डायबिटीजवर रामबाण उपाय आहेत मेथीदाणे, जाणून घेऊया वापराची पद्धत!

Spread the love

शुगर कमी करण्यात मेथीचं योगदान

मेथीदाण्यात (Fenugreek seeds) सॉल्यूबल फायबर मोठ्या प्रमाणात असतं. शरीरात गेल्यानंतर सॉल्यूबल फायबर कार्बोहायड्रेटचं अब्जॉर्वशनची प्रक्रिया मंद करतं. कार्बोहायड्रेट म्हणजेच तुम्ही जे चपाती, भात किंवा दुसरे पदार्थ खाल्ले असतील त्याची शरीराच्या आतील अवशोषणची प्रक्रिया मेथी दाणे मंद करतात. यामुळे अन्न पचनक्रिये दरम्यान रक्तामध्ये साखर हळू हळू मिसळते. ज्यामुळे रक्तातील साखरेचे प्रमाण नियंत्रित राहते. एक चमचा मेथी दाणे रात्रभर पाण्यात भिजत घाला. सकाळी हे पाणी रिकाम्या पोटी प्या. रोज हे पाणी प्यायल्याने तुमचा मधुमेह नियंत्रित होण्यास मदत होते. तुम्ही मधुमेहावरील औषधे घेत असाल तर मेथी दाण्यांचं पाणी पिण्यापूर्वी डॉक्टरांचा एकदा सल्ला नक्की घ्या.

(वाचा :- आयुर्वेदिक पद्धतीने मिळवा मानसिक तणाव व नैराश्यातून मुक्ती, तन-मन होईल शांत!)

डायबिटीजसाठी मेथी दाण्यांचे दुसरे काम

मेथी दाण्यात असलेले अमिनो अॅसिड्स रक्ताच्या आतील साखरेला संपवण्यास किंवा त्याची पातळी कमी करण्यास मदत करतात. मेथी दाण्यांमुळे रक्तात इन्सुलिनचे प्रमाण वाढवण्यास मदत मिळते. ज्यामुळे डायबिटीज नियंत्रणात राहतो. मेथीदाण्यांमध्ये असलेले फायबर व स्टेरॉइड दोन पद्धतीने काम करतात. एक म्हणजे शरीरात इन्सुलिनची पातळी वाढवतात. याची मधुमेह्यांना खूप गरज असते. दुसरे म्हणजे यामुळे कोलेस्टेरॉल नियंत्रित राहतो. सोबतच मेथी दाण्यांमुळे रोप्रतिकारक शक्ती देखील वाढते.

(वाचा :- अथक प्रयत्नांनंतरही लठ्ठपणा कमी होत नसल्यास डिनरवेळी करा ‘ही’ ५ कामे!)

डायबिटीजसाठी मेथी दाण्यांचे तिसरे काम

मेथी दाण्याचे नियमित सेवन केल्यास आपली मेटाबॉलिज्म प्रक्रिया सुरुळीत राहते. जर शरीरा मध्ये तुम्ही खाल्लेले अन्न पचल्यानंतर त्याचं अवशोषण होण्याची व अनेक तुकड्यांमध्ये तुटण्याची प्रक्रिया योग्य रितीने झाल्यास रक्तातील साखर आपोआप नियंत्रित राहते. मेथी दाणे शरीराची हीच चयापचय प्रक्रिया सुरुळीत ठेवण्याचं काम करतात. यामुळे तुम्ही टाइप १ डायबिटीजचे रुग्ण असा किंवा मग टाइप २ डायबिटीजचे रुग्ण, दोन्ही परिस्थितीत मेथी दाणे लाभदायक ठरतात.

(वाचा :- सायलेंट किलर असतो हाय बीपी! अशी ओळखा हाय बीपीची सुरुवातीची लक्षणे)

कसा करावा मेथी दाण्यांचा उपयोग?

दोन पद्धतींनी तुम्ही मेथी दाण्यांचा दैनंदिन जीवनात उपयोग करु शकता. पहिली पद्धत म्हणजे जेवण बनवताना त्यात मेथी दाण्यांचा वापर करा आणि दुसरी पद्धत म्हणजे रात्री झोपण्यापूर्वी १ चमचा मेथी दाणे पाण्यात भिजत घाला आणि सकाळी उठल्यावर रिकाम्या किंवा उपाशी पोटी ते दाणे चावून खा. यानंतर एक दोन घोट पाणी पिऊ शकता. बाकी चहा-नाश्ता वगैरे मेथी दाणे खाल्ल्यानंतर ३० मिनिटांनीच करा. या पद्धती तुमच्यासाठी खूपच लाभदायक ठरतील.

(वाचा :- सुदृढ व सडपातळ शरीरासाठी घरबसल्या करा ‘हे’ साधेसोपे व्यायाम!)

मेथी दाण्यांचे इतर फायदे

बद्धकोष्ठता झाल्यास अर्धा चमचा मेथीदाणे पाण्यासोबत घ्यावेत. थोडेसे मेथीदाणे सकाळ-संध्याकाळ पाण्यातून घेतल्यास बद्धकोष्ठतेची समस्या दूर होते. मेथीमध्ये असलेले लोह आणि अन्य पोषक तत्व हे शरीरातील रक्ताचं प्रमाण वाढवतं तसंच मासिक पाळी दरम्यान होणारी पोटदुखी, त्रास आणि मूड स्विंग्जदेखील नियंत्रणात ठेवण्याचं काम करतं. मेथीची पानं वाटून त्याचा लेप चेहऱ्यावर लावल्यास काळे डाग निघून जाण्यास मदत होते. तसंच त्वचेमध्ये तजेलदारपणा टिकून राहतो. हृदय रोगांसाठी एक ग्लास पाण्यात एक चमचा मेथी दाणे घ्या. ते उकळून पाणी गाळून घ्या आणि मग त्यामध्ये आपल्या स्वादानुसार मध घाला. मध घातल्यामुळे मेथीचा कडूपणा थोडा कमी होईल तसंच हे पिण्यासाठी सोपं होईल.

(वाचा :- ‘हे’ ५ हार्मोन्स करा संतुलित नाहीतर वजन कमी करणं होऊ शकतं कठीण!)


Source link

You may also like...

Leave a Reply

Your email address will not be published. Required fields are marked *