घरच्या घरी या ६ सामग्रींपासून कसं तयार करावं बॉडी पॉलिशिंग स्क्रब, जाणून घ्या माहिती

Spread the love

​बॉडी पॉलिशिंग : सामग्री-

घरच्या घरी स्क्रब तयार करण्याची आणि त्वचेवर लावण्याची योग्य पद्धत जाणून घ्या

  • वाटलेली साखर – दोन चमचे
  • तांदळाचे पीठ – एक चमचा
  • कॉफी पावडर – एक चमचा
  • गाजर किंवा टोमॅटोचा रस – चार चमचे
  • गव्हाचे पीठ – एक चमचा
  • दूध – एक किंवा दोन चमचे

(चेहऱ्यावर या २ गोष्टी लावल्याशिवाय ऐश्वर्या राय पडत नाही घराबाहेर)

​बॉडी पॉलिशिंग स्क्रब तयारी करण्याची पद्धत

काचेच्या वाटीमध्ये वरील सर्व सामग्री एकत्र घ्या. पेस्ट अधिक पातळ आणि जाडसरही करू नये. पेस्ट घट्ट असल्यास त्यामध्ये दूध मिक्स करू शकता.

त्वचेवर स्क्रब लावण्याची पद्धत : पेस्ट लावल्यापूर्वी शरीर स्वच्छ धुऊन घ्या. यानंतर संपूर्ण शरीरावर पेस्ट लावा आणि हलक्या त्वचेवर स्क्रबिंग करा. स्क्रबिंग आणि मसाजमुळे त्वचेवरील रोमछिद्रे मोकळी होतात. पाच मिनिटांनंतर त्वचा थंड पाण्याने स्वच्छ करून घ्या. आठवड्यातून दोनदा हा उपाय करू शकता.

(Natural Skin Care Tips घरातील या सहा नैसर्गिक सामग्रींपासून कसे तयार करायचे फेस पॅक? जाणून घ्या)

तांदळाचे पिठाचे फायदे

तांदळाच्या पिठातील घटक आपल्या त्वचेसाठी अँटी एजिंग प्रमाणे कार्य करतात. यामुळे मृत पेशींची समस्या दूर होते आणि त्वचेवर नैसर्गिक चमक येते. धूळ, माती, प्रदूषणामुळे त्वचेवर दुष्परिणाम होतात. तांदळाच्या पिठाचा योग्य प्रकारे उपयोग केल्यास त्वचा चमकदार दिसते.

(कमीत- कमी ब्युटी प्रोडक्टमध्ये मेकअप कसा करावा? जाणून घ्या पद्धत)

साखरेचे त्वचेसाठी फायदे : साखरेमध्ये ग्लायकोलिक अ‍ॅसिड असते, ज्यामुळे आपल्या त्वचेचा टोन आणि पोत चांगला राहण्यास मदत मिळते. यातील पोषण तत्त्व मृत त्वचा आणि डागांची समस्या दूर करतात.

​दुधाचे फायदे

दुधातील पोषण तत्त्व आपल्या चेहऱ्यासाठी नैसर्गिक मॉइश्चराइझर प्रमाणे कार्य करतात. दुधामध्ये कॅल्शिअम, व्हिटॅमिन डी आणि अल्फा हायड्रॉक्सी अ‍ॅसिड भरपूर असते. हे घटक त्वचेसाठी पोषक आहेत. यामुळे रक्तप्रवाह वाढण्यास मदत मिळते आणि त्वचा स्वच्छ देखील होते.

(हिवाळ्यात त्वचेची काळजी कशी घ्यावी, रवीना टंडनने ब्युटी टिप्ससह सांगितली योग्य पद्धत)

​टोमॅटोचा रस

टोमॅटोमध्ये सायट्रिक अ‍ॅसिड आणि मॅलिक अ‍ॅसिड असते. हे दोन्ही घटक मृत त्वचेची समस्या दूर करून रोमछिद्रे स्वच्छ करण्याचे कार्य करतात. टोमॅटोमुळे त्वचा चमकदार आणि नितळ होते. सोबतच त्वचेवर होणारा तेलाचा अतिरिक्त स्त्राव देखील नियंत्रणात आणण्यास मदत मिळते आणि मुरुमांची समस्याही कमी होते.

(मॉडेल्सची त्वचा मेकअपशिवाय कशी दिसते इतकी नितळ? जाणून घ्या त्यांचे १० मोठे ब्युटी सीक्रेट)

NOTE : त्वचेशी संबंधित समस्या दूर करण्यासाठी आपल्या ओळखीच्या डॉक्टरांचा सल्ला घ्यायला विसरू नका. त्यांच्या मार्गदर्शनाशिवाय कोणतेही उपाय करू नये.


Source link

You may also like...

Leave a Reply

Your email address will not be published. Required fields are marked *