डिप्रेशनमध्ये आहात? मग मेंदू हेल्दी ठेवणा-या ‘या’ डाएट प्लानने करु शकता समस्येवर मात!

Spread the love

आजकालच्या धकाधकीच्या जीवनात ना लोकांना स्वत:साठी वेळ आहे ना आपल्या लोकांसाठी! आपल्या भावना व्यक्त करण्यासाठी समोर योग्य व्यक्तीच नसल्यामुळे लोकांमध्ये स्ट्रेस आणि डिप्रेशनचे प्रमाण दिवसेंदिवस वाढत चालले आहे. कामामुळे लोकांमध्ये मानसिक तणाव इतका वाढत चालला आहे की तो दिवसेंदिवस त्यांना डिप्रेशनकडे ढकलत चालला आहे. खरंतर लोक डिप्रेशनला एखाद्या गंभीर आजारात धरतच नाहीत. पण हेच डिप्रेशन कधी कधी गंभीर आजारांचा धोका वाढवते.

ज्यामध्ये हार्ट अटॅकपासून आत्महत्या यासारख्या समस्यांचा समावेश आहे. तसं तर डिप्रेशनचे उपचार होऊ शकतात. पण सोबतच डिप्रेशन (tips for depression) येऊ नये म्हणून त्यापासून बचाव करण्याचे अनेक मार्ग उपलब्ध आहेत. ज्यामध्ये मेंदू हेल्दी ठेवणा-या अशा काही पदार्थांचा समावेश आहे जे आपला डिप्रेशनपासून बचावही करु शकतात. चला तर मग आजच्या या लेखातून जाणून घ्या त्या खास सुपरफुड्सबद्दल जे आपल्याला डिप्रेशनपासून दूर ठेवण्यास मदत करु शकतात.

अक्रोड

अक्रोडचे अनेक लाभ तुम्हाला माहितच असतील. अक्रोड शरीर मजबूत बनवण्यासोबतच मेंदू देखील हेल्दी बनवतो आणि डिप्रेशनपासून आपल्याला दूर ठेवण्याचं काम करतो. अक्रोड ओमेगा ३ फॅटी अ‍ॅसिडचा सर्वोत्तम स्त्रोत आहे. अक्रोडमधील हे ओमेगा २ फॅटी अ‍ॅसिड मानसिक आरोग्य मजबूत ठेवतो त्यामुळे मन शांत राहते. तसंच अक्रोडचे सेवन केल्याने शांत झोप लागते. पुरेसा आराम मिळाल्यामुळे शारीरिक व मानसिक समाधान प्राप्त होते ज्यामुळे डिप्रेशनपासून बचाव होतो.

(वाचा :- Food To Boost Your Mood : मन उदास असल्यास खालीलपैकी एक पदार्थ खा, मूड होईल लगेच बूस्ट!)

ग्रीन टी

सामान्यपणे लठ्ठपणापासून दूर राहण्यासाठी आणि रोगप्रतिकारक शक्ती वाढवण्यासाठी लोक ग्रीन टीचा वापर करतात. पण ग्रीन टी इतर समस्यांवर देखील रामबाण उपाय आहे. तणावमुक्त जीवन जगण्यासाठी ग्रीन टी खूपच उपयुक्त ठरते. ग्रीन टी अ‍ॅंटीऑक्सिडंटचा उत्तम व परिपूर्ण स्त्रोत आहे. सोबतच यामध्ये डिप्रेशनशी लढा देणा-या थेनाइन नावाच्या अ‍ॅमिनो अ‍ॅसिडचा समावेश असतो. थेनाइन ताणतणाव कमी करण्यासाठी लाभदायक ठरतं. मुड बुस्ट करण्यासाठी देखील तुम्ही ग्रीन टी पिऊ शकता. शिवाय मधुमेहाच्या लोकांनाही ग्रीन टीचा खूप फायदा होतो.

(वाचा :- छोटी-मोठी कामं केल्यानंतरही धाप लागते आहे? मग जाणून घ्या त्यामागील कारणे व उपाय!)

कार्बयुक्त पदार्थ

जर तुम्ही अशा पदार्थांच्या शोधात असाल जे मुड बुस्ट करतील आणि डिप्रेशनपासून दूर ठेवतील तर तुम्ही हेल्दी हाय फायबर, कार्बोहायड्रेट्सनी परिपूर्ण असलेल्या संपूर्ण तृणधान्यांचा आपल्या आहारात समावेश करा. दलिया, ब्राऊन राइस, रताळी हे पदार्थ डिप्रेशनवर रामबाण ठरतात. हे शरीरात सेरोटोनिनचं उत्पादन वाढवतात, जे की डिप्रेशनशी लढण्यास मदत करतात.

(वाचा :- करोनानंतरचं जीवन सुरु करताना मानसिक व शारीरिक आरोग्यासाठी असा करा दिनक्रम सेट!)

हळद

हळद ही प्रत्येक भारतीय स्वयंपाकघराची शान आहे. ही फक्त स्वयंपाकाचा रंग व चवच नाही वाढवत तर औषधी गुणधर्मांनीही परिपूर्ण असते. हळद अ‍ॅंटीफंगल, अ‍ॅंटीबायोटिक्स, अ‍ॅंटीइन्फ्लामेट्री गुणांनी भरलेली असते. ही एक मसाला असण्यासोबतच एक औषध म्हणूनही लाभदायक ठरते. या सर्व तत्वांव्यतिरिक्त हळदी मध्ये करक्युमिनोइड आणि टरमर्नोंस नामक तत्वंही असतात. हे तत्व आरोग्याच्या अनेक समस्यांसोबतच डिप्रेशन दूर करण्यासही कारक ठरतात.

(वाचा :- यावेळी खा ‘वेज पनीर भुर्जी’, लठ्ठपणा कमी करण्यास मदत करेल ही लो फॅट रेसिपी!)

लो फॅट डेअरी प्रोडक्ट्स

दही, टोन्ड मिल्क आणि लो फॅट पनीर यासारख्या लो फॅट डेअर पदार्थांमध्ये भरपूर प्रमाणात प्रोटीन, कॅल्शियम आणि व्हिटॅमिन डी चं प्रमाण आढळतं. हे घटक आपल्या शरीराला डिप्रेशनसोबत लढण्यास मदत करतात. तसंच डेअरी प्रोडक्ट्स आपल्या शरीर आणि मेंदूची भरपूर काळजी घेतात. शिवाय आपली हाडे मजबूत बनवण्यापासून आपल्या मेंदूला स्ट्रॉंग बनवतात. यामुळे व्यक्तीला डिप्रेशनचा सामना करण्यास मदत मिळते. त्यामुळे मंडळी, जर तुम्ही किंवा तुमच्या कुटुंबातील कोणती व्यक्ती डिप्रेशनमधून जात असेल तर आहारात या सुपरफुड्सचा समावेश करण्यास विसरु नका.

(वाचा :- पोट सतत खराब होतं? मग जाणून घ्या तुमचा इटिंग पॅटर्न किती योग्य आहे?)


Source link

You may also like...

Leave a Reply

Your email address will not be published. Required fields are marked *