जगात आढळतात साडेसात हजार प्रकारची सफरचंद! जाणून घ्या त्यातील ८ प्रसिद्ध सफरचंदांचे लाभ व गुणधर्म

Spread the love

आरोग्यासाठी भरपूर लाभदायक फळांची जेव्हा जेव्हा चर्चा होते किंवा विषय येतो तेव्हा सफरचंद या फळाचे नाव सर्वात पहिल्या ओळीत असते. म्हणून तर डॉक्टरांकडून निरोगी आरोग्यासाठी दररोज एक सफरचंद खाण्याचा सल्ला आवर्जून दिला जातो. आपल्यातील बहुतांश लोक असे आहेत ज्यांना लाल सफरचंदा व्यतिरिक्त एकही प्रकार माहित नाही तर काही जण असे आहेत ज्यांना मोजूम ३ ते ४ प्रकारच माहित आहेत.

पण मुख्य करुन जगभरातील वेगवेगळ्या भागांत ८ प्रकारचे सफरचंद जास्त प्रमाणात खाल्ले जातात. पण तुम्हाला माहित आहे का जगभरात साडे सात हजार यापेक्षाही जास्त प्रकारचे सफरचंदाचे प्रकार आढळतात. यांचा रंग तर वेगळा असतोच पण त्यांच्या गुणधर्मातही हलकासा फरक असतो. पण तुम्ही यातील कोणत्याही प्रकारचं आणि कोणत्याही रंगाचं सफरचंद खा, सफरचंद हे फळ आरोग्यासाठी अमृता समानच असतं.

क्लासिक रेड सफरचंद (Kashmiri Apple)

काश्मिरी सफरचंद जवळ जवळ संपूर्ण जगात चवीने खाल्ली जातात. या सफरचंदाचा रंग आकर्षक लाल असल्यामुळे त्याला क्लासिक रेड कॅटेगरी मध्ये ठेवलं गेलं आहे. हे सफरचंद खाण्यास खूपच रसाळ आणि चवदार असतात.

(वाचा :- हे एक असं स्वस्त व मस्त होममेड बटर आहे जे तुमचं हृदय ठेवतं तंदुरुस्त!)

मॅकिन्टोश सफरचंद (McIntosh apples)

-mcintosh-apples

मॅकिन्टोश सफरचंद गडद गुलाबी रंग ल्यायलेला लाल रंगाचं सफरचंद असतं. या सफरचंदाची आपल्या गरामुळे एक वेगळीच ओळख आहे. कारण यातील गर खूपच मुलायम आणि दानेदार असतो. हेच कारण आहे ज्यामुळे याचा वापर कॅंडी, जॅम आणि जेली सारखे पदार्थ बनवण्यासाठी अधिक केला जातो.

(वाचा :- थायरॉइड ठेवायचा असेल नैसर्गिकरित्या नियंत्रणात तर नियमित करा ‘या’ पदार्थांचे सेवन!)

फूजी सफरचंद (Fuji apples)

-fuji-apples

फूजी सफरचंद लाल, पिवळा आणि गुलाबी रंगाच्या मिक्स शेडमध्ये असल्यामुळे अत्यंत सुंदर दिसणारे सफरचंद आहे. हे सफरचंद पाहताच तोंडाला पाणी सुटतं. याची खासियत ही आहे की हे सफरचंद दिसायला जितकं सुंदर आणि आकर्षक असतं तितकंच ते खाण्यासही क्रंची असतं.

(वाचा :- डोक्यात सतत येतायत नकारात्मक विचार? मग अशी जपा सकारात्मकता!)

ग्रीन सफरचंद (Green Apple)

-green-apple

क्सासिक रेड या प्रकारच्या सफरचंदा नंतर सर्वाधिक लोकप्रिय आणि आवडीने खाल्ले जाणारे सफरचंद म्हणजे ग्रीन सफरचंद (green apple) हे सफरचंद ग्रेनी स्मिथ (Granny Smith) या नावानेही ओळखले जाते. साधारणत: अॅप्पल ज्यूस बनवताना याच सफरचंदाचा वापर केला जातो. कारण हे सफरचंद इतर प्रकारच्या तुलनेत अधिक रसाळ आणि चवदार असतं.

