घरच्या घरी या ६ नैसर्गिक सामग्रींपासून तयार करा फेस पॅक, संमिश्र त्वचा होईल तजेलदार व चमकदार

Spread the love

त्वचेवर कोणतेही ब्युटी प्रोडक्ट लावण्यापूर्वी आपल्याला त्वचेचा प्रकार माहिती असणं आवश्यक आहे. तेलकट आणि कोरड्या त्वचेच्या समस्या पटकन लक्षात येतात. पण कॉम्बिनेशन म्हणजे संमिश्र त्वचेचा प्रकार ओळखणं कठीण असते. चेहऱ्याचा टी- झोन म्हणजे कपाळ, हनुवटी आणि नाकाची त्वचा तेलकट व अन्य भाग कोरडा असल्यास आपली त्वचा संमिश्र प्रकारामध्ये मोडते, हे लक्षात घ्यावे.

संमिश्र त्वचा प्रकारासाठी आपण घरच्या घरी नॅचरल फेस पॅक तयार करू शकतो. यामुळे त्वचेला खोलवर पोषण तत्त्वांचा पुरवठ होण्यास मदत मिळेल. ज्यामुळे चेहऱ्यावर नॅचरल ग्लो देखील येईल. जाणून घेऊया घरगुती फेस पॅक तयार करण्याची साधीसोपी पद्धत…

​अंडे आणि ऑलिव्ह ऑइल

अंड्यातील पांढरा भाग चेहऱ्याच्या टी झोनवरील अतिरिक्त तेल स्वच्छ करण्यास आणि रोमछिद्रांचा आकार कमी करण्याचे कार्य करतो. तर ऑलिव्ह ऑइल कोरडी त्वचा हायड्रेट ठेवण्याचे कार्य करतं. हे फेस पॅक तयार करण्यासाठी एका अंड्याचा पांढरा भाग आणि दोन मोठे चमचे ऑलिव्ह ऑइल एकत्र घ्या. हे मिश्रण चेहऱ्यावर लावा. पॅक सुकल्यानंतर थंड पाण्याने चेहरा स्वच्छ धुऊन घ्या. त्वचेवर मॉइश्चराइझर देखील लावा. निरोगी त्वचेसाठी आठवड्यातून एकदा हा उपाय करावा.

(क्रीम-लोशनची गरज भासणार नाही, सतेज त्वचेसाठी जाणून घ्या आयुर्वेदिक ब्युटी टिप्‍स)

​मध

मध हे एक नैसर्गिक मॉइश्चराइझर आहे. आयुर्वेदामध्येही मधाला भरपूर महत्त्व आहे. मधामुळे आपल्या त्वचेतील ओलावा टिकून राहण्यास मदत मिळते. यातील औषधी गुणधर्म सर्व प्रकारच्या त्वचेसाठी लाभदायक आहेत. चेहरा स्वच्छ धुऊन घ्या. यानंतर १५ मिनिटांसाठी मध आपल्या चेहऱ्यावर लावा. यानंतर थंड पाण्याने चेहरा स्वच्छ धुऊन घ्या. आठवड्यातून दोनदा हा उपाय आपण करू शकता.

(नितळ व डागविरहित त्वचेसाठी रात्री चेहऱ्यावर अशा पद्धतीने लावा कोरफड जेल)

​स्ट्रॉबेरी आणि दही

कॉम्बिनेशन स्किनसाठी दोन्ही सामग्री अतिशय प्रभावी आहेत. स्ट्रॉबेरीमध्ये व्हिटॅमिन सीची मात्रा भरपूर असते. तर दह्यामध्ये लॅक्टिक अ‍ॅसिड भरपूर असते. हे दोन्ही घटक आपल्या त्वचेच्या आरोग्यासाठी पोषक आहेत. या फेस पॅकमुळे मुरुम, मुरुमांचे डाग आणि टॅनिंगची समस्या दूर होण्यास मदत मिळेल. ज्यामुळे त्वचेवर नैसर्गिक तेज येईल. फेस पॅक तयार करण्यासाठी तीन ते चार स्ट्रॉबेरी आणि अर्धा कप दही एकत्र घ्या. जाडसर पेस्ट तयार करा. २० मिनिटांसाठी लेप चेहऱ्यावर लावा. यानंतर थंड पाण्यानं त्वचा स्वच्छ करावी.

(चेहऱ्याची त्वचा अशी डिटॉक्स करते अनुष्का शर्मा, तजेलदार त्वचेसाठी असं फॉलो केलं जातं रुटीन)

​संत्र्याची पावडर आणि दही

संत्र्याच्या पावडरमध्ये एक चमचा दही मिक्स करा. मिश्रणाची जाडसर पेस्ट तयार करा. लेप ब्रश किंवा हाताने मान आणि चेहऱ्यावर लावा. २० मिनिटांनतर चेहरा पाण्याने स्वच्छ धुऊन घ्यावा. या लेपातील पोषण तत्त्व आपल्या चेहऱ्यावरील दुर्गंध, धूळ, मातीचे कण स्वच्छ करण्याचे कार्य करतात. यामुळे त्वचा चमकदार दिसू लागते.

(Body Massage हिवाळ्यात शरीराचा मसाज केल्यानं मिळतात हे ५ मोठे आरोग्यदायी लाभ)

​काकडी आणि गुलाब पाणी

सर्व प्रकारच्या त्वचेसाठी रामबाण उपाय म्हणजे काकडी. काकडी मिक्समध्ये वाटून पेस्ट तयार करा. यामध्ये तीन छोटे चमचे गुलाब पाणी मिक्स करा. हे पॅक चेहरा आणि मानेवर लावा. २० मिनिटांनंतर थंड पाण्याने चेहरा स्वच्छ धुऊन घ्यावा. त्वचेचा कोरडेपणा दूर करण्यासाठी आठवड्यातून दोनदा हा उपाय करावा.

(Almonds Skincare बदामामुळे कोरड्या त्वचेपासून होईल सुटका, जाणून घ्या योग्य पद्धत)

​मध, दही आणि गुलाब पाणी

मध, दही आणि गुलाब पाणी समसमान मात्रेत ( एक मोठा चमचा) एकत्र घ्या व पेस्ट तयार करा. ही पेस्ट चेहऱ्यावर १५ ते २० मिनिटांसाठी चेहऱ्यावर लावा. लेप सुकल्यानंतर थंड पाण्याने चेहरा स्वच्छ धुऊन घ्यावा. मध आणि दह्यामुळे त्वचेला थंडावा मिळतो.

(ग्लुटाथिओनमुळे चेहऱ्याचीच नव्हे तर संपूर्ण शरीराची त्वचा उजळते, जाणून घ्या तज्ज्ञांनी दिलेली ही माहिती)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घ्यावा आणि दुसऱ्या व्यक्तीचे स्किन केअर रुटीन फॉलो करू नये.


Source link

You may also like...

Leave a Reply

Your email address will not be published. Required fields are marked *