जन्मापासूनच बाळाचे पाय वाकडे आहेत? मग जाणून घ्या या आजारावरील उपाय!

Spread the love

जन्मत: पाय वाकडे असणे

जर जन्मत:च बाळाचे पाय वाकडे असतील तर हा एक जन्मदोष असतो. याला क्लब फुट असे देखील म्हणतात. हा दोष असल्याने बाळाचे पाय आत किंवा बाहेरच्या बाजूस वळत नाहीत. काही बाळांमध्ये ही समस्या केवळ एकाच पायात दिसते तर अनेक बाळांमध्ये ही समस्या दोन्ही पायांत दिसू शकते. जर वेळीच या दोष दूर करण्यासाठी प्रयत्न केले गेले नाही तर मुल मोठे झाल्यावर त्याला खूप समस्यांचा सामना करावा लागू शकतो. त्याला चालताना सुद्धा समस्या निर्माण होऊ शकते. सर्जरीच्या सहाय्याने हा जन्मदोष दूर करता येऊ शकतो.

(वाचा :- लस दिल्यानंतर बाळामध्ये तापाव्यतिरिक्त ‘ही’ लक्षणे दिसल्यास ताबडतोब घ्या डॉक्टरांची भेट!)

लक्षणे

बाळाला क्लब फुट ही समस्या आहे हे तुम्ही काही विशेष लक्षणांवरून ओळखू शकता. सर्वात महत्त्वाचे लक्षण म्हणजे बाळाचे पाय आतील वा बाहेरच्या बाजूस वळलेले असणे होय. बाळाची टाच आतल्या बाजूस वळलेली असते ज्यामुळे आर्क सारखा आकार दिसून येतो. काही गंभीर प्रकरणात तर थेट पंजेच उलट असल्याचे लक्षण दिसून आले होते. ज्या पायामध्ये दोष आहे तो त्या पायाची लांबी छोटी असते. अजून एक महत्त्वाचे लक्षण म्हणजे त्या पायाचे स्नायू विकसित झालेले नसतात.

(वाचा :- इम्युनिटी वाढवण्यासाठी भरपूर खाल्लं जाणारं ‘हे’ फळ मुलांना कधी व कसं दिलं पाहिजे?)

कारणे

बाळ क्लब फुटच्या दोषासह का जन्माला येते याचे ठोस असे कारण अद्यापही कळलेले नाही. परंतु काही जाणकारांचे असे मत आहे की या मागे अनुवांशिक आणि पर्यावरणीय गोष्टी असू शकतात. सामान्यत: मुलींपेक्षा मुलांमध्ये क्लब फुटचा धोका सर्वाधिक असतो. यामागे अजून काही विशेष कारणे आहेत ती आपण जाणून घेऊया. आई किंवा वडील कोणाला पहिल्यापासूनच क्लबफुटचा आजार असेल तर बाळाला सुद्धा हा आजार होऊ शकतो. ज्या कुटुंबात क्लबफुटचा इतिहास आहे त्या कुटुंबातील स्त्रीने गरोदरपणात धुम्रपान केले तर बाळाला हा आजार होण्याची शक्यता अधिक वाढते. काही जन्मजात स्थिती सुद्धा या आजाराला कारणीभूत ठरू शकतात.

(वाचा :- विरूष्काच्या मुलीचे झाले नामकरण! त्यांच्या मुलीच्या नावात नेमका काय अर्थ दडलाय?)

यावर उपाय काय?

बाळाच्या पायामधील हाडे आणि स्नायू यांना जोडणाऱ्या पेशी खूप लवचिक असल्या कारणाने या आजारावर जन्माच्या काहीच आठवड्यात उपचार सुरु केले जाऊ शकतात. बाळ चालू लागण्याआधीच या आजारावर उपचार करण्याचे काम डॉक्टरांना करावे लागते. उपचारा दरम्यान पाय सरळ करून चालण्यायोग्य स्थितीत आणले जातात. स्ट्रेचिंग आणि कास्टिंग हा क्लबफुटचा एक उपाय आहे. या पद्धतीला पोंसेटी असे देखील म्हटले जाते. या अंतर्गत बाळाच्या पायांना सरळ केले जाते. त्यानंतर पायांवर प्लास्टर, ज्याला कास्ट सुद्धा म्हणतात ते चढवले जाते. वाकड्या पायांना सरळ करण्यासाठी ही प्रक्रिया अनेकदा केली जाते. ही प्रक्रिया यशस्वी व्हावी यासाठी सर्जरी केली हाते.

(वाचा :- मुलांचे पोट सतत खराब होते? चिंता करण्याऐवजी पोट ठणठणीत बरं करणारे ‘हे’ उपाय ट्राय करा!)

सर्जरीचा उपाय

क्लबफुटचे प्रकरण अत्यंत गंभीर असेल तरच त्यावर सर्जरी केली जाते. या स्थिती बाळाची अवस्था अत्यंत गुंतागुंतीची असू शकते. यात सध्या सोप्प्या उपायांनी पाय सरळ होऊ शकत नाहीत. सर्जरी मध्ये हाडे आणि स्नायूंच्या मध्ये असणाऱ्या पेशींना ताणले जाते आणि सामान्य स्थितीमध्ये आणले जाते. सर्जरी नंतर काही महिन्यांकरता बाळाला कास्ट लावून ठेवणे गरजेचे असते. बाळाच्या वाकड्या पायांना कायमचा प्रतिबंध करण्यासाठी एक वर्षे तरी ब्रेसेस घालावे लागू शकतात.

(वाचा :- मुलांसाठी झटपट बनवा ‘हे’ हेल्दी स्नॅक्स, आवडीने खातील व हेल्दी सुद्धा राहतील!)


Source link

You may also like...

Leave a Reply

Your email address will not be published. Required fields are marked *