गोड पदार्थांवर ताव मारल्यानंतर शरीर डिटॉक्स कसे करायचं? जाणून घ्या आहारतज्ज्ञांनी दिलेली फायदेशीर माहिती

Spread the love

सणासुदीचा काळ म्हणजे गोडधोड पदार्थांची रेलचेल असते. त्याला पंचपक्वान्नांचीही जोड असते. सणासुदीच्या काळात गोड पदार्थांवर ताव मारला नाही तर नवलच! अगदी डाएटही बाजूला ठेवलं जातं. पण, उत्सवाचा काळ सरला की फिटनेसची चिंता सतावते. लगेच पूर्वीचं डाएट फॉलो केलं जातं. अशा वेळी शरीर डिटॉक्सिफाय करणं गरजेचं आहे. शरीर डिटॉक्सिफाय करण्यासाठी काय केलं पाहिजे हे जाणून घेऊ या.

पाणी प्या भरपूर
गेल्या काही दिवसात अनेकांनी गोडधोडावर मनसोक्त ताव मारला आहे. त्यामुळे वजन वाढलं असण्याची शक्यता नाकारता येत नाही. त्यात रोजच्यापेक्षा शरीराची हालचाल कमी झाली असल्याने कॅलरीज बर्न होण्यास वाव मिळत नाही. त्यामुळे गोड पदार्थ डिटॉक्सिफाय करताना सर्वात महत्त्वाची गोष्ट म्हणजे पाण्याचं प्रमाण वाढवण्यावर भर द्या. योग्य आणि मुबलक प्रमाणत पाणी प्यायल्याने शरीर डिटॉक्सिफाय होण्यास मदत होते.

​प्रथिनंयुक्त आहार घ्या

शरीर डिटॉक्सिफाय करताना तुम्ही काय खात आहात यावर लक्ष देणं अत्यंत गजरेच आहे. आहारात प्रथिनंयुक्त पदार्थांचा समावेश करा. प्रथिनंयुक्त म्हणजे पनीर आणि प्रोटीन शेक या गोष्टींचा समावेश नाही तर सलाड खाण्यावर भर द्या. कडधान्यं ही फायबर आणि प्रथिनांचं उत्तम स्रोत असतात. त्याचा देखील तुमच्या आहारात समावेश करून घ्या. तुम्हाला जर कच्ची कडधान्यं खायला आवडत नसतील तर ती वाफवून त्यात टोमॅटो आणि कोथिंबीर घालून देखील खाऊ शकता.

(अपचनामुळे त्रस्त आहात? समस्या दूर करण्यासाठी वाचा ही फायद्याची माहिती)

फळं-भाज्यांचा समावेश असावा

जास्तीत जास्त फळं आणि हिरव्या पालेभाज्या खा. तुम्ही भाज्या शिजवून किंवा वाफवून त्यावर मीठ घालून त्याचा आहारात समावेश करू शकता. गेल्या काही दिवसात उत्सवाच्या निमित्तानं गोडधोड मोठ्या प्रमाणात खाल्लं गेलं. त्यामुळे नंतरही गोड खाण्याची इच्छा होऊ शकते. अशा वेळी मिठाई खाण्याऐवजी फळं खाण्यावर भर द्या. सफरचंद, पपई, डाळिंब अशा विविध फळांच्या फोडी करुन त्यावर जिरेपूड घालून खा. पण, बाजारात उपलब्ध असणारे पाकीटबंद फळांचे रस किंवा कोल्ड ड्रिंक्सच सेवन करणं टाळा.

(Health Care शरीर फिट ठेवण्यासाठी करा या ७ महत्त्वाच्या गोष्टी)

​व्यायामावर भर द्या

गणेशोत्सावाच्या निमित्ताने तुम्ही व्यायामाकडे दुर्लक्ष केलं असणार यात काही नवल नाही. तर आता परत व्यायाम करण्यास सुरुवात करा. मुख्य म्हणजे ब्रेक नंतर पुन्हा व्यायाम करण्यास सुरुवात करताना आधी जेवढा व्यायाम करत होता तेवढाच व्यायाम करा. तसंच तुमच्या शरीराला ज्या व्यायाम प्रकारांची सवय आहे तेच करण्यावर भर द्या. कॅलरीज बर्न करायच्या आहेत म्हणून कोणतेही नवीन व्यायाम प्रकार करून बघू नका. स्नायूंना कोणत्याही प्रकारची हानी पोहोचणार नाही याकडे लक्ष द्या. जास्त प्रमाणात गोडधोड खाल्ल्यानं सगळ्या कॅलरीज एकदम बर्न करण्याचा विचार करत असाल तर ते चुकीचं आहे.

(Pudina Benefits पुदिना खाण्याचे ६ आरोग्यदायी फायदे)

ग्रीन टीचा पर्याय

ग्रीन टी हे नैसर्गिक फॅट बर्नर असल्यानं त्यात भरपूर अँटी ऑक्सिडंट्स असतात. त्यामुळे शरीराचं डिटॉक्सिफिकेशन करण्यात ग्रीन टी मोलाची भूमिका बजावतो. मुख्य म्हणजे ग्रीन टीचं सेवन करताना कोणत्याही फ्लेवरपेक्षा साध्या चवीचा ग्रीन टी घेण्यावर भर द्या. तसंच त्यात साखर किंवा मध घालणं टाळा. तुम्ही त्यात आलं, लवंग आणि पुदिन्याची पानं घालू शकता.

(नाश्त्यामध्ये काय खाताय? हे ५ तेलकट फास्ट फूड आरोग्यास हानिकारक)

​अपचनाचा त्रास होत असल्यास…

सलग आठ- दहा दिवस गोड आणि तळलेले पदार्थ खाल्ले असल्याने नंतर काही काळ गोड पदार्थ खावेसे वाटणं अगदीच स्वाभाविक आहे. पण, एखादा पदार्थ जास्त प्रमाणात खाल्ल्यानं ठरावीक काळानंतर अॅसिडिटी किंवा अपचन होण्याची शक्यता नाकारता येत नाही. उत्सवाच्या काळात अनेकांचं फिटनेसकडे दुर्लक्ष झालं. पाणीही कमी प्रमाणात प्यायलं गेलं. त्यामुळे अपचनाचा त्रास होण्याची शक्यता नाकारता येत नाही. म्हणून पचनक्रिया सुरळीत पार पडण्यासाठी भरपूर पाणी पिणं आवश्यक आहे.

(OCD ओसीडी म्हणजे काय? काय आहेत या आजाराची लक्षणे)

​नियंत्रण आवश्यक

आठवडाभर गोडपदार्थांवर ताव मारत असल्यानं शरीराला त्याची सवय झालेली असणार. पण, नंतरही गोड पदार्थ खावेसे वाटू शकतात. अशा वेळी नियंत्रण ठेवणं गरजेचं आहे.

शब्दांकन- वेदांगी काण्णव, मुंबई विद्यापीठ

(कमरेवरील चरबी घटवण्यासह शरीर डिटॉक्स करण्यापर्यंत, खूप लाभदायक आहे अ‍ॅपल सायडर व्हिनेगर)


Source link

You may also like...

Leave a Reply

Your email address will not be published. Required fields are marked *