डिलिव्हरीनंतर रक्ताची कमतरता दूर करण्यासाठी जीवनशैलीत करा ‘हे’ खास बदल!

Spread the love

डिलिव्हरी नंतर शरीरात भरपूर कमजोरी येते आणि शरीरात पोषक तत्वांची देखील भरपूर कमतरता आढळून येते. या काळात ब-याच महिलांना एनीमियाची (tips for anemia) समस्या देखील सुरु होते. एनीमियी म्हणजेच शरीरातील रक्ताची कमी. एनीमियामध्ये शरीरात नॉर्मल प्रमाणापेक्षाही रक्ताची प्रचंड कमतरता जाणवते. एनीमिया न झाल्यास देखील नवीन आई झालेल्या किंवा ओल्या बाळंतीनींनी शरीरात रक्ताची पातळी संतुलित ठेवणं अत्यंत गरजेचं असतं.

डिलिव्हरी नंतर स्त्रियांना स्तनपान करावं लागतं त्यामुळे या काळात शरीरात रक्ताची कमी होणं आई व बाळाच्या आरोग्यास धोका पोहचवू शकतं. म्हणूनच डिलिव्हरीनंतर स्त्रियांना आपल्या आहारात अशा पदार्थांचा अवश्य समावेश करावा जे त्यांना निरोगी व सुदृढ ठेवतील. आज आम्ही तुम्हाला डिलिव्हरी नंतर शरीरात होणारी रक्ताची कमतरता दूर करण्यासाठी विविध घरगुती रामबाण उपाय सांगणार आहोत.

डिलिव्हरीनंतरचा एनीमिया

नवीन मातांना एनीमियाची समस्या जितक्या लवकर दूर करता येईल तितक्या लवकर त्यांनी ती दूर करावी. कारण यामुळे खाली दिलेल्या समस्यांना तोंड द्यावं लागू शकतं.

  1. मन एकाग्र करण्याची समस्या
  2. थकव्यामुळे दैनंदिन दिनक्रमात बाधा येणे
  3. पुढच्या प्रेग्नेंसीसाठी अडथळे निर्माण होणं

गर्भावस्थेच्या आधी किंवा त्यानंतर शरीरात रक्ताची कमतरता झाल्यास एनीमियाचा धोका वाढतो. वजन कमी असणं, पहिली डिलिव्हरी सिझेरियन पद्धतीने झालेली असणं, दोन मुलांच्या जन्मामध्ये कमी अंतर असणं आणि डिलिव्हरी दरम्यान जास्त रक्त वाहून गेल्यामुळे महिलांना एनीमिया होऊ शकतो. प्रीमॅच्युर डिलिव्हरी, प्लेसेंटा प्रीविया व हायपरटेन्शन ही देखील एनीमिया होण्यामागची कारणं असू शकतात.

(वाचा :- आईच्या ‘या’ चुकांमुळे पोटातच होऊ शकतो बाळाचा मृत्यु! काय काळजी घ्यावी?)

चहा कमी प्या

चहा मध्ये टॅनिन नामक घटक असतो जो शरीरातील आयरन अर्थाच लोहाचं अवशोषण कमी करतो. तसंच जास्त कॅल्शियमचं सेवन केल्याने सुद्धा शरीरात लोहाची कमतरता होऊ शकते. त्यामुळे कमी प्रमाणात कॅल्शियम घ्या. लोहयुक्त पदार्थ खाताना व्हिटॅमिन सी म्हणजेच ‘क’ जीवनसत्त्व असलेले पदार्थ खाणं गरजेचं आहे. यामुळे रक्तातल्या नॉन-हिम प्रकारातील लोहाचं शोषण होते. अन्नातील फायटेट आणि टॅनिनयुक्त पदार्थ, कॅल्शियमयुक्त पदार्थ, अॅण्टासिड्सचे अतिरेकी प्रमाणात सेवन, चहा, कॉफी असे पदार्थ शरीरातल्या लोहाचं शोषण होऊ देत नाहीत. त्यामुळे लोहयुक्त पदार्थांचं सेवन करा पण वरील काही पदार्थांचे सेवन आवर्जून टाळा.

