चेहऱ्याची त्वचा अशी डिटॉक्स करते अनुष्का शर्मा, तजेलदार त्वचेसाठी असं फॉलो केलं जातं रुटीन

Spread the love

लहान वयातच चेहऱ्यावर येणारी वृद्धत्वाची लक्षणे, चेहरा सुजणे इत्यादी कारणांमुळे बहुतांश मंडळी त्रस्त असतात. त्वचेशी संबंधित समस्या दूर करण्यासाठी ही मंडळी कित्येक महागड्या उपचार पद्धती देखील अवलंबतात. केमिकलयुक्त ट्रीटमेंटऐवजी आपण तज्ज्ञांचा सल्ला घेऊन नैसर्गिक तसंच आयुर्वेदिक उपचारांची मदत घेऊ शकतात. यामुळे त्वचेला दीर्घकाळासाठी लाभ मिळतील. डिटॉक्सिफाय ट्रीटमेंट नियमित फॉलो न केल्यास त्वचा निस्तेज दिसू लागते.

तुम्ही घरातच असाल किंवा कामानिमित्त घराबाहेर जावे लागत असेल तरीही चेहऱ्याची त्वचा नियमित डिटॉक्स करणं आवश्यक आहे. त्वचा डिटॉक्स केल्यानं त्वचेतील ओलावा कायम टिकून राहतो. यामुळे त्वचेवर नॅचरल ग्लो येतो. बॉलिवूडमधील अभिनेत्री देखील आपली त्वचा नियमित डिटॉक्स करतात. यामुळेच त्यांचा चेहरा नेहमी तजेलदार व सुंदर दिसतो. पण सर्वप्रथम स्किन डिटॉक्स म्हणजे काय? हे आपण समजून घेऊया…
(थंडीत बॉडी मसाज का करावा, आयुर्वेदानुसार कोणते तेल वापरल्यास मिळतील जास्त लाभ? जाणून घ्या)

​फेस व स्किन डिटॉक्स म्हणजे काय?

आपला चेहरा तसंच शरीराची त्वचा देखील दिवसभरात अनेकदा प्रदूषण, धूळ, मातीचे कण आणि दुर्गंधीच्या संपर्कात येते. जेव्हा आपण त्वचा डिटॉक्स करतो किंवा आहारातील पौष्टिक बदलामुळे चेहऱ्यावरील सूस्तपणा दूर होतो आणि त्वचेवर नैसर्गिक चमक येण्यास मदत मिळते. बॉलिवूड अभिनेत्री अनुष्का शर्मा देखील चमकदार त्वचेसाठी फेस पॅकचा वापर करते. मेरी क्लेअरच्या रिपोर्टनुसार, अनुष्का शर्मा चेहऱ्यासाठी कडुलिंबाच्या फेस पॅकचा वापर करते. कडुलिंबाच्या पानांचा वाटलेला पाला, दही, गुलाब पाणी आणि दूध एकत्र करून फेस पॅक तयार केला जातो. अनुष्का या पॅकचा आपल्या चेहऱ्यासाठी उपयोग करते. या फेस पॅकमुळे त्वचा डिटॉक्सिफाय होण्यास मदत मिळते.

​डिटॉक्सिफाइंग बाथ

शारीरिक ताणतणाव दूर करण्यासाठी अथवा त्वचेवरील दुर्गंध स्वच्छ करण्यासाठी आपण डिटॉक्सिफाइंग बाथची मदत घेऊ शकता. ही प्रक्रिया त्वचेसाठी अतिशय लाभदायक आहे. कोमट पाण्यामध्ये सैंधव मीठ किंवा एसेंशिअल ऑइल मिक्स करा. या पाण्याने आंघोळ करावी. यामुळे शारीरिक ताणतणाव दूर होण्यास मदत मिळते. शिवाय त्वचा देखील निरोगी राहते.

