चोकर्सची चलती! ट्रेंडनुसार निवडा स्टायलिश नेकलेस

Spread the love

तेजल निकाळजे, साठये कॉलेज
परफेक्ट लूक येण्यासाठी पेहरावासोबत अ‍ॅक्सेसरीजकडेही लक्ष देणं गरजेचं आहे. अ‍ॅक्सेसरीजमध्ये नेकपीस हा कमालीचं लक्ष वेधून घेणारा प्रकार आहे. नेकपीसला आणखी उठावदार बनवणारा प्रकार म्हणजे चोकर. चोकरमध्ये असंख्य डिझाइन्स, पॅटर्न पाहायला मिळतात. चोकरमुळे सौंदर्यात भर पडत असली तरीही चोकरची निवड करताना त्यांच्या प्रकारांची माहिती असणं आवश्यक आहे. चोकरमध्ये काही ट्रेंडी प्रकार खालीलप्रमाणे,

० फॅब्रिक चोकर
कपड्यांवर रंगबेरंगी धाग्यांनी आकर्षक नक्षीकाम करून या चोकरला तयार केलं जातं. स्टायलिंगची परफेक्ट जाण असेल तर घरच्या घरी देखील या पद्धतीचे चोकर तयार करता येऊ शकतात. फॅब्रिक चोकर्समध्ये खालील प्रकारांची जास्त क्रेझ आहे.
– सॅटिन, अज्रक, डेनिम, वेलवेट

० लेस चोकर

नाजूक नेकपीसची आवड असणाऱ्यांसाठी लेस चोकरसारखा दुसरा पर्याय नाही. लेस चोकरचा एक फायदा म्हणजे हे चोकर्स घातल्यावर टॅटूसारखा लूक येतो. शिवाय, व्हिंटेज पेहराव करताना या चोकरला पसंती दिली जाते. यामुळेच तरुणींना हा प्रकार विशेष आवडतो. लेस चोकर नेहमीच्या आणि पार्टीवेअर आउटफिटवर शोभून दिसतो. लेस चोकरमध्ये हे प्रकार आवडीनं परिधान केले जातात. यामधील प्रकार पुढीलप्रमाणे…
– व्हिक्टोरियन, गॉथिक, पर्ल लेस
(नीता अंबानींची सून श्लोका मेहताचे ‘या’ दागिन्यांवर आहे अत्यंत प्रेम, पाहा फोटो)
० चेन चोकर

चेन चोकर हा प्रकार सर्वात जास्त लोकप्रिय आहे. लेस किंवा फॅब्रिक चोकरची विशेष आवड नसणाऱ्यांसाठी चेन चोकरचा भन्नाट पर्याय आहे. चेन चोकरमध्ये असंख्य प्रकार पाहायला मिळतात. या प्रकाराला मेटल चोकर असंही म्हटलं जातं. चेन चोकर या पॅटर्नमध्ये पुढीलप्रमाणे प्रकार असतात.
– सिंगल चेन, लेअर्ड, बोहो
(गुलाबी रंगाची क्रेझ : कपड्यांपासून ते फॅशनेबल वस्तूंपर्यंत हवाहवासा गुलाबी रंग)तुमच्या आवडीप्रमाणे जाड अथवा नाजूक चेन असणाऱ्या चोकर्सचा अ‍ॅक्सेसरीजमध्ये समावेश करू शकता.
० ऑक्सिडाइज्ड चोकर
दिवसेंदिवस ऑक्सिडाइज्ड दागिन्यांचा वापर वाढत चालला आहे. या चोकर्सना आणखी लूक येण्यासाठी त्यांना घुंगरू, पॉम-पॉम किंवा टॅसल्सनं सजवलं जातं. तरुणींपासून ते महिलांपर्यंत ऑक्सिडाइज्ड चोकरला प्राधान्य दिलं जातं. या पॅटर्नमध्ये ट्रेंडी असणारे खालील प्रकार तुमच्या पेहरावाला नक्कीच चार चांद लावतील.
– अफगाणी आणि कारा टिक

हट के लूक करायला आवडणाऱ्या तरुणींसाठी ऑक्सिडाइज्ड चोकरसारखा उत्तम पर्याय नाही.
(तुम्हाला स्टायलिश बॅग वापरायला आवडतात का? जाणून घ्या हे पाच प्रकार)
० पारंपरिक चोकर
परंपरा आणि फॅशन या दोघांचा योग्य मेळ साधून तयार केलेल्या चोकर्सना प्रचंड मागणी आहे. विशेषतः लग्नसमारंभांमध्ये पारंपरिक चोकर्सना आवडीनं परिधान केलं जातं. विविध आकारांचे कुंदन, हिरे, मोती, रंगबेरंगी खड्यांनी सजवलेल्या चोकर्सची चलती आहे. शिवाय, कवड्यांनी तयार केलेले चोकर्स देखील आकर्षणाचा केंद्र बिंदू ठरत आहेत.

टिप्स
– कमी खर्चात भन्नाट लूक आजमावून पाहणाऱ्या तरुणींसाठी चोकर उत्तम पर्याय आहे.
– चोकरची निवड करताना तुमच्या आवडीसोबतच चेहऱ्याचा किंवा गळ्याचा आकार, पेहरावाची पद्धत महत्त्वाची ठरते.
– ऑफ शोल्डर टॉप्स, कॅमी टॉप्स, ट्यूब टॉप, स्कूप व वी-नेक टॉप आणि गाउन्सवर चोकर शोभून दिसतो.
– टर्टल नेक किंवा हाय नेक पॅटर्नच्या कपड्यांवर चोकर घालू नये.
– तुम्ही जुनी माळ किंवा चेनपासून घरच्याघरी चोकर बनवू शकता.
– चोकरसोबत स्टायलिंग करताना कम्फर्टवर देखील लक्ष असू द्या. गळ्याभोवती घट्ट चोकर घातल्यानं त्रास होऊ शकतो, हे ध्यानात ठेवा.


Source link

You may also like...

Leave a Reply

Your email address will not be published. Required fields are marked *