डोकेदुखीचा त्रास होतोय? मग त्यामागे असू शकतात ‘ही’ कारणं!

Spread the love

मुंबई टाइम्स टीम

लॉकडाउनच्या काळात निर्माण झालेली अनिश्चितता आणि आयुष्याची विस्कटलेली घडी यामुळे सर्वांच्याच मानसिक ताणामध्ये भर पडली. या काळात डोकेदुखीच्या तक्रारींमध्ये मोठ्या प्रमाणात वाढ झाल्याचं तज्ज्ञांचं म्हणणं आहे. डोकेदुखी होण्याची अनेक कारणं असू शकतात. जोपर्यंत आपण ती कारणं शोधून त्यांच्यावर उपाय करत नाही तोपर्यंत ठरावीक कालावधीनंतर डोकेदुखी पुन्हा-पुन्हा उद्भवण्याची शक्यता असते.

(वाचा :- बहुतांश लोकांना माहितच नाही पेरूच्या पानांचा वापर करण्याची ‘ही’ योग्य पद्धत!)

कारणं काय?

रक्तवाहिन्या रुंद होण्यानं डोकेदुखीचा त्रास होतो. आपला मेंदू हा आपल्या शरीरातील महत्त्वाचा अवयव असतो आणि डोकेदुखीच्या माध्यमातून शरीर आपल्याला रक्तवाहिन्या रुंद होत असल्याचा इशारा देत असतं. यावर वेळीच उपचार न केल्यास रक्तस्राव होण्याचा धोका निर्माण होऊ शकतो. अनेकदा डोकेदुखी झाल्यावर वेदनाशामक औषधं घेऊन त्याकडे दुर्लक्ष केलं जातं. तसंच मानसिक ताण असल्यावर अनेकदा जेवणाच्या वेळांचं चक्र बिघडतं. त्याशिवाय, मद्यपानसुद्धा केलं जातं. यामुळे शरीरातील पाण्याची पातळी कमी होऊन डोकेदुखी वाढण्याची शक्यता निर्माण होते.

(वाचा :- ‘या’ ५ खास कारणांमुळे हिवाळ्यात केले जाते शेंगदाण्यांचे अधिक प्रमाणात सेवन!)

सायनस आहे?

लक्षणं- तुमच्या चेहऱ्यापासून दुखण्याची सुरुवात होते. विशेषतः पुढे वाकल्यावर वेदनेत भर पडते. नाक वाहणं हे लक्षण असतं. यामुळे सायनसमध्ये (चेहऱ्याच्या हाडांमध्ये असलेल्या चार पोकळ्या) अडथळा आल्यानं तुम्हाला डोकेदुखीचा त्रास उद्भवू शकतो. सायनसचा पूर्ण विकास झालेला नसल्यानं विशेषतः लहान मुलांना अशा प्रकारच्या डोकेदुखीचा सामना करावा लागू शकतो.

कारणं- ज्या सायनसमध्ये अडथळे निर्माण झाले असतील त्याच्याशी निगडित समस्येचा तुम्हाला सामना करावा लागू शकतो. अनेकदा अॅलर्जी किंवा इतर जंतु संसर्गामुळे हा त्रास होऊ शकतो. त्यामुळे या भागांमध्ये रोगप्रतिकारक रसायनांचा पुरवठा केला जातो. परिणामी, रक्तवाहिन्या रुंद होतात.

((वाचा :- कोणत्याही वयातील व्यक्तीचा गुडघ्याचा आजार एकपाद सुप्तवज्रासन करतं ठणठणीत बरा!)

अतिताणामुळे होतो त्रास

लक्षणं- कपाळावरील भागामध्ये तीव्र वेदना होतात. तसंच मान आणि खांदेदुखी होऊ शकते.

कारणं- हा जास्त प्रमाणात आढळून येणारा डोकेदुखीचा प्रकार आहे. मानसिक किंवा शारीरिक ताणामुळे डोकेदुखी होऊ शकते. लॅपटॉप वर तासनतास काम करताना, चुकीच्या पद्धतीनं बसण्याच्या सवयीमुळे शारीरिक ताण पडू शकतो. मानसिक ताणामुळेसुद्धा डोकेदुखी होऊ शकते. दोन्ही बाबतीत तुमच्या ऑटोमॅटिक नर्व्हस सिस्टिमवर ताण पडतो. मोठ्या प्रमाणावर ग्लुकोज आणि ऑक्सिजन तुमच्या मेंदूपर्यंत पोहोचवला जातो. त्यामुळे रक्तवाहिन्या रुंद होऊ शकतात.

(वाचा :- खास हिवाळ्यात खा ‘हे’ ६ प्रकारचे भजी, चटपटीत असण्यासोबतच पचनक्रियाही करतात सुरुळीत!)

क्लस्टरमुळे होऊ शकतं

लक्षणं- डोक्याच्या एका भागमध्ये तीव्र डोकेदुखी होणं. डोळे लाल होणं, नाक वाहणं. चेहऱ्याची एक बाजू अशक्त होऊ शकते.

कारणं- यावर अजून संशोधन सुरू असलं तरी यामागे मेंदूमधील हायपोथॅलेमस हा भाग असू शकतो, असं तज्ज्ञ सांगतात. हायपोथॅलेमसमधील सुप्राकिएजमॅटिक न्यूक्लिअस हा भाग तुमच्या डोळ्यांमधून येणाऱ्या प्रकाशाच्या बाबतीत संवेदनशील असतो. त्यामुळे डोकेदुखी होण्याची शक्यता असते.

(वाचा :- गुडघेदुखीेने त्रस्त आहात? मग करा योगथेरपिस्टने सांगितलेले ‘हे’ साधेसोपे व्यायाम!)

तीव्र डोकेदुखी

लक्षणं- जास्त प्रमाणात जांभई देणं किंवा तहान लागणं, अस्पष्ट दिसणं यापासून सुरुवात होते. त्यानंतर दृष्टी दोष आणि डोकेदुखीचा सामना करावा लागू शकतो.

कारणं- तज्ज्ञांच्या मते तुमच्या मेंदूमध्ये होणाऱ्या घडामोडी याला कारणीभूत असतात.

(वाचा :- ६६ वर्षीय रेखाच्या मनमोहक सौंदर्य व फिटनेसचे ‘हे’ आहे रहस्य!)

संकलन- राहुल पोखरकर, ए. पी. शाह इन्स्टिट्यूट ऑफ टेक्नॉलॉजी


Source link

You may also like...

Leave a Reply

Your email address will not be published. Required fields are marked *