खास हिवाळ्यात खा ‘हे’ ६ प्रकारचे भजी, चटपटीत असण्यासोबतच पचनक्रियाही करतात सुरुळीत!

Spread the love

हिवाळा (winter) आणि पावसाळा (monsoon) हे दोन ऋतू असे आहेत की, ज्याचा आनंद भजी (bhajii or bajji) खाल्ल्याशिवाय अपूर्णच राहतो. पावसाळ्यात आपण मोजक्याच प्रकारचे भजी खाऊ शकतो पण हिवाळ्यात मात्र विविध प्रकारच्या भज्यांचा आपल्याला आस्वाद घेण्याची संधी असते. गरमा गरम, कुरकुरीत, खमंग भजी बघितले किंवा त्यांचा सुगंध जरी आला तरी आपल्या तोंडाला पाणी सुटल्याशिवाय राहत नाही.

गरमा गरम भजी आणि वाफाळलेला चहा (tea with pakora) यासारखं स्वर्गसुख देणारं दुसरं कोणतं समीकरण असूच शकत नाही. कांदा भजी व बटाटा भजी हे प्रकार तर आपल्या सर्वांनाच ठाऊक आहे. पण भज्यांमध्येही असे काही प्रकार आढळतात जे बनवायला सोपे आणि अतिशय चविष्ट असतात. शिवाय या भज्यांमुळे आरोग्यालाही फायदे होतात. आज आम्ही तुम्हाला त्या प्रकारच्या ६ भज्यांची माहिती देणार आहोत जे तुमचा हा हिवाळा अविस्मरणीय बनवू शकतात.

हिरव्या मेथीचे भजी

हिरवी मेथी किंवा मेथीच्या पानांचा सुंगध सर्वांनाच आपल्याकडे आकर्षिक करतो. बेसनच्या पीठात घोळून तळलेले मेथीचे भजी आणि गरमा गरम वाफाळलेला चहा थंडीत काही औरच मजा देऊन जातो. मेथी मध्ये उष्ण गुणधर्म दडलेले असतात जे हिवाळ्यात थंड पडणा-या शरीराला ऊब प्रदान करतात व आतून उष्ण ठेवतात. त्यामुळे सकाळी किंवा संध्याकाळच्या नाश्त्यात तुम्ही या मेथी भज्यांचा आस्वाद नक्की घेऊ शकता.

(वाचा :- ६६ वर्षीय रेखाच्या मनमोहक सौंदर्य व फिटनेसचे ‘हे’ आहे रहस्य!)

पालकचे भजी

मन तृप्त करणा-या पदार्थांपैकी एक असतात पालकचे भजी. एकदम बारीक चिरलेल्या हिरव्या मिरचीसोबत तयाक केले जाणारे चटपटीत पालकचे भजी दुपारच्या जेवणात किंवा स्नॅक्समध्ये खाल्ल गेले तर दिवस बनतो. हिरवी मिरची आणि पालक दोन्हीही घटक शरीरासाठी अत्यंत पोषक व लाभदायक असतात. पालक शरीरातील रक्त शुद्धीकरणास व हिमोग्लोबिनची पातळी व्यवस्थित ठेवण्यास मदत करते. तर हिरवी मिरची पचनक्रिया सुरुळीत ठेऊन पोट साफ करण्यास मदतशील असते.

(वाचा :- वजन कमी करायचं आहे? मग फॉलो करा या बेसिक टिप्स!)

अळूच्या पानांचे भजी

अळूच्या पानांचे भजी बनवण्याची पाककृती जरा इतर प्रकारच्या भज्यांच्या तुलनेत वेगळी असते. बाकी सर्व प्रकारातील भजी बनवण्यासाठी त्या भाजीचे पाने बेसनमध्ये घोळवून तेलात तळली जातात. पण अळूच्या पानांची भजी बनवण्यासाठी बेसन पिठात मीठ, तेल, लाल तिखट मसाला मिसळून ते पानांच्या मध्ये घातलं जातं. पानांची सुरळी करुन त्याला वरुन धागा बांधला जातो आणि ते तेलात तळले जातात.

