग करतात, असेही नव्हे. याउलट त्या ज्या-ज्या घरगुती उपचारांची मदत घेतात, त्या सर्व गोष्टी आपल्या भारतीय उपचारांशी बऱ्याच मिळत्याजुळत्या आहेत.

या लेखाद्वारे आपण त्वचेसाठी एक स्वस्त आणि मस्त नैसर्गिक उपाय जाणून घेणार आहोत. तज्ज्ञांचा सल्ला घेऊन महिला तसंच पुरुष देखील आपल्या स्किन केअर रुटीनमध्ये या नैसर्गिक उपचाराचा समावेश करू शकता.
(नैसर्गिकरित्या सौंदर्य खुलवण्यासाठी वापरा कडुलिंबाचा पाला, केस-त्वचा व दात होतील चमकदार)

​टोनर आणि सीरमपेक्षा वेगळा उपाय

  • फेशिअल एसेंस म्हणजे ‘स्किन टोनर’ किंवा ‘फेस सीरम’ असाच बहुतांश जणांचा समज होतो. पण यामध्ये टोनर अथवा सीरम या दोहोंचाही समावेश नाहीय. त्याऐवजी आपण यास एक प्रकारचा नैसर्गिक मेकअप बेस असे म्हणू शकता. ही नॅचरल पेस्ट चेहऱ्यावर लावल्यानंतर त्वचा अजिबात रगडू नये.
  • हलक्या हातानं चेहरा आणि मानेवर पेस्ट लावायची आहे, हे कायम लक्षात ठेवा. एखाद्या क्रीम किंवा सीरमच्या तुलनेत ही पेस्ट अतिशय मऊ असते. यामुळे आपली त्वचा यातील नैसर्गिक घटक सहजरित्या शोषून घेते. या पेस्टमधील घटक त्वचा हायड्रेट ठेवण्याचे कार्य करतात.

(Beauty Diet पौष्टिक व सौंदर्यवर्धक आहाराचे आठवड्यातून एकदा करा सेवन, त्वचा राहील तरुण आणि नितळ)

​फेशिअल एसेंस तयार करण्यासाठी लागणारी सामग्री

घरच्या घरी कोरियन फेशिअल एसेंस तयार करण्यासाठी लागणारी सामग्री जाणून घेऊया.

  • चांगल्या दर्जाचे नैसर्गिक तेल. यासाठी आपण ऑलिव्ह ऑइल, एरंडेल तेल किंवा बदामाच्या तेलाचा उपयोग करू शकता.
  • कोरफडीचा रस, हे तुम्हाला कोणत्याही आयुर्वेदिक स्टोअरमध्ये सहजरित्या मिळेल.
  • गुलाब पाणी आणि व्हेजिटेबल ग्लिसरीन
  • स्प्रे बॉटल

(Natural Skin Care महिनाभर गाजराच्या फेस पॅक असा करा वापर, चेहऱ्यावर येईल नॅचरल ग्लो)

​असे तयार करा फेशियल एसेंस

  • फेशियल एसेंस तयार करण्यासाठी स्प्रे बॉटलमध्ये अर्ध्याहून अधिक कोरफडीचा रस (८० ते ८५ टक्के प्रमाणात बॉटल भरा) घ्यावा.
  • आता एका वाटीमध्ये एक चमचा तेल, एक चमचा गुलाब पाणी आणि ग्लिसरीनचे काही थेंब एकत्र घ्या. सर्व सामग्री नीट एकजीव करा आणि यानंतर बॉटलमध्ये भरा.
  • भरलेली बॉटल आता योग्य पद्धतीनं हलवा म्हणजे आतील सर्व सामग्री नीट एकजीव होतील. तुमचे कोरियन फेशियल एसेंस तयार आहे. आपल्या आवश्यकतेनुसार या फेशियल एसेंसचा उपयोग करावा.

(Skin Care Tips चेहऱ्यावर येईल नॅचरल ग्लो, कॉफी आणि साखरेचा असा करा वापर)

​त्वचा उजळण्यासाठी आवश्यक

  • तुम्हाला चेहऱ्यावर नैसर्गिक चमक हवी असल्यास अधिकचे कष्ट न घेतला केवळ या फेशियल एसेंसचा उपयोग करू शकता. यातील नैसर्गिक घटकांमुळे त्वचेला खोलवर पोषण तत्त्वांचा पुरवठा होण्यास मदत मिळते.
  • कापसाच्या मदतीने हे मिश्रण आपल्या त्वचेवर लावा. हलक्या हाताने Dab करत राहा.
  • हवे असल्यास आपण हातावर फेशिअल एसेंसचे काही थेंब घेऊन मान आणि चेहऱ्यावर लावा.

(त्वचा सुंदर व तरूण राहण्यासाठी माधुरी दीक्षितनं सांगितले हे उपाय)

​आपल्या त्वचेनुसार तेलाची करा निवड

  • आपल्या त्वचेचा प्रकार आणि आवश्यकतेनुसारच तेलाची निवड करावी. तुमची त्वचा तेलकट असल्यास केवळ अर्धा चमचा बदामाचे तेल घ्यावे. त्वचा कोरडी असल्यास अ‍ॅव्होकाडो किंवा जोजोबा ऑइलचा उपयोग करावा.
  • जर तुमची त्वचा संमिश्र (कोरडी + तेलकट) असल्यास नारळाच्या तेलाचा उपयोग करावा. – कोणत्या तेलाची निवड करावी, यावरून तुमचा गोंधळ होत असल्यास डॉक्टरांचा सल्ला घ्यावा.

(तुळशीची पाने व दोन चमचे दूध, या नैसर्गिक उपचारामुळे तुमच्या त्वचेला मिळतील हे फायदे)

NOTE त्वचेशी संबंधित समस्या दूर करण्यासाठी सर्वप्रथम आपल्या ओळखीच्या डॉक्टरांचा सल्ला घ्यावा. तसंच दुसऱ्या कोणत्याही व्यक्तीचे स्किन केअर रुटीन फॉलो करू नये.


Source link

You may also like...

Leave a Reply

Your email address will not be published. Required fields are marked *