चटपटीत व चविष्ट असण्यासोबतच आरोग्यास अगणित लाभ देते ‘ही’ पालेभाजी! नक्की खाऊन बघा

Spread the love

हिवाळा ऋतू (winter) आला की हिरव्या पालेभाज्यांची (green vegetable) चंगी सुरु होते. म्हणजेच हिवाळ्या मध्ये विविध प्रकारच्या व पौष्टिक हिरव्या पालेभाज्या बाजारात येतात. तर काही भाज्या अशा असतात ज्या जमिनीत उगवतात. अशीच एक भाजी म्हणजे मुळ्याची भाजी (radish leaves). साधारणत: मुळ्याच्या भाजीतील मुळे घेऊन पाने फेकून दिली जातात पण असं करून आपण आपलंच नुकसान करतो.

कारण मुळ्याच्या पानांमध्ये असलेले पौष्टिक घटक आपला अनेक प्रकारच्या गंभीर आजारांपासून बचाव करतात. शिवाय या पानांची भाजी अतिशय टेस्टी असते. खरंतर मुळा म्हटलं की लोक नाकं मुरडतात. पण काही पदार्थ, भाज्या, कडधान्य हे आरोग्यासाठी सेवन करणं अत्यंत गरजेचं असतं. यामुळे अनेक आजार शरीरापासून दूर राहतात. जाणून घेऊया मुळ्यातील औषधी गुणधर्म व ते खाण्याचे लाभ.

मुळ्याची भाजी बनवण्यासाठी सामग्री

  • मुळ्याच्या पानांची भाजी बनवण्यासाठी सर्वात आधी त्याची पाने स्वच्छ धुवून बारीक चिरून घ्या.
  • आता एक कांदा बारीक चिरुन घ्या.
  • आलं, लसूण आणि हिरव्या मिरच्या देखील बारीक कापून घ्या.
  • आता दोन मोठे चमचे काळी उडीदाची डाळ स्वच्छ धुवून घ्या.

(वाचा :- Jaggery Benefits In Winter : थंडीच्या दिवसांत गुळ खाल्ल्याने ‘हे’ आजार होतात दूर!)

मुळ्याच्या भाजीची रेसिपी

  • आता एक कढई घेऊन त्यात मोहरीचं किंवा तुमच्याकडे उपलब्ध असलेलं तेल गरम करा.
  • तेल गरम झाल्यानंतर सर्वप्रथम उडदाची डाळ सोनेरी रंगाची होईपर्यंत भाजून घ्या. आता त्यात लसूण, कांदा आणि जिरे टाकून चांगले भाजून घ्या.
  • आता मिश्रणात हिरव्या मिरच्या घालून हलकश्या भाजून घ्या आणि स्वादानुसार त्यात हळद घाला. सर्व सामग्री व्यवस्थित मिक्स करुन घ्या.
  • पुढे, मुळ्याची पाने घालून त्यात चवीनुसार मीठ मिक्स करा. मध्यम आचेवर भाजी शिजत ठेवा.
  • लक्षात ठेवा की, ही भाजी बनवताना पाण्याची गरज भासत नाही कारण भाजीतील नैसर्गिक पाणीच त्याला शिजवण्यास पुरेसं असतं.

(वाचा :- थंडीच्या महिन्यात वाटाणे खाताय? मग जाणून घ्या ‘ही’ माहिती!)

मुळ्याच्या पानांचे लाभ

  • मुळ्याच्या पानांचे नियमित सेवन केल्याने शरीरातील रक्ताची मात्रा वाढते. असं यामुळे होतं कारण मुळ्याची पाने शरीरातील लाल रक्त पेशींना (Red Blood Cells) मरुन देत नाहीत.
  • मुळ्यासारखेच मुळ्याच्या पानांमध्ये देखील पचनक्रिया सुरळीत ठेवण्याचे व पोट साफ ठेवण्याचे गुणधर्म आढळून येतात.
  • मुळ्याच्या पानांमध्ये मोठ्या प्रमाणात फायबर असते ज्यामुळे स्टूल म्हणजेच पॉटी पातळ होण्यास मदत होते. जर तुम्हाला बद्धकोष्ठतेची समस्या असेल तर तुम्ही मुळ्याच्या पानांची भाजी नियमित खाऊ शकता.
  • मुळ्यामध्ये रोगप्रतिरोधक क्षमता असते, कारण यामध्ये व्हिटॅमिन ‘सी’ असते. मुळ्याच्या पानांमध्ये देखील शरीराचा गंभीर रोगांपासून बचाव करण्याची क्षमता असते. यात असणारे फॉलिक अॅसिड हाडे व स्नायू मजबूत बनवण्यास मदत करतात.
  • मुळा मधुमेह नियंत्रित करण्याचं काम करतो. ज्यामुळे ज्या लोकांना मधुमेह (blood suger) आहे त्यांनी दररोज मुळ्याची भाजी व पराठे खाल्ले पाहिजेत.

(वाचा :- Air Pollution Safety Tips: डॉक्टरांच्या टिप्सचं पालन केल्यास आरोग्यावर होणार नाही प्रदूषणाचे दुष्परिणाम!)

सर्दी व कावीळपासून बचाव

जर तुम्हाला सतत सर्दी-पडश्याचा त्रास होत असेल तर हिवाळ्यामध्ये तुम्ही कमीत कमी आठवड्यातून तीन वेळा तरी मुळ्याची भाजी खाणं आवश्यक आहे. ही पानं उष्ण असल्यामुळे ती आपल्या शरीराला गरम ठेवण्याचं काम करतात. हिवाळ्याच्या संपूर्ण ४ महिन्यांमध्ये तुम्ही जर मुळ्याच्या पानांची भाजी खाल्ली तर तुमचे यकृत (liver) निरोगी व सुदृढ राहू शकते. दर आठवड्याला तीन ते चार वेळा मुळ्याची पाने खाल्ल्याने कावीळ होत नाही.

(वाचा :- Ayurvedic Tips For Fitness : खुद्द एक्सपर्ट्सकडून जाणून घ्या गंभीरातील गंभीर आजारांना दूर ठेवण्याचे आयुर्वेदिक नियम!)

असा बनवा मुळाच्या पानांचा साग

मुळ्यांच्या पानांचा साग बनवण्यासाठी ती स्वच्छ धुवून कुकरमध्ये एक शिट्टी देऊन शिजवून घ्या. कुकरमधून काढून ती पाने मिक्सरमध्ये वाटून घ्या. कढईत तेल घेऊन त्यात उडदाची काळी डाळ सोनेरी होईपर्यंत भाजून घ्या. आता त्यात मोहरी घाला. पुढे, त्यात बारीक चिरलेली हिरवी मिरची, किसलेलं आलं आणि लसूण घालून तडका द्या. मिश्रण १० मिनिटे मंद आचेवर शिजवा. तयार झालाय आपला मुळ्याच्या पानांचा साग. सागाची चव अजून रुचकर लागण्यासाठी तुम्ही त्यात पालकची पाने मिक्स करु शकता.

(वाचा :- पपई डाएट प्लॅनमुळे लठ्ठपणा होतो कमी! कशी करावी ‘या’ डाएट प्लॅनची अंमलबजावणी?)


Source link

You may also like...

Leave a Reply

Your email address will not be published. Required fields are marked *