(वाचा :- कोरफडीच्या गराचे सेवन करत नसाल तर आजच सुरुवात करा, दिसून येतील अगणित लाभ!)

पिवळं सफरचंद (Yellow And Golden Apple)

-yellow-and-golden-apple

नावावरुनच समजतं की या सफरचंदाची साल पिवळसर आणि रंग थोडा थोडा सोनेरी असतो. या कारणामुळे त्याला पिवळं सफरचंद किंवा गोल्डन अॅप्पल या नावानेही ओळखलं जातं. या सफरचंदाचा वापर मुख्यतव्ये डिंक्स आणि ब्रेवरेजेस बनवण्यासाठी केला जातो.

(वाचा :- व्यायामासाठी कशाला हवा खास वेगळा वेळ? बसल्या जागी असा करा व्यायाम!)

हनी क्रिस्प सफरचंद (Honeycrisp apples)

-honeycrisp-apples

हनी क्रिस्प सफरचंदाची साल हलक्या हिरव्या रंगाची असते आणि त्यावर हलकासा लाल रंग देखील असतो. म्हणजेच या सफरचंदाचा बेस हिरव्या रंगाचा आणि त्यावर लाल रंगाचे शेड्स असतात. या सफरचंदाचा स्वाद अगदी मधासारखा मधाळ असतो. सोबतच हे सफरचंद खूपच क्रिस्पी देखील असतं. खरं तर या सफरचंदाचा वापर फ्रुट सलाड बनवण्यासाठी केला जातो.

(वाचा :- चक्कर येऊ लागल्यास ताबडतोब करा ‘हे’ उपाय, काही सेकंदातच डोकं होईल शांत!)

बाल्डविन सफरचंद (Baldwin apple)

-baldwin-apple

बाल्डविन सफरचंद चमकदार लाल रंगाचे असते आणि इतर प्रकारच्या सफरचंदांच्या तुलनेत हे अधिक उठावदार व आकर्षक दिसते. या सफरचंदाचे पिक हिवाळ्यात जास्त प्रमाणात होते. या कारणामुळे याला व्हिंटर अॅप्पल असंही म्हटलं जातं. तसंच या सफरचंदाला रेड डिलिशियस अॅप्पल (Red Delicious Apple) या नावानेही ओळखलं जातं. पण सफरचंदाच्या इतर विविध प्रकारांपेक्षा हे सफरचंद मार्केटमध्ये सहज उपलब्ध होते. याचा स्वाद रसाळ आणि क्रंची असतो.

(वाचा :- Juice Vs Soup : ज्यूस व सूप यापैकी काय असतं अधिक लाभदायक? जाणून घ्या नाश्त्यात काय प्यावं?)

गाला सफरचंद (Gala Apple)

-gala-apple
  • गालाचा अर्थ असतो ज्यामध्ये भरपूर सा-या गुणधर्मांचा संगम असतो. जर सफरचंदा बाबत हा शब्द वापरला जातो तर त्याचा अर्थ आहे विविध प्रकारच्या सफरचंदांचे गुणधर्म आपल्यामध्ये सामावून घेतलेले सर्वगुणसंपन्न सफरचंद!
  • गाला सफरचंद इतर प्रकारच्या तुलनेत आकाराने प्रचंड मोठे असतात. या सफरचंदाची खासियत ही असते की याची साल ही आतील गाभ्याच्या तुलनेत अतिशय गोड असते. याच कारणामुळे हे सालीसकट आवडीने खाल्ले जाते.
  • गाला सफरचंद बाहेरुन दिसायला फूजी अॅप्पलसारखंच असतं पण आकाराने त्याच्यापेक्षा मोठं असतं. तर मग मंडळी आता तुम्हाला ठाऊक झालं आहे की सफरचंदातील सर्वात लोकप्रिय आणि लाभदायक प्रजाती व त्यांच्या खासियती कोणत्या आहेत. तर मग वाट कसली पाहताय? आपल्या आवडी व मूडनुसार घ्या सफरचंदांचा आस्वाद!

(वाचा :- घ्या जाणून पोटाच्या समस्यांवर उपाय काय?)


Source link

You may also like...

Leave a Reply

Your email address will not be published. Required fields are marked *