गॅसच्या समस्येमुळे त्रस्त आहात? आरोग्यासाठी या ६ गोष्टी खाणं बंद करणं गरजेचं

Spread the love

पोटात गॅस होण्याची समस्या आता अतिशय सामान्य आहे. वयोवृद्धांमध्ये ही समस्या जास्त आढळून येते. कारण वयोमानानुसार पचन प्रक्रिया मंदावत जाते. पण हल्ली बदलती जीवनशैली, धावपळीचे आयुष्य, वेळी अवेळी खाणे, ताणतणाव यामुळे तरुणवर्ग देखील गॅस तसंच अपचनाच्या समस्येमुळे त्रस्त असतात. शरीराच्या अन्य क्रिया सुरळीत सुरू राहण्यासाठी पचन प्रक्रिया योग्यरित्या पार पडणे आवश्यक आहे. कारण निरोगी आरोग्यासाठी शरीरातील विषारी पदार्थ बाहेर फेकले जाणे गरजेचं आहे. अन्यथा वजन वाढीसह अन्य समस्याही उद्भवण्याची शक्यता असते.

पोटाच्या तक्रारीमुळे बहुतांश लोक का असतात त्रस्त?

खाण्यापिण्याच्या चुकीच्या सवयीमुळे पोटाशी संबंधित तक्रारी उद्भवतात. आपल्या आरोग्यानुसार नेमके काय खाल्ले पाहिजे आणि काय खाणे टाळले पाहिजे? याबाबत बहुतांश लोकांना योग्य माहिती नसते. काही जणांना वेगवेगळे पदार्थांचा आस्वाद घ्यायला अतिशय आवडतं. खवय्येगिरीमुळे आरोग्याकडे दुर्लक्ष केले जाते आणि यामुळे विपरित परिणाम होण्याची शक्यता असते.

​या ६ गोष्टी खाणे टाळा

ज्या लोकांना वारंवार गॅस, अपचन यासारख्या समस्यांचा सामना करावा लागतो. त्यांनी आहारातून काही भाज्या, डाळी वर्ज्य करणं आवश्यक आहे. जे पदार्थ खाल्ल्याने गॅसचा त्रास होऊ शकतो, अशा गोष्टी खाणे कटाक्षाने टाळले पाहिजे. अशाच काही अन्नपदार्थांची नावे आम्ही तुम्हाला सांगणार आहोत, ज्यामुळे गॅसची समस्या निर्माण होऊ शकते.

(पोट, ओटीपोटावरील चरबी व कंबरदुखीपासून हवीय सुटका? करा त्रिकोणासनाचा सराव)

​फणस

फणसाची भाजी प्रचंड स्वादिष्ट असते. फणसामध्ये आरोग्यास पोषक असणाऱ्या घटकांचा भरपूर प्रमाणात साठा आहे. पण ज्या लोकांना गॅसची समस्या आहे त्यांनी फणसाची भाजी खाणे टाळलं पाहिजे. कारण शरीरात वायू (Gas) तयार होण्याच्या प्रक्रियेस उत्तेजित करणारे घटक फणसामध्ये आहेत.

(Weight Loss Story या व्यक्तीचे वजन होते १०२Kg, असं घटवलं १२Kg वजन)

​अळू

अळूच्या वेगवेगळ्या स्वरुपात पाककृती तयार केल्या जातात. अळू वडी, अळूची भाजी इत्यादी. पण या स्वादिष्ट भाजीमुळे पोटात गॅस होऊ शकतो. कारण या भाजीमध्ये वायू वर्धक गुणधर्म आहेत. म्हणूनच ज्यांना गॅस आणि बद्धकोष्ठतेचा त्रास आहे, त्यांनी अळूच्या भाजीचे कमी प्रमाणात सेवन करावे. शिवाय, अळूच्या भाजीमध्ये ओव्याचा वापर करावा. यामुळे गॅस आणि पोटदुखीचा त्रास होत नाही.

(Neck Pain Exercise मानदुखी टाळण्यासाठी करा या ५ गोष्टी)

छोले

छोले हा बहुतांश लोकांच्या आवडीचा पदार्थ आहे. पण बद्धकोष्ठता किंवा ज्यांची पचन प्रक्रिया धिम्या गतीने होत असल्यास आहारातून छोले वर्ज्य करावे. अशा लोकांनी छोले- भात, छोले- पुरी यासारख्या पदार्थांचं कमीत कमी सेवन करावे.

(शांत झोप हवीय? मग या ७ गोष्टी कायम ठेवा लक्षात)

मुळा

मुळा ही हिवाळ्याच्या दिवसांमध्येच उपलब्ध होणारी भाजी आहे. पण हल्ली सर्व हंगामामध्ये सर्व प्रकारच्या भाज्या आणि फळे पाकिटबंद स्वरुपात उपलब्ध असतात. आरोग्याच्या समस्या उद्भवू नये, यासाठी ऋतुनुसारच भाज्या- फळांचे सेवन करावे. जी लोक गॅसच्या समस्येमुळे त्रस्त असतात, त्यांनी सीझन नसताना मुळा खाणे टाळावे. तसंच हिवाळ्यामध्ये मुळ्याचे सॅलेड, भाजी किंवा पराठा खाणार असाल तर मर्यादित प्रमाणातच सेवन करावे. यानंतर ओव्याचे पाणी प्यावे किंवा पुदिन्याची चार ते पाच पाने खावीत. यामुळे गॅसची समस्या होणार नाही.

(Health Care Tips मुतखडा (किडनी स्टोन) : वेळीच उपचार आवश्यक)

​चणे

येथे भाजलेल्या किंवा शिजवलेल्या चण्याबद्दलची माहिती आम्ही तुम्हाला देत नाहीय. काही घरांमध्ये सकाळच्या किंवा संध्याकाळच्या नाश्त्यामध्ये चटपटीत चण्याची रेसिपी तयार केली जाते किंवा मोड आलेले चणे देखील खाल्ले जातात. गॅसची समस्या असल्यास मोड आलेले चणे खाण्याऐवजी मोड आलेले मूग खाल्ल्यास आरोग्यास अपाय होणार नाही.

(Pudina Chutney Benefits पुदिना खाण्याचे ६ आरोग्यदायी फायदे)

​राजमा

राजमा आणि भात ही डिश आपल्या देशात अतिशय लोकप्रिय आहे. पण पोटाशी संबंधित समस्या असणाऱ्यांनी राजमा खाणे टाळल्यास उत्तम. गॅस होऊ नये, यासाठी खाण्यापिण्याच्या सवयींवर नियंत्रण आणणे आवश्यक आहे. राजमा शरीरामध्ये वायू वाढवण्याचे काम करतो. यामुळे अपचन, शरीर जड होणे, बद्धकोष्ठतेचाही त्रास होऊ शकतो.

(Fox Nuts Benefits वजन घटवण्यापासून ते त्वचा निरोगी राहण्यापर्यंत मखाण्यांमुळे मिळतील हे लाभ)

Note : तुम्हाला आपल्या डाएटमध्ये बदल करायचे असल्यास त्यापूर्वी डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *