टीव्ही पाहत खाण्याच्या सवयीमुळे आरोग्यावर होतात ‘हे’ दुष्परिणाम, जाणून घ्या कसं ठेवावे नियंत्रण

Spread the love

जेवता-जेवता टीव्ही पाहणं, ही एक अतिशय सामान्य आणि वाईट सवय आहे. दिवसभरात दगदग, धावपळ केल्यानंतर आपल्यापैकी बहुतांश जण रात्रीच्या वेळेस टीव्हीसमोर शांततेत आणि आरामात बसून जेवणाचा आस्वाद घेतात. पण टीव्ही पाहता-पाहता जेवण ही आरोग्याच्या दृष्टीकोनातून अत्यंत वाईट सवय आहे. या सवयीमुळे आपल्या पोटात गरजेपेक्षाही अधिक प्रमाणात जेवण जातं. यामुळे शरीराच्या फिटनेसवर दुष्परिणाम होऊ शकतात.

शिवाय वजनाचा काटा देखील पुढे सरकण्याची शक्यता असते. याबाबत फार उशिराने जाणीव झाल्यानंतर तुम्ही केवळ पश्चातापच करू शकता. तुम्हाला देखील फिट राहायचं असेल अथवा वजन नियंत्रणात ठेवायचे असेल तर जंक फूडचे सेवन करणं टाळा. तसंच आरोग्यास अपायकारक ठरतील अशा वाईट सवयी देखील वेळीच सोडून द्या. वाईट सवयी सोडण्यासाठी आपण काही सोप्या गोष्टींची मदत घेऊ शकता. याबाबत जाणून घेऊया सविस्तर माहिती.
(Health Care शरीरासाठी व्हिटॅमिन सी का असते आवश्यक? अधिक सेवन केल्यास आरोग्यावर होऊ शकतात हे दुष्परिणाम)

​लोक टीव्हीसमोर बसून का जेवण करतात?

जेवताना आपलं संपूर्ण लक्ष जेवणावरच केंद्रित असणं आवश्यक आहे. ज्या प्रकारे आपण आपली दुसरी कामे काळजीपूर्वक करता, त्याचप्रमाणे प्रत्येक घासाचा आनंद घेत जेवण करावं. टीव्ही पाहत जेवल्यानं तुमचे जेवणावरील लक्ष भरकटते. एकतर घाईघाईत जेवण जेवलं जातं किंवा पदार्थ अधिक प्रमाणात पोटात जातात. योग्य पद्धतीने जेवणे आणि घास पूर्णपणे चावून खाणे आरोग्याच्या दृष्टीकोनातून गरजेचं आहे. आवश्यकतेपेक्षा जास्त प्रमाणात जेवल्यास पोट तसंच शरीर जड झाल्यासारखे वाटणे, अपचन इत्यादी समस्या निर्माण होऊ शकतात.

(थंडीमध्ये अश्वगंधाचा चहा पिण्याचे हे आहेत मोठे फायदे, जाणून घ्या सेवनाची योग्य पद्धत)

​वाईट सवयी सोडाव्यात

आरोग्याशी संबंधित समस्या उद्भवू नयेत तसंच शरीर फिट राहावे, यासाठी वाईट सवयी तातडीनं सोडणं आवश्यक आहे. घाईघाईमध्ये जेवण करणं टाळावं, शांततेत जेवण्याचा प्रयत्न करावा. दुपारी तसंच रात्री वेळेवर जेवण करावे. जेवणाचा प्रत्येक घास नीट चावून खावा. आरोग्य निरोगी राहण्यासाठी पौष्टिक खाद्यपदार्थांचा आहारामध्ये समावेश करावा.

(Health Care Tips ‘या’ सात पदार्थांचे सेवन केल्यानंतर पाणी पिण्याची चूक करू नका, अन्यथा…)

​अति प्रमाणात खाणे टाळावे

टीव्हीचे चॅनेल बदलत जेवण्याऐवजी ताटातील जेवण योग्य वेळेत संपवणे आवश्यक आहे. टंगळमंगळ करत जेवणे टाळावं. यामुळे तुमच्या आरोग्यावर वाईट परिणाम होताहेत, हे लक्षात घ्या. टीव्ही पाहताना पॉपकॉर्न किंवा वेफर्स खाण्याऐवजी मर्यादित स्वरुपात पौष्टिक खाद्यपदार्थांचे सेवन करावे. कोणताही पदार्थ अति प्रमाणात खाल्ल्याने शरीराला अतिरिक्त फायदे मिळत नाहीत. या उलट शारीरिक समस्या निर्माण होतात.

(हृदय विकार दूर ठेवण्यासाठी नियमित खा दोन अक्रोड, जाणून घ्या अन्य आरोग्यदायी लाभ)

​दुसरी कामं करा

टीव्ही पाहत जेवण्याऐवजी आपण दुसरे काम देखील करू शकता. तुम्ही नखांना पेंट करू शकता किंवा पायांचा मसाज करू शकता. अशा प्रकारे वेगवेगळी कामं केल्यास टीव्ही पाहत जेवण्याची वाईट सवयी सुटण्यास मदत मिळू शकेल. यामुळे आरोग्यास अपाय देखील होणार नाही.

(हिवाळ्यात वजन घटवणे होईल सोपे, जाणून घ्या ब्रेकफास्टपासून ते डिनरपर्यंतचा डाएट प्लान)

​पाणी प्या

टीव्ही पाहताना जंक फूड खाण्याची इच्छा झाल्यास एक ग्लास पाणी प्या. यामुळे तुमची भूक शांत होईल. जंक फूड ऐवजी पौष्टिक खाद्यपदार्थांचं सेवन करावं.

(Health Care Tips किती मिनिटे करावा मॉर्निंग वॉक? नियमित व्यायाम केल्यास आरोग्याला मिळतील हे लाभ)

NOTE आपल्या आहारामध्ये कोणत्याही प्रकारचे बदल करण्यापूर्वी ओळखीच्या आहारतज्ज्ञांचं मार्गदर्शन घेणे आवश्यक आहे.

(रात्री झोपण्यापूर्वी गुळाचे सेवन का करावे? आरोग्यदायी लाभ माहीत आहेत का, जाणून घ्या)


Source link

You may also like...

Leave a Reply

Your email address will not be published. Required fields are marked *