चेहऱ्यावर या २ गोष्टी लावल्याशिवाय ऐश्वर्या राय पडत नाही घराबाहेर

Spread the love

​आकर्षक आणि सुंदर पापण्या

ऐश्वर्या रायच्या निळ्या डोळ्यांवर कित्येक चाहते फिदा आहेत. सुंदर पापण्यांमुळेही तिच्या सौंदर्यात अधिक भर पडते. आपल्यापैकी बहुतांश जणी पापण्यांचे केस घनदाट आणि जाड दिसण्यासाठी बरेच उपाय करत असतात. यावरील नैसर्गिक उपाय म्हणजे ऑलिव्ह ऑइल. रात्री झोपण्यापूर्वी पापण्यांवर थोडेसे ऑलिव्ह ऑइल लावावे. सकाळी उठल्यानंतर चेहरा फेस वॉशने स्वच्छ धुऊन घ्या. सकारात्मक परिणामांसाठी काही दिवस सलग हा उपाय करू शकता.

(Natural Skin Care Tips घरातील या सहा नैसर्गिक सामग्रींपासून कसे तयार करायचे फेस पॅक? जाणून घ्या)

​अ‍ॅशच्या चमकदार चेहऱ्याचे रहस्य

ऐश्वर्या आपलं नैसर्गिक सौंदर्य (Beauty Tips for Women) अधिक खुलवण्यासाठी नेहमी नैसर्गिक उत्पादनांचा वापर करते. आपल्या चमकदार चेहऱ्याचे सीक्रेट काकडी असल्याचे तिनं सांगितलं होतं. नितळ त्वचेसाठी काकडीचा रस लावत असल्याची माहिती ऐश्वर्या राय – बच्चनने एका मुलाखतीमध्ये सांगितली होती. काकडीमध्ये अँटी ऑक्सिडंट आणि अँटी इंफ्लेमेटरी गुणधर्म आहेत. हे घटक त्वचेतील पेशी दुरुस्त करण्याचे कार्य करतात आणि आपल्या चेहऱ्याची त्वचा नितळ होण्यासाठीही मदत करतात.

(Aishwarya Rai Bachchan मिस वर्ल्ड ऐश्वर्या रायचं ब्युटी सीक्रेट माहीत आहे का?)

​काकडीतील गुणधर्म

  • काकडीच्या वापरामुळे आपली त्वचा निरोगी राहण्यास मदत मिळते.
  • काकडीमध्ये अँटी – ऑक्सिडंट व्यतिरिक्त व्हिटॅमिन सी, व्हिटॅमिन बी१ आणि व्हिटॅमिन ए, बायोटिन आणि पोटॅशिअम या पोषक घटकांचा समावेश आहे. ज्यामुळे आपली त्वचा हायड्रेट राहते.
  • योग्य वापर केल्यास डार्क सर्कल, डोळ्यांचा थकवा देखील दूर होऊ शकतो.
  • काकडीमुळे चेहऱ्यावरील ब्लॅकहेड्सची समस्याही कमी होण्यास मदत मिळते.

(हिवाळ्यात त्वचेची काळजी कशी घ्यावी, रवीना टंडनने ब्युटी टिप्ससह सांगितली योग्य पद्धत)

​ऐश्वर्या रायसाठी या गोष्टी आहेत महत्त्वाच्या

निळ्या डोळ्यांच्या या सुंदर अभिनेत्रीच्या सौंदर्याचे रहस्य प्रत्येकाला जाणून घ्यायचे आहे. एका मुलाखतीमध्ये ऐश्वर्या रायने दोन ब्युटी प्रोडक्टचा (Beauty Tips) उल्लेख केला होता. चेहऱ्यावर हे प्रोडक्ट लावल्याशिवाय कुठेही जात नसल्याचंही तिनं सांगितलं होतं. ‘घराबाहेर पडण्यापूर्वी आयलाइनर आणि काजळ नक्कीच लावते’, असे अ‍ॅशने एका मुलाखतीमध्ये म्हटलं होतं. ऐश्वर्याच्या मते, या दोन्ही मेकअप प्रोडक्टच्या वापरामुळे लुक फ्रेश दिसण्यास मदत मिळते.

(ऐश्वर्या रायच्या सुंदर चेहऱ्याचं सीक्रेट, त्वचेसाठी वापरते सर्वात स्वस्त गोष्ट)

​नैसर्गिक उपचारांची मदत

ऐश्वर्या कित्येक मोठमोठ्या ब्युटी ब्रँडच्या जाहिराती करते आणि शुटिंगदरम्यान काही ब्युटी प्रोडक्टचा वापरही करत असल्याचं आपणा सर्वांना माहीत आहे. पण स्किन केअर रुटीन फॉलो करण्यासाठी ती नैसर्गिक उपचारांचीही मदत घेते.

(उन्हामुळे त्वचा होते लाल? क्रीममुळे रॅशेज येतात? संवेदनशील त्वचेशी संबंधित जाणून घ्या ५ गोष्टी)

NOTE एखादं ब्युटी प्रोडक्ट वापरण्यापूर्वी तसंच त्वचेशी संबंधित कोणतेही उपाय करण्यापूर्वी आपल्या ओळखीच्या डॉक्टरांचा सल्ला घेणे आवश्यक आहे. प्रत्येकाच्या चेहऱ्याचा प्रकार एकसारखा नसतो. त्यामुळे दुसऱ्या व्यक्तींचे स्किन केअर रुटीन फॉलो करू नये.


Source link

You may also like...

Leave a Reply

Your email address will not be published. Required fields are marked *