चेहऱ्यावरील अनावश्यक केसांसाठी घरगुती उपाय, त्वचेवर दिसेल नैसर्गिक चमक

Spread the love

चेहऱ्यावरील अनावश्यक केसांमुळे संपूर्ण चेहऱ्याचा लुक बिघडतो. हे केस काढण्यासाठी (Skin Care Tips) काही जणी ब्युटी पार्लरमध्ये जाऊन भरपूर खर्च करतात. पण पार्लरमधील त्रासदायक ट्रीटमेंट करण्याऐवजी तुम्ही स्वयंपाकघरातील सामग्रींचा वापर करून चेहऱ्यावरील अनावश्यक केस कमी करू शकता. चेहऱ्यावरील केस दिसू नये, यासाठी काही जण ब्लीच सारख्या रासायनिक उत्पादनांचाही उपयोग करतात.

पण चेहऱ्यासाठी हे हानिकारक प्रकार करण्याची काहीच आवश्यकता नाही. तुम्हाला स्वयंपाकघरात तसंच फ्रीजमध्ये यासाठी काही -न्- काही उपयोगी नैसर्गिक सामग्री सापडतीलच. महत्त्वाचे म्हणजे यासाठी तुम्हाला जास्तीचा खर्च करावा लागणार नाही. तसंच घरगुती आणि नैसर्गिक उपचारांमुळे त्वचेवर दुष्परिणाम देखील होणार नाहीत. जाणून घेऊया याबाबत सविस्तर माहिती
(Hair Care घनदाट, लांबसडक केसांसाठी वापरा बेसन आणि दही हेअर मास्क)

​लिंबूचा रस

लिंबूमध्ये व्हिटॅमिन सी जास्त प्रमाणात असतं, हे आपणा सर्वांनाच माहिती आहे. याचा वापर करून तुमच्या त्वचेवरील काळपटपणा देखील दूर केला जाऊ शकतो. यासाठी एका वाटीमध्ये लिंबूचा रस पिळून घ्या, त्यात पाणी देखील मिक्स करा. यानंतर कापसाच्या मदतीने लिंबाचा रस चेहऱ्यावर लावा. जवळपास १५ मिनिटांपर्यंत हा रस चेहऱ्यावर राहू द्या आणि त्यानंतर थंड पाण्याने चेहरा स्वच्छ धुऊन घ्यावा. पण लिंबू रस कधीही थेट चेहऱ्यावर लावू नये. त्यापूर्वी आपल्या हातावर पॅच टेस्ट करून घ्यावी. थेट लिंबू किंवा लिंबाचा रस लावल्यास चेहऱ्यावर जळजळ होऊ शकते.

(कोरफड आणि हळदीचे मास्क चेहऱ्यासाठी आहे बेस्ट, त्वचेला मिळतील मोठे फायदे)

​हळद

लिंबू रस, हळद आणि पाणी एकत्र घ्या. या सामग्रीपासून जाडसर पेस्ट तयार करून चेहऱ्यावर लावा. या उपचारामुळे चेहऱ्यावरील केस कमी होण्यास बरीच मदत मिळेल. फेस पॅक तयार झाल्यानंतर कापसाच्या मदतीने चेहऱ्यावर लावा. १५ मिनिटांसाठी पेस्ट चेहऱ्यावर लावून ठेवावी. आठवड्यातून दोन वेळा हा उपाय तुम्ही करू शकता. हे फेस पॅक वापरताना अंगावर जुने कपडे घाला, जेणेकरून डाग पडून कपडे खराब होण्याची भीती वाटणार नाही.

(मुरुम आणि सुरकुत्यांवर हा आहे आयुर्वेदिक रामबाण उपाय, चेहऱ्यावर असा करावा वापर)

​टोमॅटो

लिंबूप्रमाणेच टोमॅटोमध्येही व्हिटॅमिन सी जास्त प्रमाणात असते. लिंबू रस आणि टोमॅटोचा उपयोग करून जाडसर पेस्ट तयार करावी. या पेस्टमुळे आपल्या चेहऱ्यावरील अनावश्यक केस कमी करण्यासाठी मदत मिळते. चेहऱ्यावर ब्रशच्या मदतीने पेस्ट लावा. अंदाजे १५ मिनिटांसाठी पेस्ट चेहऱ्यावर लावून ठेवावी. थोड्या वेळाने थंड पाण्याने आपला चेहरा स्वच्छ धुऊन घ्या. आठवड्यातून दोनदा हा उपाय तुम्ही करू शकता.

(चेहऱ्यासाठी अमृत आहे भेंडीतील चिकट पदार्थ, चमकदार त्वचेसाठी जाणून घ्या उपचाराची योग्य पद्धत)

​बेसन

चेहऱ्यावरील केस कमी करण्यासाठी बेसन हा रामबाण उपाय आहे. बेसनमधील पोषण तत्त्वांमुळे चेहऱ्यावरील केस कमी होण्यास मदत मिळते. लहान बाळाच्या अंगावरील देखील अनावश्यक केस कमी करण्यासाठी आई, आजी बेसन लावून मसाज करते. आतापर्यंत हे तुम्ही अनेकदा पाहिले असेलच. बेसन पेस्ट तयार करण्यासाठी दोन मोठे चमचे बेसन, हळद आणि पाणी मिक्स करा. जाडसर पेस्ट तयार करा. ही पेस्ट चेहरा तसंच मानेवरही लावा. लेप सुकल्यानंतर कोमट किंवा थंड पाण्याने चेहरा धुऊन घ्यावा. हलक्या हाताने चेहऱ्याचा मसाज करावा. आठवड्यातून दोन वेळा हा उपाय करून पाहा. काही दिवसांतच तुम्हाला आपल्या चेहऱ्यामध्ये बदल दिसतील.

(Cucumber For Skin: नितळ त्वचा हवीय? मग असे तयार काकडीच्या सालीपासून फेस पॅक)

​बेसन आणि कच्चे दूध

एका वाटीमध्ये अर्धे कप बेसन घ्या. त्यात दूध मिक्स करा. चांगली जाडसर पेस्ट तयार करा. ही पेस्ट हलक्या हाताने चेहऱ्यावर लावा आणि मसाज देखील करा. १५ मिनिटांसाठी पेस्ट चेहऱ्यावर राहू द्या. थोड्या वेळानंतर चेहरा थंड पाण्याने स्वच्छ धुऊन घ्या. हा उपाय केल्यास चेहऱ्यावरील अनावश्यक केस देखील कमी होतील आणि त्वचेवर नैसर्गिक चमक देखील येईल.

(Skin Care Tips या ब्युटी प्रोडक्टवर करू नका खर्च, जाणून घ्या त्वचारोग तज्ज्ञांचे तुमच्या फायद्यासाठीचे मत)

Note चेहऱ्याशी संबंधित कोणतेही उपाय करण्यापूर्वी आपल्या डॉक्टरांचा सल्ला घेणे आवश्यक आहे.


Source link

You may also like...

Leave a Reply

Your email address will not be published. Required fields are marked *