घरच्या जेवणाचा कंटाळा आला आहे? मग सात्विक आहाराचे ‘हे’ लाभ जाणून घ्याच!

Spread the love

फ्रेशनेस आहे सर्वात मोठा लाभ

घरंच जेवण हे ताजं असतं. आई गरम गरम करून वाढते किंवा फार फार तर कधीकधी रात्रीच्या जेवणात सकाळचा एक पदार्थ आढळतो पण तो सुद्धा ताजाच असतो. बाहेरच्या जेवणाबाबत वा खाण्याबाबत आपण ही शाश्वती देऊ शकत नाही. ते पदार्थ चवीला चांगले असले तरी शिळे सुद्धा असू शकतात. बाजारात अनेक पाकीटबंद सुद्धा पदार्थ मिळतात. ते पदार्थ जरी खाण्यास काही प्रमाणात सुरक्षित असले तरी ते ताजे नसतात. जास्त वेळ झाल्यास ते पदार्थ सुद्धा नसू शकतात. त्यामुळे शक्यतो घरचं ताजं आणि गरमागरम जेवण करावं यामुळे आरोग्य सुद्धा धोक्यात येत नाही.

(वाचा :- सफरचंद खाताय? मग ‘ही’ अत्यंत महत्त्वाची माहिती जाणून घ्याच!)

रासायनिक तत्वांपासून मुक्त

बाहेरचं आपण जे अन्न खातो त्यात सहसा प्रिजर्वेटिव्सचा उपयोग केलेला असतो. जेणेकरून पदार्थ जास्त काळ टिकवा पण हे प्रिजर्वेटिव्स म्हणजे फ्रूड ग्रेन रसायन असतात. हे आरोग्यासाठी अजिबात उपयुक्त नसतात. घरच्या जेवणात मात्र अजिबात कोणत्याही प्रकारच्या प्रिजर्वेटिव्स नसतात. त्यामुळे हे जेवण पूर्णपणे रसायन मुक्त असते. यामुळेच घरचे जेवण बाहेरच्या पदार्थांपेक्षा अधिक पौष्टिक ठरते. यासाठीच घरचे जेवण जास्तीत जास्त खा आणि सुदृढ रहा.

(वाचा :- नाश्त्यासाठी बटाटयाचे पदार्थ एक चांगला पर्याय असून ‘हे’ आहेत त्याचे आरोग्यदायी फायदे!)

शुद्धतेची गॅरंटी

घरात जेवण बनवताना कोणतीही स्त्री ही शुद्धतेची संपूर्ण काळजी घेते. यात चांगले तेल, तूप आणि मसाल्यांचाच वापर केला जातो. आपण जे जेवण करतो आहे ते आपल्या माणसांसाठी बनवतो आहे ही भावना त्यात सामावलेली असते. बाहेर हॉटेल्स वा रेस्टॉरंट मात्र व्यावसायिक दृष्टीने तुम्हाला सेवा देत असतात. बाहेरून तुम्ही आत मध्ये जेवण कशा प्रकारे बनवले जात आहे त्याच्या शुद्धतेची खात्री देऊ शकत नाही. यामुळेच घरचे जेवण हे बाहेरच्या अन्नापेक्षा जास्त सरस ठरते.

(वाचा :- औषधं व ड्रग्सच्या एकत्रित सेवनाने सुशांत सिंगच्या शरीरावर झाले होते ‘हे’ दुष्परिणाम!)

आजारी पडू देत नाही

फूड पॉयजनिंग सारखी समस्या सहसा बाहेरील खाद्यपदार्थ खाल्ल्याने होते. घरचे जेवण केल्याने माणूस कधी आजारी पडला असं होत नाही. उलट आजारी पडल्यावर तुम्हाला डॉक्टर सुद्धा बाहेरचे खाणे बंद करून घरचे सात्विक जेवण घेण्याच सांगतात. यावरून तुम्ही घरच्या जेवणाची शक्ती ओळखू शकता. बाहेरचे मसालेयुक्त चटपटीत जेवण तुम्हाला सहज आजारी करू शकते. तर घरचे सात्विक शुद्ध जेवण तुमच्या आरोग्याला शक्ती प्रदान करते.

(वाचा :- How To Use Soap Pieces: साबणाच्या उरलेल्या तुकड्यांपासून घरच्या घरी असं बनवा हँडवॉश!)

प्रत्येक गोष्टीचे संतुलन

घरात जेवण बनवताना तेल, मसाले, भाज्या आणि अन्य घटक मर्यादित प्रमाणात टाकले जातात. या सगळ्या गोष्टी जास्त प्रमाणात नसतील तर त्याचा आरोग्यावर विपरीत परिणाम होऊ शकतो. पण घरगुती जेवणात चव आणि पोषकता याला समान प्राधान्य दिल्याने साहजिक एक सर्वगुणसंपन्न अन्न आपल्या शरीराला मिळते आणि शरीराचे आरोग्य सुद्धा उत्तम राहते. तर मंडळी हे फायदे लक्षात घेता हेच दिसून येतं की घरचं जेवण जरी तुमच्या जिभेची चव नेहमी पुरवू शकत नसलं तरी ते तुम्हाला आणि तुमच्या आरोग्याला सुदृढतेचं एक भक्कम सुरक्षा कवच प्रदान करते. त्यामुळे घरंच जेवण खायला कंटाळू नका. ते अधिकाधिक खा आणि निरोगी राहा.

(वाचा :- ‘या’ ५ लोकांसाठी धोकादायक ठरु शकतं हळदीचं अतिसेवन, जाणून घ्या का?)


Source link

You may also like...

Leave a Reply

Your email address will not be published. Required fields are marked *