(नितळ व डागविरहित त्वचेसाठी रात्री चेहऱ्यावर अशा पद्धतीने लावा कोरफड जेल)

​भरपूर पाणी प्या

तजेलदार त्वचेसाठी भरपूर प्रमाणात पाणी पिणे आवश्यक आहे. यामुळे शरीरात जमा झालेले विषारी पदार्थ बाहेर फेकण्यास मदत मिळते. ज्यामुळे चेहऱ्यावर नैसर्गिक स्वरुपात चमक येते. तुम्ही तज्ज्ञांच्या मार्गदर्शनानुसार डिटॉक्स वॉटरचंही सेवन करू शकता. एक ग्लास पाण्यामध्ये लिंबूचा रस, काकडीचे स्लाइस मिक्स करा आणि हे पाणी प्या. लिंबू आणि काकडीतील पोषण तत्त्व शरीर डिटॉक्स करण्याचे कार्य करतात.

(Natural Hair Care चमकदार व घनदाट केस मिळवण्यासाठी या ८ गोष्टींकडे करू नका दुर्लक्ष)

​डिटॉक्स डाएट

दुर्गंध, विषारी घटक केवळ शरीराच्या त्वचेवरच नव्हे तर शरीराच्या आतमध्येही जमा होतात. हे अनावश्यक घटक दूर केल्यानंतर चेहरा सतेज आणि चमकदार होतो. यासाठी आपल्या आहारामध्ये काही आवश्यक बदल करणं आवश्यक आहे. साखर, तेलकट पदार्थ, जंक फूड आणि पाकीटबंद खाद्यपदार्थांचे सेवन करणं टाळावं.

(Moringa Powder Benefits चमकदार केस व त्वचेसाठी वापरा ही औषधी पावडर, जाणून घ्या लाभ)

​चमकदार त्वचेसाठी फेस मास्क

कडुलिंबू आणि बेसन फेस पॅक

एका वाटीमध्ये एक चमचा कडुलिंबाच्या पानांची पावडर, एक चमचा बेसन, गुलाब पाणी आणि दही एकत्र घेऊन पेस्ट तयार करा. हे पॅक आपल्या चेहऱ्यावर १० मिनिटांसाठी लावून ठेवा. यातील पोषण तत्त्वांमुळे चेहऱ्यावर चमक येईल.

(त्वचा भाजणे म्हणजे नेमके काय? यावर कोणते उपचार करावेत, जाणून घ्या तज्ज्ञांनी दिलेली माहिती)

​अ‍ॅव्होकाडो आणि नारळाचे तेल

मॅश केलेले अ‍ॅव्होकाडो, लिंबूचा रस आणि अर्धा चमचा नारळाचे तेल एकत्र घ्या व पेस्ट तयार करा. ही पेस्ट आपल्या चेहऱ्यावर लावा. लेप सुकल्यानंतर चेहरा स्वच्छ धुऊन घ्यावा.

(द्राक्षबियांच्या तेलाचे त्वचा आणि केसांसाठी फायदे, जाणून घ्या कसा करायचा वापर)

​कॉफी आणि दही

कोकोआ पावडर, कॉफी, मध आणि दही एकत्र घ्या व फेस पॅक तयार करा. ही पेस्ट चेहऱ्यावर १० मिनिटांसाठी लावा आणि त्यानंतर चेहरा थंड पाण्याने धुऊन घ्यावा. चेहऱ्याची त्वचा डिटॉक्सिफाय करण्यासाठी आपण या साध्या-सोप्या टिप्स फॉलो करू शकता.

(सना खानची त्वचा आहे प्रचंड मऊ व तजेलदार, मुरुम न येण्यासाठी सकाळी उठून करते ‘हे’ महत्त्वाचे काम)

NOTE त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. कारण प्रत्येकाच्या त्वचेचा प्रकार एकसारखा नसतो.


Source link

You may also like...

Leave a Reply

Your email address will not be published. Required fields are marked *