गेल्या चार वर्षांपासून आमिर खानची मुलगी आहे डिप्रेशनमध्ये, ‘ही’ असतात तरूण मुलांमधील डिप्रशनची लक्षणे!

Spread the love

‘वर्ल्ड मेंटल हेल्थ दिनी’ (World mental health day) अभिनेता आमिर खानची (amir khan) मुलगी इरा खान (ira khan) हिने एक व्हिडीओ पोस्ट करत संपूर्ण जगासमोर कबुली दिली की ती डिप्रेशन मध्ये (mental depression)आहे. तिचे वय अवघे 23 असून ती गेल्या 4 वर्षांपासूम डिप्रेशनचे हाल भोगत आहे. वडील आमिर खान याला सुद्धा ही गोष्ट माहीत असून तिला डिप्रेशन मधून बाहेर काढण्यासाठी तो प्रयत्न करत आहे.

पण का एवढया लहान वयात मुले डिप्रेशनमध्ये जातात? अशा काय गोष्टी आहेत ज्या खेळण्या बागडण्याच्या वयात त्यांचे आयुष्य उध्वस्त करतात. याला अनेक कारणे आहेत. प्रत्येक मुलाच्या डिप्रेशन मध्ये जाण्याचे कारण वेगवेगळे असू शकते. पण मुले जेव्हा डिप्रेशनच्या स्टेजमध्ये प्रवेश करत असतात तेव्हा त्यांचात अनेक बदल दिसून येतात. हे बदल ओळखता आले तर पालकांना लगेच समजू शकते की त्यांचा मुलगा किंवा मुलगी डिप्रेशन मध्ये आहे.

डिप्रेशन म्हणजे काय?

डिप्रेशन ही एक मानसिक स्थिती आहे ज्यामध्ये व्यक्तीला अतिशय वाईट वाटते, उदास वाटते, कोणतेही काम करण्याची इच्छा होत नाही. अजूनही अनेक असे निराश पैलू या समस्येचे आहेत. ही जरी मानसिक समस्या असली तरी या हा परिणाम शरीरावर सुध्दा होतो. ही समस्या कोणत्याही व्यक्तीला होऊ शकते. माणूस एकदा का यात अडकला की त्यातून तो बाहेर येणे कठीण असते. अशावेळी मानसिक आधारच त्या व्यक्तीला सांभाळू शकतो. मात्र डिप्रेशन हे पूर्णपणे कधी बरे होत नाही. एक छोटीशी गोष्ट सुद्धा त्या व्यक्तीला पुन्हा डिप्रेशन मध्ये टाकून स्वतःचे आयुष्य संपवण्या पर्यंत प्रवृत्त करू शकते.

(वाचा :- सणांदरम्यान मुलांची रोगप्रतिकारक शक्ती वाढवण्यासाठी न्‍यूट्रिशनिस्‍टने दिल्या साध्यासोप्या टिप्स!)

डिप्रेशनची लक्षणे

जर तुमचा मुलगा डिप्रेशनमध्ये असेल तर तुम्ही लगेच ते ओळखू शकता. सतत दुःखी राहणे, लहान सहन गोष्टींवरून चिडणे, थकवा, निरुत्साह, गोष्टी विसरणे यांसारखे बदल तुम्हाला दिसू शकतात. याशिवाय जास्त कोणाशी न बोलणे, जास्त न जेवणे, अंगात कमक ताकद यासारख्या गोष्टी डिप्रेशनची लक्षणे असतात. जर तुम्हाला तुमच्या मुलात अशी लक्षणे दिसली वा तो आजवर कधी वागला नाही तसा वागू लागला तर त्वरित धोका ओळखून डॉक्टरांचा सल्ला घ्यावा आणि त्याला या स्थितीतून बाहेर काढण्यासाठी सर्व प्रयत्न करावेत.

(वाचा :- Navratri : वजन वाढवण्यासोबत मुलांना सुदृढही बनवायचं आहे? मग खाऊ घाला साबुदाण्याचा ‘हा’ पदार्थ!)

डिप्रेशनची कारणे

जेनेटिक्स सुद्धा डिप्रेशनमध्ये माणसाला ढकलू शकतात हे आता सिद्ध झाले आहे. जर भाऊ किंवा बहिण डिप्रेशनला बळी पडले असतील तर दुसरे मुल सुद्धा डिप्रेशन मध्ये जाऊ शकते. मेंदूतील काही हार्मोन्स असंतुलनामुळे आणि काही रसायनांमुळे सुद्धा डिप्रेशन येऊ शकते. काही जणांचा मूड वातावरणा नुसार बदलत जातो. जर वातावरण मळभ असेल तर त्यांचा मूड निराश होतो. शरीरात एखादया पोषक तत्वाची कमी निर्माण झाल्यास सुद्धा डिप्रेशन येऊ शकते. एक सर्वेक्षणात हे दिसून आले आहे की पुरुषांपेक्षा स्त्रियांमध्ये डिप्रेशनचे प्रमाण अधिक असते.

(वाचा :- मुलांना मॅगीऐवजी खाऊ घाला ‘हे’ पौष्टिक व टेस्टी पदार्थ, मिळतील दुप्पट पोषक तत्वे!)

मुलांना समजून घेणे

जेव्हा तुमच्या लक्षात येईल की तुमचे मुल डिप्रेशन मध्ये आहे तेव्हा तो लगेच त्या स्थितीतून बाहेर येईल अशी आशा करू नका. तटाला त्याचा वेळ द्या, त्याच्यावर दबाव टाकू नका. अनेकदा पालक मुल डिप्रेशन मध्ये असल्याचे कळताच स्वतःच हात पाय गाळून बसतात. पण अशावेळी त्यांनी खंबीर होऊन परिस्थिती हाताळायला हवी. मुलाच्या कलाकलानं घ्यायला हवं. अशावेळी मुलाला मानसिक आधार हवा असतो आणि तो आधार पालक योग्यप्रकारे देऊ शकतात.

(वाचा :- झोपेत असताना बाळ सतत का हसतं?)

चांगला आहार

चांगला आहार हा मुलावर सकारात्मक प्रभाव पाडू शकतो. चांगलं खाल्ल्याने मनुष्य चांगलं फील करतो. त्यामुळे त्याला भरपेट आणि चांगलं खायला द्या आणि खुश ठेवा. त्याच्या आवडीचे पदार्थ बनवा. पण अशा स्थितीत शक्य तितके पौष्टिक पदार्थच मुलाला खाऊ घालावे. जर त्याची शारीरिक स्थिती उत्तम राहीली तर मानसिक स्थिती सुद्धा उत्तम राहील. पालकांनी डिप्रेशन मध्ये असणाऱ्या मुलाला शक्य तितके आनंदी ठेवावे.

(वाचा :- ऐश्वर्या राय व करीना कपूरने दिल्या वर्किंग मदर्सना Parenting Tips)


Source link

You may also like...

Leave a Reply

Your email address will not be published. Required fields are marked *