डिलिव्हरीनंतर स्त्रियांना करावा लागतो स्तनांच्या अनेक समस्यांचा सामना! कशी करावी यावर मात?

Spread the love

प्रेग्नेंसी दरम्यान आणि डिलिव्हरी नंतर एका महिलेच्या शरीरात अनेक प्रकारचे बदल घडून येतात. काही बदल हे मर्यादीत काळासाठी असतात तर काही बदल हे आजन्म तसेच राहून जातात. या अनेक बदलांमध्ये एक बदल हा ब्रेस्ट म्हणजेच स्तनांमध्येही होतो. बाळाला दररोज स्तनपान केल्याने काही कालावधी नंतर आईच्या स्तनांमध्ये हळू हळू ढिलेपणा येऊ लागतो. असं मानलं जातं की हेल्दी लाईफस्टाईल, एक्सरसाईज आणि योग्य खानपान म्हणजेच डाएटच्या मदतीने स्तनांतील ढिलेपणा दूर केला जाऊ शकतो.

कारण स्त्रियांना आपल्या सौंदर्याची, सडपातळ बांध्याची, शरीराच्या शेपची खूप काळजी असते आणि मुळात स्त्री ही सुंदरतेची मुर्ती असते आणि तिच्याकडे पाहिल्यावर प्रसन्नच वाटतं. ती स्वत:च्या जबाबदा-या पार पाडत शरीर जपण्याचा प्रयत्न करते. पण कधी कधी वेळेनुसार काही बदल होतात. जर तुम्ही देखील या समस्येतून जात असाल तर नाराज होऊ नका, इथे आम्ही काही टिप्स दिल्या आहेत ज्याच्या मदतीने तुम्ही आपले स्तन पहिल्यासारखे सुडौल व आकर्षक शेपमध्ये आणू शकता.

स्तनपानावेळी पॉश्चरकडे द्या लक्ष

पहिल्यांदाच आई बनलेल्या महिला बाळाला स्तनपान करताना प्रमाणाबाहेर बाळाकडे म्हणजेच खाली वाकतात. अतिरिक्त दबाव पडल्यामुळे स्तन बेडौल होतात आणि सैल पडू लागतात. त्यामुळे उत्तम हेच राहिली की पाठीमागे उशी घेऊन टेकून बसा आणि मांडीवर देखील एक कापसाची एखादी मऊ उशी घेऊन त्यावर बाळाला ठेवा व पाठीचा कणा सरळ ठेऊन बाळाला दूध पाजा. जेणेकरुन स्तनांवर भार पडणार नाही आणि शरीराचं पॉश्चर एकदम योग्य राहिल.

(वाचा :- प्रेग्नेंसीमध्ये किती तास झोप घेणं आवश्यक असतं?)

योग्य साईजची ब्रा

बहुतांश वेळा महिला स्तनपानात अडथळा बनत असल्याने ब्रा घालणंच सोडून देतात. स्तनांना योग्य आधार न मिळाल्यामुळे देखील ते लटकू लागतात. अशा स्थितीमध्ये योग्य साईजची नर्सिंग ब्रा घालायला सुरुवात करा. जेणे करुन छातीला व स्तनांना योग्य आधार मिळत राहिल, जास्त दबाव पडणार नाही आणि बाळाला दूध पाजताना कोणताही अडथळा येणार नाही. आकारावर विशेष लक्ष यासाठी द्यावे कारण जास्त घट्ट ब्रा घातल्यास स्तनांवर रॅशेज आणि खाज येण्याची शक्यता असते आणि यामुळे ब्रेस्टमध्ये दूधाच्या गाठी होण्याचाही प्रकार घडू शकतो. तर जास्त सैल ब्रा घातल्याने स्तनांचा आकार बिघडू शकतो म्हणून योग्य साईजवर लक्ष देणं खूप गरजेचं असतं.

(वाचा :- बॉलीवूडमधील हे सेलिब्रेटी IVF व surrogacy प्रक्रियेद्वारे झाले आहेत आई-बाबा! नेमकं काय आहे हे तंत्रज्ञान?)

एक्सरसाईज व योगची मदत

स्तनांना सैल पडण्यापासून बचाव करायचा असेल तर एक्सरसाईज आणि योग यासारखा उत्तम पर्याय दुसरा कोणता नाही. आर्म स्ट्रेच, वॉल पुशअप्स, चेस्ट प्रेस अशा काही मोजक्या एक्सरसाईझ प्रेग्नेंसी दरम्यान व डिलिव्हरी नंतर केल्या जाऊ शकतात. त्यासोबतच तुम्ही साधेसोपे योग व एरोबिक्स देखील करु शकता.

