चेहऱ्यासाठी अमृत आहे भेंडीतील चिकट पदार्थ, चमकदार त्वचेसाठी जाणून घ्या उपचाराची योग्य पद्धत

Spread the love

आपल्यापैकी बहुतांश जणांना लहानपणापासूनच भेंडीची भाजी किंवा भरलेली भेंडी खायला आवडते. भेंडीचे आरोग्यवर्धक तसंच सौंदर्यवर्धक फायदे देखील आहेत. त्वचा (Skin Care Tips) आणि केसांसाठी (Hair Care Tips) पोषक असलेल्या घटकांचा भेंडीमध्ये मोठ्या प्रमाणात साठा आहे. भेंडीपासून तयार केलेल्या फेस पॅकचा (Face Pack) वापर केल्यास त्वचेवर नैसर्गिक चमक येण्यास मदत मिळेल.

महत्त्वाचे म्हणजे या नैसर्गिक उपचारामुळे चेहऱ्यावरील सुरकुत्या, मुरुम, मुरुमांच्या डागांपासून सुटका मिळेल. प्राचीन इजिप्तमधील महिला आपल्या सौंदर्य प्रसाधनांमध्ये भेंडीचा वापर करत असत, असे म्हटलं जाते. भेंडी आपल्या त्वचेसाठी कशा प्रकारे उपयोगी आहे आणि यापासून फेस पॅक कसं तयार करायचं? जाणून घेऊया याबाबत सविस्तर माहिती
( मुरुम आणि सुरकुत्यांवर हा आहे आयुर्वेदिक रामबाण उपाय, चेहऱ्यावर असा करावा वापर)

​चमकदार त्वचा

भेंडीमध्ये व्हिटॅमिन ए, व्हिटॅमिन सी, फॉलेट आणि कॅल्शिअम यासारखे पोषण तत्त्व जास्त प्रमाणात आहेत. हे घटक आपल्या त्वचेच्या पेशी दुरुस्त करण्याचे कार्य करून त्यांचे आरोग्य निरोगी ठेवण्यासाठी मदत कतात. फेस पॅक तयार करण्यासाठी शक्यतो ऑर्गेनिक भेंडीचा वापर करावा. मिक्सरच्या भांड्यामध्ये पाण्यासह भेंडी वाटून घ्या. एका वाटीमध्ये ही पेस्ट काढा. यानंतर कमीत कमी १५ मिनिटांसाठी हा लेप चेहऱ्यावर लावा. थोड्या वेळानंतर कोमट पाण्याने चेहरा स्वच्छ धुऊन घ्यावा. आठवड्यातून दोनदा भेंडी फेस पॅक तुम्ही लावू शकता.

(Skin Care Tips या ब्युटी प्रोडक्टवर करू नका खर्च, जाणून घ्या त्वचारोग तज्ज्ञांचे तुमच्या फायद्यासाठीचे मत)

​त्वचा दिसेल तरुण

बहुतांश अँटी एजिंग स्किन केअर प्रोडक्टमध्ये व्हिटॅमिन सी चा वापर केला जातो. या जीवनसत्त्वामुळे कोलेजन वाढवण्यास मदत मिळते. तसंच त्वचेच्या पेशी दुरुस्त देखील होतात. यामुळे तुमच्या चेहऱ्यावरील चमक नैसर्गिक स्वरुपात वाढते. ही प्रक्रिया अतिशय महत्त्वपूर्ण असते. पण यासाठी केमिकलयुक्त प्रोडक्ट वापरण्याऐवजी नैसर्गिक उपचारांची मदत घ्यावी. नैसर्गिक सामग्रींचा वापर करून तुम्ही घरामध्येच उजळ त्वचा मिळवू शकता. यासाठी तुम्हाला ब्युटी पार्लरमध्ये जाण्याची आवश्यकता नाही.

(Cucumber For Skin: नितळ त्वचा हवीय? मग असे तयार काकडीच्या सालीपासून फेस पॅक)

​मुरुमांपासून मिळेल सुटका

धूळ, माती, प्रदूषणामुळे मुरुमांची समस्या निर्माण होते. तुम्ही देखील मुरुमांमुळे त्रस्त आहात का? तर मग यातून सुटका मिळवण्यासाठी भेंडीतील चिकट पदार्थापासून भरपूर मदत मिळू शकते. यामध्ये अँटी फंगल, अँटी बॅक्टेरियल, एनाल्जेसिक आणि री हायड्रेटिंग गुणधर्म असतात. मुरुमांची समस्या कमी करण्यासाठी हे घटक पोषक आहेत. आयुर्वेदानुसार भेंडीमध्ये नैसर्गिक स्वरुपात शीतल गुणधर्म आहेत आणि हे तुमच्या त्वचेतून होणार सीबमचा अतिरिक्त स्त्राव नियंत्रणात ठेवण्यात मदत करतात. त्वचेवरील सूक्ष्म जीवजंतू खात्मा करण्याचेही कार्य करतात.

(कोरियन तरुणी महागडे प्रोडक्ट वापरुन नव्हे तर अशा पद्धतीनं करतात केसांची देखभाल)

​DIY अँटी एजिंग फेस पॅक

diy-

जर तुम्हाला चेहऱ्यावरील सुरकुत्यांपासून सुटका हवी असल्यास स्किन केअर रुटीनमध्ये भेंडीचा असा करा वापर.

सामग्री- सहा भेंडी, एक कप पाणी, चार मोठे चमचे दही, एक मोठा चमचा ऑलिव्ह ऑइल

फेस पॅक तयार करण्याची पद्धत : १० मिनिटांसाठी भेंडी पाण्यामध्ये उकळून घ्या. भेंडी मऊ झाल्यानंतर त्यामध्ये दही आणि ऑलिव्ह ऑइल मिक्स करा. या सर्व सामग्री मिक्सरच्या भांड्यामध्ये वाटून घ्या आणि त्याची पेस्ट तयार करा.

(कोरफड आणि हळदीचे मास्क चेहऱ्यासाठी आहे बेस्ट, त्वचेला मिळतील मोठे फायदे)

चेहऱ्यावर १५ मिनिटांसाठी लावा लेप

लेप तयार झाल्यानंतर थंड होऊ द्या. थोड्या वेळानं भेंडीचा लेप मान आणि चेहऱ्यावर १५ मिनिटांसाठी लावून ठेवा. पेस्ट सुकल्यानंतर चेहरा थंड पाण्याने धुऊन घ्या. आठवड्यातून दोनदा तुम्ही हे फेस पॅक वापरू शकता.

NOTE आपल्या चेहऱ्याची त्वचा नाजूक असते. यामुळे त्वचेसाठी कोणत्याही प्रकारचे उपचार करण्यापूर्वी तज्ज्ञ मंडळीकडून मार्गदर्शन घेणे आवश्यक आहे.

(Skin Care सर्व प्रकारच्या त्वचेसाठी परफेक्ट आहेत हे ७ DIY फेस पॅक)


Source link

You may also like...

Leave a Reply

Your email address will not be published. Required fields are marked *