(वाचा :- नाश्त्यात केलं ‘या’ ७ पदार्थांपैकी एका जरी पदार्थाचं सेवन तर लठ्ठपणा होईल आपोआप कमी!)

फ्लावरचे भजी

बटाटा-फ्लावरच्या भाजीविना जणू काही थंडीची मजाच अपूर्ण राहते. तसंच फ्लावरचे भजी देखील थंडीच्या महिन्यात अगदी चवीने खाल्ले जाऊ शकतात. फ्लावर पचनास अतिशय हलके व सुपाच्य असतात. फ्लावरचे भजी चवीस आणि आरोग्याय दोन्हीसाठी उत्तम असतात.

  • फ्लावर भजीसाठी लागणारे साहित्य – 200 ग्राम फ्लॉवरचे तुकडे, 1 टेबलस्पून आलं लसूण पेस्ट, 1/2 टेबलस्पून लाल तिखट, 1/2 टेबलस्पून मीठ, 1/2 टीस्पून ओवा, चिमटभर खायचा सोडा, 1/2 वाटी बेसन पीठ, कोथिंबीर, तळणीसाठी तेल
  • कृती – फ्लावरचे लहान लहान तुकडे सर्वप्रथम हळद मीठाच्या गरम पाण्यात भिजवून ठेवावेत. एका पॅनमध्ये आल लसूण पेस्ट घ्यावी. बेसन पिठ,लाल तिखट, मीठ, ओवा घालून घ्यावा.आता पाणी घालून गुठळ्या होणार नाही असे हलवून पिठ भिजवून घ्यावे. नंतर फ्लॉवरचे तुरे आणखी एकदा धूवून घ्यावेत आणि पिठात घालावेत. तेल गरम करून त्यात भजी सोडावेत. गरमा गरम तयार पकोडे साॅस व चहासोबत सर्व्ह करावेत.

(वाचा :- चटपटीत व चविष्ट असण्यासोबतच आरोग्यास अगणित लाभ देते ‘ही’ पालेभाजी! नक्की खाऊन बघा)

कांदा भजी

कांदा भजी माहित नाही किंवा खाल्ले नाहीत असा माणूस शोधून कुठे सापडणार नाही. ब-याच जणांचे कांदा भजी आवडते असतात कारण ते झटपट बनतात व कमी वेळात जिभेचे चोचले पुरवणारा एक उत्तम पर्याय मानले जातात. ऋतू कोणताही असो हिवाळा, पावसाळा किंवा मग उन्हाळा, निवांत क्षण अजून सुंदर बनवण्यासाठी कांदा भजीचा आस्वाद तुम्ही घेऊ शकता. कांदा शरीराची रोगप्रतिकारक शक्ती वाढवण्याचे काम करतो. तसंच कांदा भजी पचनक्रिया सुरूळीत बनवून सर्दी-पडसं, ताप अशा आजारांना शरीरापासून दूर ठेवतात.

(वाचा :- Jaggery Benefits In Winter : थंडीच्या दिवसांत गुळ खाल्ल्याने ‘हे’ आजार होतात दूर!)

मुगाच्या डाळीचे भजी

मुगाची डाळ आरोग्यदायी व सुपाच्य असते. काही तास भिजवून ठेवलेल्या डाळ वाटून त्याची बारीक पेस्ट केली जाते. या पेस्टमध्ये मीठ, लाल तिखट, मसाले मिसळून त्याचे भजी बनवले जातात. रोज रोजचा नाश्ता खाऊन किंवा गोड खाऊन खाऊन कंटाळला असाल तर मुग डाळीचे पौष्टिक भजी हा एक मस्त पर्याय ठरु शकतो. हे सर्व भजी हिरवी चटणी, सॉस किंवा चहासोबत खाल्ले जाऊ शकतात.

(वाचा :- थंडीच्या महिन्यात वाटाणे खाताय? मग जाणून घ्या ‘ही’ माहिती!)


Source link

You may also like...

Leave a Reply

Your email address will not be published. Required fields are marked *