चेहऱ्याचंच नव्हे तर अंडरआर्म्‍स-पोट व शरीराच्या या भागांवरही फेशिअल करणं आवश्यक

Spread the love

चेहऱ्याची त्वचा स्वच्छ आणि निरोगी राहावी, यासाठी आपल्यापैकी बहुतांश जण फेशिअल ट्रीटमेंट करतात. यामुळे त्वचेवरील रोमछिद्रांमध्ये जमा झालेली दुर्गंध स्वच्छ होण्यास मदत मिळते आणि चेहरा चमकदार होतो. बहुतांश जण आपल्या स्किन केअर रुटीनमध्ये फेशिअल ट्रीटमेंटचा समावेश करतातच. पण काही जण शरीराच्या अन्य अवयवांच्या त्वचेची देखभाल करण्याकडे पूर्णतः दुर्लक्ष करतात.

चेहऱ्याच्या त्वचेव्यतिरिक्त आपण पाठ, पोट आणि शरीराच्या अन्य आवश्यक भागांच्या त्वचेची तेवढीच काळजी घेणे आवश्यक आहे. डोक्यापासून ते पायापर्यंत शरीराची त्वचा योग्य पद्धतीनं स्वच्छ केल्यास मुरुम आणि डागांची समस्या दूर होण्यास मदत मिळते. यासाठी अंडरआर्म, पोट आणि पाठीच्या त्वचेवरही फेशिअल ट्रीटमेंट करावी. आपल्या स्किन केअर रुटीनमध्ये याचाही समावेश करावा. चेहऱ्याव्यतिरिक्त शरीराच्या अन्य कोणत्या भागांवर फेशिअल ट्रीटमेंट करणं आवश्यक आहे? जाणून घेऊया सविस्तर माहिती…
(Skin Care त्वचेतील ‘हे’ बदल दर्शवतात मधुमेह, जाणून घ्या सविस्तर माहिती)

​बॅक फेशिअल

मुरुम आणि डागांची समस्या दूर करण्यासाठी बॅक फेशिअल करणं आवश्यक आहे. काही जण पाठीवर येणाऱ्या मुरुमांच्या समस्येमुळे त्रस्त असतात. घाम आणि दुर्गंधीमुळे पाठीच्या त्वचेवरील रोमछिद्र बंद होतात. ही समस्या दूर करण्यासाठी बॅक फेशिअलची मदत आपण घेऊ शकता. यासोबतच त्वचा एक्सफोलिएट करणं आणि मॉश्चराइझर लावणं हे देखील तितकेच महत्त्वाचे आहे. यामुळे पाठीच्या त्वचेवर जमा झालेले धूळ-मातीचे कण आणि दुर्गंध दूर होण्यास मदत मिळते. ब्युटी पार्लरमध्ये तुमच्या त्वचेच्या प्रकारानुसार फेशिअल ट्रीटमेंट केली जाते.

(फेस मास्कमुळे त्वचेचं नुकसान होऊ नये यासाठी काय खबरदारी घ्यावी? डॉक्टरांकडून जाणून घ्या)

​अंडरआर्म फेशिअल

रेझरचा अति वापर किंवा त्वचेची योग्य देखभाल न केल्यानं अंडरआर्मची त्वचा काळी पडू लागते. याव्यतिरिक्त परफ्यूम आणि डिओडरंट जास्त वापरल्यानेही अंडरआर्मच्या त्वचेवर दुष्परिणाम होतात. या समस्येमुळे बहुतांश जणी स्टायलिश स्लीव्हलेस कपडे परिधान करणं टाळतात. या समस्येपासून सुटका मिळवण्यासाठी अंडरआर्म फेशिअल करणं आवश्यक आहे. यामुळे त्वचा स्वच्छ होते आणि काखेतील काळे डाग देखील हळूहळू कमी होण्यास मदत मिळते. अंडरआर्म्सचा काळपटपणा दूर करण्यासाठी डॉक्टरांचा सल्ला देखील घेऊ शकता.

(फेस स्टीमरने पोअर्समधील दुर्गंध काढणं आहे सोपं, चेहऱ्यावर येतो नॅचरल ग्लो)

​​बेली फेशिअल

गर्भवती महिलांमध्ये सध्या बेली फेशिअल हा एक नवीन ट्रेंड पाहायला मिळत आहे. गर्भावस्थेदरम्यान पोटाच्या त्वचेवर कित्येक प्रकारचे बदल होतात. यादरम्यान सौम्य ब्रशच्या मदतीने फेशिअल केल्यास त्वचा निरोगी राहण्यास मदत मिळते. पण आपल्या डॉक्टरांचा सल्ला घेतल्यानंतरच हा उपाय करावा, अन्यथा करू नये.

(स्ट्रॉबेरी लेग्समुळे मुलींचे पाय दिसतात खराब, ही समस्या दूर करण्यासाठी जाणून घ्या सोपे उपाय)

​कानाच्या त्वचेची काळजी कशी घ्यावी?

कित्येकदा कानांच्या आतमध्ये मुरुम आणि ब्लॅकहेड्सची समस्या निर्माण होते. यापासून सुटका मिळवण्यासाठी कानाचे फेशिअल करण्याऐवजी दुर्गंध बाहेर काढण्याचा प्रयत्न करावा. फेशिअल करतान पाणी आणि फेशिअल क्रीम कानाच्या आत जाण्याची शक्यता असते. यामुळे कानाच्या आतील त्वचा स्वच्छ करण्यासाठी तुम्ही डॉक्टरांचा सल्ला घेऊ शकता. क्लिनिकमध्ये कानाच्या आत जमा झालेली दुर्गंध स्वच्छ करून दिली जाते. यासाठी घरामध्ये कोणतेही प्रयोग करून पाहू नये.

(Natural Skin Care नितळ व सुंदर कांतीसाठी वापरा ८ आयुर्वेदिक तेल, मेकअपची भासणार नाही गरज)

​हात आणि पायांचे फेशिअल

चेहऱ्याच्या त्वचेप्रमाणेच आपल्या हात आणि पायांच्या त्वचेची देखील काळजी घेणे तितकेच महत्त्वाचे आहे. हाता-पायांच्या त्वचेवरही मुरुम किंवा जखमांचे व्रण – डाग राहतात. ही समस्या दूर करण्यासाठी हात आणि पायांचेही फेशिअल करावे.

(ग्लुटाथिओनमुळे चेहऱ्याचीच नव्हे तर संपूर्ण शरीराची त्वचा उजळते, जाणून घ्या तज्ज्ञांनी दिलेली ही माहिती)

NOTE त्वचेशी संबंधित कोणतेही उपाय करण्यापूर्वी ओळखीच्या डॉक्टरांचा सल्ला घ्यावा.

घरच्या घरी कसं करावे फेशिअल?


Source link

You may also like...

Leave a Reply

Your email address will not be published. Required fields are marked *