चेहऱ्यावर का लावू नये बॉडी लोशन, काय होऊ शकते नुकसान? जाणून घ्या

Spread the love

​चेहऱ्यावर चुकूनही बॉडी लोशन लावू नये

कित्येक महिला चेहऱ्यावर बॉडी लोशन लावतात. हे लोशन फेस क्रीमप्रमाणेच कार्य करतं, असा त्यांचा समज असतो. पण कधीही चेहऱ्यावर बॉडी लोशन लावण्याची चूक करू नका. काही जणींना चेहऱ्याचं क्रीम आणि बॉडी लोशन यातील फरकच समजत नाही. मॉइश्चराइझरमुळे आपल्या त्वचेला ओलावा मिळतो पण या लोशनचा शरीराच्या अन्य भागावर उपयोग करणं हानिकारक ठरू शकते.

(Winter Hair Care Tips हिवाळ्यात होणाऱ्या कोरड्या केसांच्या समस्येतून हवीय सुटका?)

​चेहऱ्याची त्वचा असते नाजूक

आपल्या चेहऱ्याची त्वचा प्रचंड नाजूक असते. लहान मुलांच्या त्वचेप्रमाणेच आपल्या चेहऱ्याची त्वचा संवेदनशील असते. यामुळे चेहऱ्याची योग्य पद्धतीने काळजी घेणे आवश्यक आहे. चेहऱ्यावर कधीही केमिकलयुक्त प्रोडक्टचा भडीमार करू नये. यामुळे चेहऱ्याचं प्रचंड नुकसान होण्याची भीती असते. हे नुकसान टाळण्यासाठी डॉक्टरांच्या सल्ल्यानुसार क्रीमचा वापर करावा.

(घरच्या घरी या ६ सामग्रींपासून कसं तयार करावं बॉडी पॉलिशिंग स्क्रब, जाणून घ्या माहिती)

​ओपन पोअर्सची समस्या

काही बॉडी लोशन चिकट आणि जाडसर स्वरुपात असतात. अशा प्रकारचे लोशन चेहऱ्यावर लावल्यास ते शोषून घेण्यास त्वचेला कठीण ठरते. एवढंच नव्हे तर धूळ आणि मातीचे कण देखील त्वचेवर जमा होऊ लागतात. परिणामी त्वचेवरील रोमछिद्रांमध्ये दुर्गंध जमा होऊ लागते. यामुळे मुरुमांच्या समस्येचा सामना करावा लागतो.

(Natural Skin Care Tips घरातील या सहा नैसर्गिक सामग्रींपासून कसे तयार करायचे फेस पॅक? जाणून घ्या)

​अ‍ॅलर्जी होऊ शकते

बॉडी लोशनमुळे तुमच्या चेहऱ्याच्या त्वचेवर अ‍ॅलर्जी होण्याचीही भीती असते. कारण यामध्ये केमिकल आणि अन्य तत्त्वांचा समावेश असतो. जे आपल्या चेहऱ्याच्या त्वचेसाठी हानिकारक असतात.

(Skin Care Tips आयुर्वेदिक वनस्पतींपासून केस व त्वचेच्या समस्या कशा दूर कराव्यात, जाणून घ्या पद्धत)

आपल्या त्वचेच्या प्रकारानुसारच ब्युटी प्रोडक्टचा वापर करावा. यासाठी तज्ज्ञमंडळीचे मार्गदर्शन घेणे आवश्यक आहे.

​केमिकलमुळे चेहऱ्याचं होऊ शकते नुकसान

सुगंधित आणि रंगीत बॉडी लोशनमध्ये कृत्रिम सुगंध आणि रंगांचा मोठ्या प्रमाणात वापर केला जातो. केमिकलयुक्त बॉडी लोशन चेहऱ्यावर लावल्यास त्वचेचं प्रचंड नुकसान होण्याची शक्यता असते. रसायनांमुळे चेहरा लाल होणे, त्वचेवर जळजळ होणे, रॅशेज आणि अन्य प्रकारची अ‍ॅलर्जी होण्याची शक्यता असते.

(हिवाळ्यात त्वचेची काळजी कशी घ्यावी, रवीना टंडनने ब्युटी टिप्ससह सांगितली योग्य पद्धत)

​जास्तीत जास्त पाणी प्यावे

त्वचेवर नैसर्गिक चमक येण्यासाठी नियमित जास्तीत जास्त पाणी प्यावे. शरीर डिटॉक्स करण्याचा हा नैसर्गिक रामबाण उपाय आहे. पाण्यामुळे शरीरातील दुर्गंध सहजरित्या बाहेर फेकली जाण्यास मदत मिळते.

(Natural Hair Oil केसांसाठी घरामध्ये कसे तयार करायचे कोरफडीचे तेल)

NOTE त्वचेशी संबंधित कोणतेही उपाय करण्यापूर्वी आपल्या डॉक्टरांचा सल्ला घेणे आवश्यक आहे. तसंच दुसऱ्या व्यक्तीचे स्किन केअर रुटीन फॉलो करू नये.


Source link

You may also like...

Leave a Reply

Your email address will not be published. Required fields are marked *