  • पुश अप्स – पुशअप्समध्ये संपूर्णतः वजन हे हातावर आणि स्तनांवर येते. त्यामुळे त्याचा व्यायाम होऊन आजूबाजूचे शरीरही टाईट होते आणि स्तनांना सैल पडण्याची संधी राहात नाही.
  • चेस्ट प्रेस – हा व्यायाम मुख्यत्वे स्तनांच्या उभारीसाठी आणि स्तन सैलसर पडू नये यासाठीच आहे. यामुळे त्वचा कसदार राहून स्तनही टाईट राहतात.
  • बेंच प्रेस – बेंच प्रेस करताना स्तनांवर प्रेशर येते आणि स्नायू बळकट होतात. त्यामुळे स्तन सैलसर पडत नाहीत.
  • चेस्ट फ्लाय – हा व्यायामप्रकारदेखील खास स्तनांसाठी बनविण्यात आला आहे. तुम्हाला सुडौल आणि आकर्षक स्तन हवे असतील तर तुम्ही हा व्यायाम नक्कीच करू शकता.
  • प्लँक अप्स – या व्यायामाने संपूर्ण शरीर सुदृढ राहण्यास मदत मिळते. पण वरीलपैकी कोणतीही एक्सरसाईज करण्याआधी डॉक्टरांचा सल्ला जरुरु घ्या.

(वाचा :- Navratri :- प्रेग्नेंसीमध्ये करताय नवरात्रीचे व्रत? मग जाणून घ्या ‘या’ महत्त्वपूर्ण गोष्टी!)

स्तनपान अचानक बंद करु नका

काही महिला स्तनपान करणं अचानकच बंद करतात. असं करुनही त्यांच्या स्तनांमध्ये दुधाची निर्मिती होत राहते आणि जेव्हा दूध निघून जाते तेव्हा ते लटकू लागतात. त्यामुळे स्तनांवरील अतिरिक्त चरबी कमी करण्यासाठी स्तनपान हळू हळू बंद करणेच उत्तम असते.

(वाचा :- प्रेग्नेंसीमध्ये चुकूनही खाऊ नका ‘हे’ पदार्थ अन्यथा गर्भातील बाळाला पोहचू शकतो धोका!)

डाएटमध्ये पौष्टिक आहार घ्या

काही रिसर्चनुसार, ज्या खाद्यपदार्थां मध्ये व्हिटॅमिन ‘बी’ आणि ‘इ’ ची मात्रा जास्त असते ते पदार्थ स्तनांचा सैलपणा दूर करु शकतात. या व्यतिरिक्त प्रोटीन आणि कार्बोहायड्रेटच्या सेवनाने शरीरात हेल्दी टेश्यूस बनतात ज्यामुळे स्तनांमध्ये घट्टपणा आणला जाऊ शकतो. त्यामुळे स्तन सुडौल आणि आकर्षक दिसावे असे वाटत असेल तर आहारात फॅट असणारे पदार्थ जास्त खाऊ नका आणि पौष्टिक पदार्थांची मात्रा वाढवा.

(वाचा :- डिलिव्हरीनंतर अंगदुखीचा त्रास सतावतोय? मग ट्राय करा ‘हे’ रामबाण घरगुती उपचार!)

काही सोपे घरगुती उपाय

स्तनांमध्ये घट्टपणा, सुडौलता आणण्यासाठी आणि सैलपणा दूर करण्यासाठी नियमित स्तनांची मोहरीच्या तेलाने मालिश करत राहा. तसंच घट्टपणा टिकून राहावा यासाठी एक दिवस थंड तर एक दिवस गरम पाण्याने अंघोळ करा. यामुळे छातीच्या स्नायूंना बळकटी मिळते आणि त्यातील रक्तप्रवाह वाढू लागतो. तुमची इच्छा असल्यास बर्फाच्या तुकड्यांनी सर्क्युलर मोशलमध्ये स्तनांची मालिश करु शकता. सोबतच तुम्ही अंड, कोरफडीचा गर आणि मध याचं मिश्रण बनवून ते ब्रेस्टवर लावू शकता आणि काही वेळाने धुवून टाकू शकता. या नैसर्गिक पदार्थांनी त्वचेला कोणतेही साईड इफेक्ट्स होणार नाहीत व ब्रेस्टमध्ये घट्टपणा व सुडौलता येईल.

(वाचा :- सिझेरियन डिलिव्हरीनंतर ताबडतोब व्हायचं असेल फिट, तर आवर्जून खा ‘हे’ ५ पदार्थ!)


Source link

You may also like...

Leave a Reply

Your email address will not be published. Required fields are marked *