(वाचा :- प्रेग्नेंट नसतानाही तशी लक्षणे दिसण्यामागे काय कारण असतं व फॉल्स प्रेग्नेंसीची लक्षणे कोणती?)

लोहयुक्त आहार

शरीरातील रक्ताची कमतरता दूर करण्यासाठी तुम्हाला आयरन युक्त पदार्थांचं सेवन करणं आवश्यक असतं. यामध्ये हिरव्या पालेभाज्या जसं की पालक, बिन्स, वाटाणे, डाळी व कडधान्ये, स्ट्रॉबेरी, भोपळा, आयरन फोर्टिफाइड ब्रेड चिकन, अंडी, मासे, इतर मांसाहारी पदार्थ, सुकामेवा, अहळीव, खजूर, नाचणी, पोहे, राजगिरा, बीट, टोमॅटो, गाजर आणि अशा लाल रंगाच्या पदार्थांमधून शरीराला लोहाचा पुरवठा होतो. शरीरातील रक्ताची कमतरता दूर करण्यासाठी तुम्ही डॉक्टरांच्या सल्ल्याने आयरन सप्लीमेंट देखील घेऊ शकता. तुम्ही आयरनच्या गोळ्या, कॅप्सूल व टॉनिक घेऊ शकता.

(वाचा :- कोणत्या महिलांना असतो प्रीमॅच्युअर डिलिव्हरीचा धोका व यावर उपाय काय?)

व्हिटॅमिन ‘क’ व द्रव्य पदार्थ

व्हिटॅमिन ‘क’ असलेले पदार्थ खाल्ल्याने शरीरातील लोहाचे प्रमाण वाढते. संत्री व लिंबू ही फळं व्हिटॅमिन ‘क’ मध्ये मोडतात. तसंच इतर आबंट फळे, टॉमेटो, बटाटा, लाल मिरची, स्ट्रॉबेरी, पालक हे व्हिटॅमिन सी चे सर्वोत्तम स्त्रोत आहेत. गरम किंवा साध्या पाण्यात अर्धा/ एक लिंबू पिळून ते पाणी प्या. नाश्त्याला एका पदार्थासोबत (मूग डाळीचं घावन, इडली, डोसा, बाजरीची भाकरी यातील काहीही) सोबत एक अंड आणि एक प्लेट सलाड घ्या. कैरीची चटणी देखील खाऊ शकता. प्रेग्नेंसी मध्ये हायड्रेटेड राहणं गरजेचं असत, यामुळे डिलिव्हरीनंतर रक्त प्रवाहात सुधारणा होण्यासाठी मदत मिळते. द्रव्य सेवनामुळे रक्ताच्या गाठी बनत नाहीत आणि मुत्रमार्गात संक्रमण देखील होत नाही. डिलिव्हरीनंतर नियमित जवळ जवळ दोन लीटर पाणी प्यायलं पाहिजे. यामुळे रक्त पातळ होतं.

(वाचा :- प्रेग्नेंसीमध्ये ‘या’ हेल्दी व एनर्जी ड्रिंक्सनी करा शरीरातील पाण्याची कमतरता दूर!)

भरपूर आराम करा

शरीरात आयरन अर्थात लोहाची कमतरता असताना महिलांना भरपूर थकवा जाणवतो. अशा स्थितीत आराम करणं अत्यंत गरजेचं असतं. थकवा दूर करण्यासाठी आरामासोबतच एनर्जी प्रदान करणारे पदार्थही खावेत. डिलिव्हरी नंतर डॉक्टरांचा सल्ला घेऊन तुम्ही आरामात डाएट ठरवू शकता की, एनीमियाचा तुम्हाला कसा सामना करायचा आहे? शिवाय आराम केल्याने शरीराला व मनाला आराम मिळतो. जास्तीत जास्त आराम केल्याने आपली एनर्जी वाचते व आपण उर्जावान फिल करतो. ज्यामुळे थकव्याचा शरीरावर जास्त परिणाम होत नाही.

(वाचा :- नॉर्मल डिलिव्हरी हवी असल्यास ९व्या महिन्यात जरुर खा ‘हे’ पदार्थ!)


Source link

You may also like...

Leave a Reply

Your email address will not be published. Required fields are marked *