घरच्या घरी वजन कमी करण्यासाठी फॉलो करा या ६ फायदेशीर गोष्टी

Spread the love

मुंबई टाइम्स टीम

१.घरच्या घरी करा व्यायाम

वजन वाढल्याचा ताण घेत असाल तर त्याचा तुमच्या मानसिक आरोग्यावर वाईट परिणाम होऊ शकतो. तसंच झटपट वजन कमी (Weight Loss Tips) करण्यासाठी तुम्ही जास्त प्रमाणात व्यायाम करत असाल, तर तेसुद्धा तुमच्या आरोग्यासाठी घातक आहे. वजन वाढल्यामुळे तुम्ही स्वतःवर रागवत असाल तर ते योग्य नाही. त्यामुळे स्वतःला वेळ द्या. घरच्या घरी करता येऊ शकणारे व्यायाम करा. व्यायाम करणं ही एक अशी आनंददायी गोष्ट आहे. यामुळे तुम्हाला आनंद तर मिळतोच आणि तुमचं मानसिक आरोग्य सुदृढ राहण्यास मदत होते. अगदी सर्वसाधारण स्ट्रेचिंगच्या व्यायाम प्रकारचासुद्धा यात समावेश होऊ शकतो.

२.डाएटमध्ये बदल आवश्यक

जर तुम्ही वाढलेलं वजन किंवा व्यायाम याचाच सतत विचार करत असाल, तर ते योग्य ठरणार नाही. त्याऐवजी काही क्रिएटीव्ह गोष्टी करण्यावर भर द्या. तुमच्या डाएट प्लॅनमध्ये काही बदल करता येतील का यादृष्टीनं विचार करू शकता.

३.फळांचा समावेश करा

वजन कमी करण्याच्या प्रक्रियेमध्ये योग्य आहार घेणं अत्यंत गरजेचं आहे. तज्ज्ञांच्या मते, वजन कमी करण्यासाठी आहारामध्ये फळांचा समावेश करणं हितकारक ठरू शकतं. फळांमध्ये आरोग्यदायी कॅलरीज आणि अँटीऑक्सिडंटस मोठ्या प्रमाणात असतात. तसंच फळांचे पचनसुद्धा सहज होतं. त्यामुळे वजन कमी करण्याच्या दृष्टीनं आहारामध्ये फळांचा समावेश करणं फायदेशीर ठरेल.
(वजन घटवण्यासाठी आरोग्यवर्धक आहेत फळांच्या या ३ स्मूदी, पोटावरील चरबी होईल कमी)

४. योग करणं फायदेशीर

नियमितपणे योगाभ्यास केल्यानं वजन कमी होण्यास मदत होऊ शकते. तसंच मानसिक ताण कमी करण्यासाठीसुद्धा योग करणं फायदेशीर ठरू शकतं. त्यामुळे जर वजन वाढल्यामुळे तुम्हाला मानसिक ताण येत असेल, तर तुम्ही नियमितपणे योग करण्यावर भर द्यायला हवा. तसंच योग केल्यानं आत्मविश्वास वाढण्यास मदत होते.
(Weight Loss Story या व्यक्तीचे वजन होते १०२Kg, असं घटवलं १२Kg वजन)
५. भरपूर पाणी प्या

तज्ज्ञांच्या मते मुबलक प्रमाणात पाणी प्यायल्याने वजन कमी करण्यासाठी मदत होऊ शकते. पाणी प्यायल्याने पचन क्षमता वाढते आणि वजन कमी करण्याच्या प्रक्रियेत याची मोलाची मदत होऊ शकते. जेवणाच्या अर्धा तास आधी अर्धा लीटर पाणी प्यायल्यास वजन कमी होतं, असं एका अभ्यासाअंती सिद्ध झालं आहे.
(फिट राहायचंय? तर मग आहार आणि व्यायामाचं असं करा नियोजन)
६.पुरेशी झोप घ्या

लॉकडाउनच्या काळात अनेकांचं झोपेचं गणित बिघडलं आहे. जर तुम्हीसुद्धा त्यापैकी एक असाल तर वेळीच सावध व्हा. कारण वजन कमी करण्याच्या प्रक्रियेत पुरेशी झोप घेणं अत्यंत गरजेचं आहे. तुमच्या डाएट प्लॅन सोबतच तुमचं झोपेचं गणितसुद्धा वजन कमी करण्याच्या प्रक्रियेत मोलाची भूमिका बजावतं. त्यामुळे दररोज पुरेशी झोप घ्यायला हवी.

संकलन- राहुल पोखरकर, ए. पी. शाह इन्स्टिट्यूट ऑफ टेक्नॉलॉजी


Source link

You may also like...

Leave a Reply

Your email address will not be published. Required fields are marked *